Jemisi 2:5 - Uwumbɔr aagbaŋ

⁵ Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.

UWONBƆR A GBƆNPƆŊ LIKƆƆNL

⁵ N nabum; ni pela man: Naa ye Uwonbɔr le gann ban ye faladam kutingbɔŋ nan a poolin, ke bi li ye biwandam yada a ŋaam bu, wee ki nan ji paab a naam a faal lan wee Uwonbɔr siin limɔsiinl ke u li sei ban ban win naa?

Jemisi 2:5 ပူးပေါင်းရင်းမြစ်များ

1 Bibɔrb 22:28

Le Mikaya teen ke, “Aa yaa gir ni ni laafee kan, kina kan, Uwumbɔr le aa len m chee tibɔr ke m di nabr si,” le ki ki len ke, “Ni mɔmɔk pel maah len pu na man.”

Job Aagbaŋ 34:10

Nimi binib bi kpa ŋuntii na, li pel m chee man. Uwumbɔr Mpɔɔnsakpiindaan ga ŋmaa ŋa tiwan ni kaa ŋan na aa?

Job Aagbaŋ 34:19

Waa len tibɔr kpae bijojoob pu kaa ter uwankpadaan ki cha ugiin, ba pu? uma le naan unii mɔmɔk.

Job Aagbaŋ 38:14

Nwiin pu aawiihn le cha ŋigongon ni tifatann kpiir ni, ki naahn tiwanpeenkaan aah tul tul pu na, ki waa chain ke salmaa le aah tab tiyakr pu na.

Nnyam 20:6

ki ga li gee binib churbakaa bi mu gee mi ki kii tii maakaal na.

Ŋiyataŋak 13:7

Binib bibaa ŋmanni ke bi ye biwankpadam la, le kaa kpa nibaa. Bibaa mu ŋmanni ke bi ye bigiim la, le ki tee kpa liwangol.

Ŋiyataŋak 7:24

Tɔ, maabim, li pel man. Ŋun tii man maah len pu na.

Ŋiyataŋak 8:32

Tɔ, maabim, li pel m chee man. Ŋa maah len pu na man, ki li kpa mpopiin.

Aisaya 14:32

Kinye aan ti ga gar ituun i nyan ni Filistia yaab chee na? Ti ga bui bi ke Uwumbɔr maa Sionn siin, le waanib bi nan ji falaa na ga kan lifuur nima chee.

Aisaya 29:19

Bigiim, ni binib bi sunn bibaa taab na ga ki kan mpopiin mu Israel yaab Aadindaan Uwumbɔr u bi chain na tii bi na.

Sefania 3:12

M ga cha binib bi aabimbin ŋan aan bi sunn bibaa taab ki ga dan m chee ki nan ban nterm na le li bi nima.

Sekaria 11:11

Kina pu na, liyaadaal ngbaan le tipuur ngbaan aabɔr nan doo. Binib bi nan daa ki kooh ipiih na nan si lik mi, le ki bee ke Uwumbɔr le bi tuk bi tibɔr, maatuln ngbaan ni.

Sekaria 11:7

Binib bi daa ki kooh ipiih na, nan pan mi, le m kpaln ipiih i bi joo i cha bi ti kɔr na aapihkpaal. M nan ban idɔ ilee, m nan yin mubaa ke “Lineen” le ki yin muken na ke, “Kimɔbaan.” Le m nan kpaa ipiih ngbaan.

Matiu 11:5

ke m likr bijoom aanimbil, ki cha biwɔb, ni bikɔndam, ni bitafakpaab pɔɔk, ki fikr binib bi kpo na nkun ni, ki tuk bigiim Uwumbɔr aabɔnyaan tee.

Matiu 25:34

Le min, u ye Ubɔrkpaan ngbaan na, ga bui binib bi si ŋŋangii wɔb na, ‘Nimi bi Nte Uwumbɔr ŋa tinyoor ŋa ni pu na, dan nan ji nnaan mu u nan toor siin nimi, buyoonn u nan naan dulnyaa wee na.

Matiu 5:3

Binib bi nyi ke bi ye bigiim Uwumbɔr wɔb na, waanyoor bi bi pu. Bima le yeh Uwumbɔr aanaan.

Tibɔnyaan ti Mak ŋmee ti na 7:14

U nan ki yin kinipaak ngbaan, le ki bui bi, “Ni mɔmɔk li pel man, aan ki bee maah ga tuk nimi pu na aatataa.

Tibɔnyaan ti Luk ŋmee ti na 12:21

“Kina le unii umɔk di liwangol bil kiir ubaa, kaa kpa liwangol Uwumbɔr chee na, u mu ye ujɔr.”

Tibɔnyaan ti Luk ŋmee ti na 12:32

“Maanib bi bi siib na, ni taa san ijawaan man. Nite Uwumbɔr le ban ke u tii nimi nnaan. Waageehn le na.

Tibɔnyaan ti Luk ŋmee ti na 16:22

Naah joo cha na, le uwanmeer ngbaan nan kpo. Le Uwumbɔr aatuuntiib dan nan yoor u ki di buen paacham, Abraham chee.

Tibɔnyaan ti Luk ŋmee ti na 16:25

“Le Abraham bui u, ‘Maabo, teer ke saah nan bi limɔfal ni na, aa nan bi ji saamɔɔn la. Lasarus mu nan bi ji falaa la. Dandana wee Lasarus aasui sɔŋ do chee na. Aa mu bi ji falaa la.

Tibɔnyaan ti Luk ŋmee ti na 22:29

M ga ŋa nimi bibɔrb ke Nte Uwumbɔr aah ŋa mi ubɔr pu na.

Tibɔnyaan ti Luk ŋmee ti na 6:20

Yesu nan lik waadidiliib le ki bui ke: “Nimi bi ye bigiim na, Uwumbɔr aanyoor bi ni pu; nimi le yeh Uwumbɔr aanaan.

Jɔnn 7:48

Timi Farisii yaab ni nimi aaninkpiib ponn ni ubaa gaa u ki kii ii?

Lituln 7:2

Le Stiifen bui ke, “Ntetiib ni nnaabitiib, ni li pel man. Uwumbɔr u nyuun na nan dan tiyaaja Abraham chee. Waah nan dan u chee na, u nan laa bi Mesopotamia aatiŋ ni, kaa kee buen Harann aatiŋ ni, ke u ti kal nima.

Rom Yaab 8:17

Taah ye Uwumbɔr aabim na, ti ga kan Uwumbɔr aah di tiwanyaan ni bil kiir timi paacham na. Ti ni Kristo ga kpaan kan tiwanyaan ngbaan. Ti yaa ji falaa u pu kan, ti ni u ga nan kpaan ji mmɔɔn paacham.

1 Korenti 2:9

Ni ŋmee Uwumbɔr Aagbaŋ ni ke, “Tiwan ni binib aanimbil aa kee kan ni, bitafal mu aa kee ŋun ni pu, aan baalandak aa kee dakl naabɔr na, nima le Uwumbɔr ŋa tii binib bi gee u na.”

2 Korenti 4:15

Ni pu, le ti ji falaa ngbaan mɔmɔk. Binib bi gaa Uwumbɔr na yaa kpae kan, binib bi ga li dooni Uwumbɔr na mu ga li wiir, ki ga nyuŋ u.

2 Korenti 6:10

Tisui bii la. Yesu pu, le ti kpa mpopiin n‑yoonn mɔmɔk. Ti ye bigiim la, le ki ŋa binib pam biwankpadam Uwumbɔr chee. Taa kpa dulnyaa wee ni aawan nibaa, ti kpa paacham aawan mɔmɔk. Nimina mɔmɔk le mɔk ke ti sil ye Uwumbɔr aatutum.

2 Korenti 8:9

Ni nyi Tidindaan Yesu Kristo aah kpa tibulchinn pu na. U nan ye uwankpadaan la. Nimi pu le u ŋa ugiin. Waah ŋa ugiin na, nima le cha ni mu ŋa biwankpadam.

Efesusi 3:8

Maa pii Uwumbɔr aaniwaatiir ubaa, le u mu tee tii mi litunyaan limina, ke m buen binib bi kaa ye Juu yaab na chee, ki ti moon tibɔnyaan tee, ki tuk bi Kristo aah ŋan sakpen pu na,

1 Tesalonika 2:12

ti sur nimi, ki nan sɔŋni nisui, ki gaŋni nimi ke ni li dii Uwumbɔr waah ban pu na. Uma le yin nimi ke ni koo waanaan ni ki nan ji waamɔɔn.

2 Tesalonika 1:5

Binib aah ŋani nimi falaa pu na, nima le mɔk ke Uwumbɔr yaa daa bitafal kan, ni ŋan. Naah ji falaa pu na, Uwumbɔr aanaan pu le ni ji. Nima le Uwumbɔr ga len ke ni ŋeer ke ni koo waanaan ngbaan ni.

1 Timoti 6:18

Tuk biwankpadam ngbaan ke bi li ter biken, ki li tun litunyaan sakpen, ki li kpa tibulchinn, ki li ban ke bi yakr baawankpal tii biken.

2 Timoti 4:18

Tidindaan ga nyan mi binib aah ban bi ŋa mi bakaa u na mɔmɔk ponn ni. U ga biin m pu ki li joo ni mi waanaan ni paacham. Uma le yeh nnyuŋ n‑yoonn mu kaa kpa ndoon na. Amii.

2 Timoti 4:8

le Uwumbɔr len ke maabɔr ŋan, ki di tinyoor bil kiir mi paacham. Tidindaan u ji binib tibɔr mbamɔm na, le ga ti di tinyoor ngbaan tii mi bundaln u ga gir ni na. Naa ye mi baanja le u ga tii. U ga tii binib bimɔk gee u ki ban ke u ki gir ni na.

Hiibru Yaab 11:26

U nan bee ke u yaa kan ŋisiibil Kristo pu kan, u ga nan kan tinyoor ti jer Ijipt aatiŋ aawankpal mɔmɔk na. Ba pu? utafal nan bi tinyoor ti Uwumbɔr ga tii u na ni la.

Jemisi 1:12

Tɔ, unii u kan ntɔŋ ki kpa limɔr na, Uwumbɔr aanyoor bi u pu. Ba pu? u yaa kan ntɔŋ ki si mbamɔm kan, u ga kan ipiin i ye limɔfal li Uwumbɔr nan puu tipuur ke u ga tii binib bi gee u na.

Jemisi 1:16

Nnaabitiib bi m gee bi na, ni taa ŋmann nibaa.

Jemisi 1:19

Nnaabitiib bi m gee bi na, ni bee nimina la. Ni ŋan ke unii mɔmɔk li gee ke u pel, ki taa len mala, ki taa gee liŋuul mala;

Jemisi 1:9

Tɔ, Uwumbɔr aah nyuŋ tinaabitiib bi ye bigiim na, bi li kpa mpopiin.

1 Piita 1:4

Ti mak ke ti ga sil kan tinyoor ti Uwumbɔr di siin paacham kiir timi na. Tinyoor ngbaan aan ŋmaa bii, kaan ŋmaa wɔŋ, kaan doo.

2 Piita 1:11

Uwumbɔr ga tii nimi nsan ke ni koo Tidindaan Yesu Kristo u gaal timi lir na aanaan mu ga li bi n‑yoonn mu kaa kpa ndoon na ni.

Tibɔkpiirkaan 2:9

M nyi naah ji falaa sakpen pu na, ki ye bigiim pu na; ni mu tee ye biwankpadam le Uwumbɔr chee. M nyi binib bibaa aah sii nimi pu na. Bi len ke bi ye Juu yaab, le kaa ye; bi ye kinimbɔŋ aanib la.

Tibɔkpiirkaan 21:7

Unii umɔk nyaŋ na ga li yeh tiwan mɔmɔk. M ga li ye Waawumbɔr; u mu ga li ye maabo.

Tibɔkpiirkaan 3:18

Nima pu na, m sur nimi ke ni daa m chee salmaa u bi di pu mmii ni aan u ŋa chain na, aan ki sil li ye biwankpadam; ki daa m chee tiwanpeenkaan ni piin na ki di peen, aan binib taa ki kan naah si niŋmeen pu na; ki daa m chee linimbil aanyɔk ki di mee ninimbil aan ki likr.

Bibɔjirb 9:7

Jotam aah ŋun kina na, le u buen ti tɔŋ Gerisim Aajool pu ki teen bui bi ke, “Nimi Sekem aatiŋ aajab, li pel man, aan Uwumbɔr mu pel ni chee.

1 Samuel 2:30

Min, Israel yaab Aadindaan Uwumbɔr le nan puu n‑yoonn mu jer na ke saadichal ni saamaal le ga li tun maatuln ke bitotoorb na n‑yoonn mɔmɔk. Le dandana wee m len ke maan ŋa nimi kina. Maah ga ŋa pu na sɔ, m ga nyuŋ binib bi nyuŋni mi na la, le ki lik seen binib bi lik mi fam na.

1 Samuel 2:8

U nyan ni bigiim titan ponn ni, ki nyan ni binib bi kaa kpa na baanimbaak ponn ni. U ŋani bi mbɔrbim aajɔtiib, ki joo bi kaani binikpaam aakakaa chee. Uwumbɔr le naan kitiŋ kee aatinyikl, le ki pɔɔ, litinyikl lee pu le u naan dulnyaa.