Jemisi 3:2 - Uwumbɔr aagbaŋ

² Ba pu? ti mɔmɔk yenni sakpen. Unii yaa kaa yenni waabɔlen ponn ni kan, uma le ye unibamɔnn, ki ga ŋmaa chuu tiwon mɔmɔk ti taa ŋa bakaa.

UWONBƆR A GBƆNPƆŊ LIKƆƆNL

² Tiwann takpemin, ti biɛn tun ki bura. Ni ye uba kaa nyi ki pag burin u pipagirin ke, u yaadaan ye kasi daan le, ki li fir ŋmag u gbanann nbamɔm.

Jemisi 3:2 ပူးပေါင်းရင်းမြစ်များ

1 Bibɔrb 8:46

“Aa nyi ke unii ubaa aa bi kaa tun titunwanbir, kina pu na, saanib yaa tun si titunwanbir, le saaŋuul ponn ni aa cha baadim nyaŋ bi, ki chuu bi tinaagbiir, ki di bi buen kitiyayaŋ ni, hali kitiŋ ngbaan ni yaa daa kan,

2 Bibɔrb Aabɔr 6:36

“Aa nyi ke unii ubaa aa bi kaa tun titunwanbir, kina pu na, saanib yaa tun si titunwanbir, le saaŋuul ponn ni aa cha baadim nyaŋ bi ki chur bi tinaagbiir ki di bi buen kitiyayaŋ ni, hali kitiŋ ngbaan ni yaa daa kan,

Job Aagbaŋ 15:13

Aa gee Uwumbɔr pu liŋuul, le ki bui ke waa ki ye nibaa.

Ilahn 34:13

Kina kan, taa len tibɔbir, ki taa mɔnn inyamɔn.

Ilahn 39:1

M len ke, “M ga chuu mbaa maatuln chee, ki taa cha nlambil di mi koon titunwanbir ni. Buyoonn titunwanbirdam bi m chee na kan, maan len tibaa.”

Ŋiyataŋak 10:19

Aa yaa gbaa tibɔr sakpen kan, saa pɔɔ titunwanbir aakoom ni. Aa yaa kpa nlan kan, li ŋmin suuna.

Ŋiyataŋak 13:3

Chuu aabaa saamɔliin chee ki li kpa limɔfal. Unii u len tibɔr yɔl yɔl na junni waamɔfal la.

Ŋiyataŋak 20:9

Unii ga ŋmaa len ke waabimbin aa kpa tijɔŋ, ki bui ke u nyan titunwanbir ni ii?

Ŋiyataŋak 21:23

Aa yaa kaa ban aa koo tibɔr ni kan, li nyi saabɔlen.

Ulandaan 7:20

Ubaa aa bi dulnyaa wee ponn ni ki tun litunyaan n‑yoonn mɔmɔk kaa tun taani ubaa.

Aisaya 64:6

Ti mɔmɔk tun titunwanbir; hali tima aah dak ke taah tun pu na ŋan sakpen na ye tijɔŋ le ki ti doo. Timi aatunwanbir pu, ti naahn tifar ti kuur aan libuln daar cha na la.

Liifai Yaab 13:39

ni cha utotoor lik u. Nima chee yaa kaa piin sakpen kan, ni ye tiwan ni kaa bir na le nyan nima chee, udaan ngbaan bi chain.

Matiu 12:34

Nimi ikuub aabim, ni ye titunwanbirdam la. Ni ga ŋa kinye ki len iliin i ŋan na? Ilandak i gbii unii aasui ni na, ima le u ga len.

Matiu 12:37

Saamɔliin le ga nyan si. Saamɔliin mu le ga bii si.”

Rom Yaab 3:10

Ni ŋmee kina le Uwumbɔr Aagbaŋ ni ke, “Unii ubaa aa ye uninyaan,

Rom Yaab 7:21

Naah ye pu na, m yaa ban m tun lituln li ŋan na kan, titunwanbir bi m chee la.

1 Korenti 9:27

m muk maawon le ti kii maamɔb. Ni yaa kaa ye kina kan, m ga tuk biken tibɔnyaan tee, le min mbaa ga nan bee yɔli.

Galantiya 3:22

Tɔ, Uwumbɔr Aagbaŋ len ke dulnyaa ni aanib mɔmɔk ye titunwanbirdam la, ke Uwumbɔr aah nan puu tipuur ti na, u ga ŋa tinyoor ŋa binib bi gaa Yesu Kristo ki kii na pu. Binib bi gaa u ki kii na, bima le u ŋa tinyoor ŋa bi pu.

Galantiya 5:17

Timi aabimbikpok aah ban pu na le kpak Uwumbɔr Aafuur Nyaan aah ban pu na. Uwumbɔr Aafuur Nyaan aah ban pu na mu kpak timi aabimbikpok aah ban pu na. Timi aabimbikpok ni Uwumbɔr Aafuur Nyaan ye tɔb aadim la. Nima le cha ni pɔɔ ke ni dii mbamɔm naah ban pu na.

Kolosiya 1:28

Kristo aabɔr ngbaan le ti mooni, ki sur binib mɔmɔk, ki tuk bi waabɔr, waah tii timi nlan pu na. Ti ban ke bi mɔmɔk li kpaan Kristo ni, ki li ye binib bi ŋan doo na. Ti ban ke ti di bi ki mɔk Uwumbɔr la.

Kolosiya 4:12

Epafras mu dooni nimi. U ye ni ponn ni aanii ubaa la, ki ye Yesu Kristo aatutunn. U mee Uwumbɔr n‑yoonn mɔmɔk linimaln le ki tii nimi, ke ni li dii Uwumbɔr mbamɔm, ki taa di cha, ki kii Uwumbɔr aah gee pu na mɔmɔk.

Hiibru Yaab 13:21

Uwumbɔr, u tii timi nsuudoon na, toor nimi aabimbin mbamɔm, aan ni li ŋani waah gee pu na. Cha u ŋa nimi binib bi ga piir usui na Yesu Kristo pu. Uma le yeh mpakm n‑yoonn mu kaa kpa ndoon na. Amii.

Jemisi 1:26

Unii yaa len ke u dii Uwumbɔr aasan, u yaa kaa chuu ulambil kan, u ŋmanni ubaa la. Waa dii le na. Ni ye fam la.

Jemisi 1:4

Ni mu li nyi man ki li kpa limɔr ki ti saa naadoon, ki taa di cha, aan ki li ye binib bi ŋan doo na, ki taa li kpa taani ubaa, ki taa lir.

Jemisi 2:10

Unii yaa bii nkaal mubaa baanja kan, u bii ikaal mɔmɔk le na.

1 Piita 3:10

Ni ŋmee Uwumbɔr Aagbaŋ ni ke, “Unii yaa ban ke u li kpa mpopiin, ni mbimbin mu mɔ na kan, u taa ki len tibɔbir, ki taa ki mɔni inyamɔn,

1 Piita 5:10

Ni yaa ji falaa ni yunn siib kan, Uwumbɔr ga ter nimi, ki tii nimi mpɔɔn ni li dii u mbamɔm, ki taa gir puwɔb. Ba pu? nterm mɔmɔk nyan ni uma le chee. U nan yin nimi Kristo pu, ke ni nan ji waamɔɔn n‑yoonn mu kaa kpa ndoon na.