Jemisi 3:13 - Uwumbɔr aagbaŋ

¹³ Tɔ, unii ubaa bi ni ponn ni ki kpa nlan ni ŋuntii ii? Ni ŋan ke waabimbinyaan le mɔk ke u kpa. U li bi suuna, ki li kpa nlan, ki tun litunyaan.

UWONBƆR A GBƆNPƆŊ LIKƆƆNL

¹³ Ŋma ye ulandaan nin ubiɛndaan ni sisiigin naa? Ni che un wɔɔn ni u binben ŋam a lam a toon yan ye jiininba a toon nmɔn.

Jemisi 3:13 ပူးပေါင်းရင်းမြစ်များ

Job Aagbaŋ 28:28

Uwumbɔr nan bui unibɔn ke, “Aa ga li san Uwumbɔr le ki nin kan nlan. Aa ga fenn aapuwɔb tii titunwanbir le ki bee tiwan aatataa.”

Ilahn 107:43

Cha binib bi kpa nlan na li dakl lik timina; Cha bi dakl lik Uwumbɔr aageehm mu bi n‑yoonn mɔmɔk na.

Ilahn 122:8

Ndo yaab ni njɔtiib pu le m bui Jerusalem aatiŋ ke, “Nsuudoon li bi aa pu.”

Ilahn 149:4

Uwumbɔr neen waanib; u joo linyaŋ tii binib bi sunn bibaa taab na ki nyuŋni bi.

Ilahn 25:9

U mɔk binib bi sunn bibaa taab na nsanyaan, le ki mɔk bi waageehn.

Ilahn 45:4

Di mpɔɔn buen ki ti kan mbamɔn ni mbimbinyaan aanyaŋ. Saapɔɔn le ga cha aa kan linyaŋ sakpeln.

Ulandaan 8:1

Ulandaan baanja le nyi tiwan aatataa aah ye pu na. Nlan cha u laa limɔmumukl ki cha unimbil wiin.

Ulandaan 8:5

Aa yaa keei waamɔb n‑yoonn mɔmɔk kan, saan li bi tibɔbir ni. Ulandaan nyi ke libɔjil aayoonn le bi.

Aisaya 29:19

Bigiim, ni binib bi sunn bibaa taab na ga ki kan mpopiin mu Israel yaab Aadindaan Uwumbɔr u bi chain na tii bi na.

Aisaya 60:6

Laakumii tiib pam ga ki nyan ni Midiann, ni Efa aatim ni ki fuu ni. Bi nyan ni Seba, ki joo ni salmaa ni tulalee. Binib ga len tibɔnyaan ngbaan, bi ga len Uwumbɔr aah ŋa pu na.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Jeremia 9:12

Le m baa ke, “Uwumbɔr, ba ŋa kitiŋ bii ki kuur ke nteersakpiin na, le ubaa aa ki chuun nima chee? Ŋma kpa nlan ki ga ŋmaa bee nimina aatataa? Ŋma aan aa kpiir mɔk ke u di tuk biken na?”

Jeremia 9:23

Uwumbɔr ki bui ke, “Bilandam taa li kpa kipupuk baalan pu, binib bi pɔɔ na mu taa li kpa kipupuk baapɔɔn pu, biwankpadam mu taa li kpa kipupuk baawangol pu.

Daniel 2:21

Uma le joo n‑yoonn, ni tiwan nimɔk bi na; u kaani bibɔrb ki nyani bibɔrb; ni ye uma le tii nlan ni mbeem.

Sefania 2:3

Fenn gir ni Uwumbɔr chee, nimi binib bi mɔmɔk sunn nibaa taab ki kii waakaal na, fenn gir ni u chee man. Ŋa tiwan ni ŋan na man, ki sunn nibaa taab Uwumbɔr aanimbiin ni. Nibaakan, ni ga nan nya ntafadaan ni, bundaal aan Uwumbɔr ga nan nyan waaŋuul paacham na.

Nkahm 12:3

Moses nan ye unii u sunn ubaa taab na la, u nan sunn ubaa taab ki jer unii mɔmɔk dulnyaa wee ni.

Matiu 11:29

Gaa maatuln man, ki bae mbaem m chee; m bi suuna, ki sunn mbaa taab. Ni ga kan lifuur;

Matiu 21:5

“Tuk Sionn aatiŋ aanib, Lik, nimi aabɔrkpaan choo ni chee la. U sunn ubaa taab le ki dik ubon pu, u dik ubon u laa diin na pu la.”

Matiu 5:5

Binib bi sunn bibaa taab na, Uwumbɔr aanyoor bi bi pu. Bima le ga li yeh dulnyaa wee.

Matiu 7:24

“Nima pu na, unii umɔk ŋun maabɔr ngbaan ki ŋani kina na, naahn unii u kpa nlan, ki maa waadiik litakpal pu na.

1 Korenti 6:5

M len ke m jinn nimi inimɔɔn la. Ulankpal ubaa aa bi nikaasisik ni ii? Ni ponn ni ubaa aan ŋmaa len tibɔr tii nimi ii?

2 Korenti 10:1

Min Pɔɔl mbaa gaŋni nimi la. Ni ponn ni bibaa len ke maah nan bi ni chee na, maa kaar nimi, ke m yaa bi nibaa chee kan, m kpa lipobil ki ŋmee kigbaŋ ki sur nimi. Min Pɔɔl bi suuna ke Kristo aah bi pu na, ki gaŋni nimi ke ni toor nimi aabimbin man,

2 Korenti 8:24

Ni li mɔk bi ni Yesu aanib mɔmɔk naah gee Uwumbɔr aanib pu na, ki ter bi, ke taah nan pak nimi pu na.

Galantiya 5:23

ki bi suuna, ki chur bibaa. Nkaal aa bi ki ga kpak binib bi ŋani kina na.

Galantiya 6:1

Nnaabitiib, bi yaa pii unii titunwanbir ni kan, nimi bi nyi Uwumbɔr aasan mbamɔm na, ni li bi suuna ki ter u ke u ki dii mbamɔm, ki li lik aabaa, kinimbɔŋ taa tɔŋ aa mu.

Galantiya 6:4

Cha unii mɔmɔk dakl lik ke waatuln ŋan aan laa ŋan. Li yaa ŋan kan, u ga li kpa mpopiin uma ubaa aatuln pu. U taa li kpa kipupuk ke waatuln ŋan ki jer una aabo yaan.

Efesusi 4:2

Ni li sunni nibaa taab man, ki li bi suuna, ki li kpa suklaa n‑yoonn mɔmɔk, ki li gee tɔb, ki li kpa limɔr tɔb pu.

Filipi 1:27

Tibɔkpaan le ye ke nimi aabimbin li bi Kristo aabɔnyaan tee aah mɔk nimi pu na, aan m yaa dan nan mann nimi, bee m yaa kaa dan kan, m ga ŋun nimi aabɔr, ke ni si Yesu aachaŋ ni, ki kpa kimɔbaan, ki kpaan tuk binib Yesu aabɔnyaan, ke bi gaa u ki kii.

Kolosiya 3:12

Uwumbɔr nan nyan nimi, ki ŋa nimi waaninyaam, ki gee nimi. Nima pu na, ni li kpa linimbaasaln, ni tibulchinn, ki sunn nibaa taab, ki li bi suuna, ki li kpa suklaa,

1 Timoti 4:12

Taa cha bi lik si fam ke aa ye unachipɔɔn la. Li len iliinyaan, ki li bi mbamɔm, ki li gee binib, ki li tun Uwumbɔr aatuln mbamɔm, ki li bi chain, aan ki li ye limɔkl ki mɔk binib bi gaa Yesu ki kii na baah ga li dii mbamɔm pu na.

1 Timoti 6:11

Saah ye Uwumbɔr aanii na, yii titunwanbir timina mɔmɔk, ki li dii mbimbinyaan, ki li bi Uwumbɔr aah ban pu na, ki li tun waatuln mbamɔm, ki li kpa ngeehm, ni suklaa, ki li bi suuna.

2 Timoti 2:25

ki li bi suuna ki sur binib bi kpak u kinikpakpak na. Nibaakan, Uwumbɔr ga cha bi kpeln baabimbin ki bee waabɔr ti ye mbamɔn na,

Taitus 3:2

ki taa bii unii ubaa, ki taa kpak binib kinikpakpak. Bi li kpa kijɔtiik binib biken chee, ki li bi suuna binib mɔmɔk chee.

Hiibru Yaab 13:5

Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.

Jemisi 1:21

Nima pu na, ni di cha titunwanbir ni tiwan nimɔk kaa ŋan na, ki li bi suuna, ki gaa tibɔr ti Uwumbɔr di ŋa nisui ni na; tibɔr ngbaan ga gaa nimi lii.

Jemisi 2:18

Unii yaa len ke, “Ubaa gaa Yesu ki kii la, ubaa mu tun litunyaan la,” m mu ga bui u, “Aa yaa kaa tun lituln nyaan kan, saan ŋmaa len ke aa gaa Yesu ki kii. Maatunyaan mu le ga mɔk si ke m gaa Yesu ki kii.”

Jemisi 3:1

Nnaabitiib, bimɔmɔkb taa li wiir; ba pu? ni nyi ke timi bi ye bimɔmɔkb na, Uwumbɔr ga ji timi tibɔr ki jer biken.

Jemisi 3:17

Le unii u kpa nlan mu nyan ni Uwumbɔr chee na, u bi chain, ki kpa nsuudoon, ni mbimbisuuna, ki ŋun tii binib, ki kpa linimbaasaln sakpen, ki tun litunyaan sakpen, kaa kpa imaagann, ki ye mbamɔndaan.

1 Piita 1:15

Cha nimi aabimbin mɔmɔk li bi chain, ke Uwumbɔr u yin nimi na aabimbin aah bi chain pu na.

1 Piita 2:12

Ni bi binib bi kaa dii Uwumbɔr aasan na aakaasisik ni la. Ni li tun lituln li ŋan na bi chee. Le bi yaa bii nimi ke ni ye bakadam kan, nimi aatunyaan chee bi ga kan ke ni ŋan. Nima le ga cha bi nyuŋ Uwumbɔr bundaln u ga ji binib tibɔr na.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

1 Piita 3:4

Tiwan ni ga cha ni li ŋan na le ye mbimbin mu ŋan na. Ni yaa kpa mbimbin suuna kan, nima le ye kinyaan ki kaan fir, ki ŋan sakpen Uwumbɔr chee na.