Jemisi 2:26 - Uwumbɔr aagbaŋ

²⁶ Tiwon ti kaa kpa nwiin na, ti kpo le na, kina le naadii u kaa kpa litunyaan na mu kpo.

UWONBƆR A GBƆNPƆŊ LIKƆƆNL

²⁶ A li ke tigbanann tan kaa jɔɔ kinaaŋ kaah ye tigbanann kpiinn man nin, man le yada a ŋaam kan kaa tun itoon mu ye yada kpiiŋ.

Jemisi 2:26 ပူးပေါင်းရင်းမြစ်များ

Ilahn 104:29

Aa yaa fenn siir kan, le ijawaan chuu ni; aa yaa chuu naafuurk kan, le ni kpo, ki gir kpaln titan ti ponn ni ni nyan ni na.

Ilahn 146:4

Bi yaa nan kpo kan, bi ki kpaln titan la; baah ŋani ilandak i na mɔmɔk doo liyaadaal ngbaan le na.

Ulandaan 12:7

Timi aawon ga ki gir kpaln kitiŋ aatan, le limɔfal aafuurk ga gir buen Uwumbɔr u di li tii timi na chee.

Aisaya 2:22

Aa yaa di aabaa tii unibɔn u ga kpo na kan, ba aanyoor bi kpa?

Tibɔnyaan ti Luk ŋmee ti na 23:46

Le Yesu teen mpɔɔn pu, le ki bui ke, “Nte Uwumbɔr, m di maawiin ŋa aaŋaal ni la.” Waah len kina na, le u kpo.

Galantiya 5:6

Ti yaa kpaan Yesu Kristo ni kan, lichakpangeei aa ye tibɔkpaan. Unii yaa kaa gii kan, ni mu aa ye tibɔkpaan. Ti yaa gaa Yesu ki kii, ki mu yaa gee binib kan, nima le ye tibɔkpaan.

Jemisi 2:14

Nnaabitiib, unii yaa len ke u gaa Yesu ki kii, u yaa kaa tun litunyaan kan, ni kpa tinyoor aa? U yaa gaa Yesu ki kii kina kan, nima le ga cha u ŋmar aa?

Jemisi 2:17

Aa yaa len ke aa gaa Yesu ki kii ki yaa kaa tun litunyaan kan, ni ye yɔli le na.

Jemisi 2:20

Si ujɔr, cha m tuk si, aa yaa len ke aa gaa Uwumbɔr ki kii, kaa tun litunyaan kan, ni ye yɔli la.