Jemisi 2:22 - Uwumbɔr aagbaŋ

²² Ni kan ke waah gaa Uwumbɔr ki kii pu na, le u tun litunyaan. Waatunyaan ngbaan mɔk ke u gaa Uwumbɔr ki kii mbamɔm.

UWONBƆR A GBƆNPƆŊ LIKƆƆNL

²² Ni kan ke u yada nin u toon nan lagin tab le ki tun, le u yada nan ŋa nbamɔm u toon a tum bu.

Jemisi 2:22 ပူးပေါင်းရင်းမြစ်များ

Mpiin 22:12

Le nneel ngbaan bui ke, “Taa ku ubo ngbaan, ki taa ŋa u nibaa. Dandana wee, m bee ke aa san Uwumbɔr ijawaan, ba pu? saa yii ke saan di aajapɔnbaal na ki di toor kitork tii Uwumbɔr.”

Jɔnn 6:29

Le Yesu bui bi, “Ni gaa mi, u Uwumbɔr tun ni na, ki kii man. Uwumbɔr aatuln le na.”

Galantiya 5:6

Ti yaa kpaan Yesu Kristo ni kan, lichakpangeei aa ye tibɔkpaan. Unii yaa kaa gii kan, ni mu aa ye tibɔkpaan. Ti yaa gaa Yesu ki kii, ki mu yaa gee binib kan, nima le ye tibɔkpaan.

1 Tesalonika 1:3

Ti teer nimi Tite Uwumbɔr aanimbiin ni n‑yoonn mɔmɔk, ki teer ke naah ŋani pu na, nima le mɔk ke ni gaa u ki kii; naah tun lituln pu na, nima le mɔk ke ni gee u; naah kpa limɔr pu na, nima le mɔk ke ni kpa limakl Tidindaan Yesu Kristo pu.

Jemisi 2:18

Unii yaa len ke, “Ubaa gaa Yesu ki kii la, ubaa mu tun litunyaan la,” m mu ga bui u, “Aa yaa kaa tun lituln nyaan kan, saan ŋmaa len ke aa gaa Yesu ki kii. Maatunyaan mu le ga mɔk si ke m gaa Yesu ki kii.”

1 Jɔnn 2:5

Unii umɔk kii Uwumbɔr aamɔb na, uma le gee Uwumbɔr mbamɔm. Unii umɔk len ke u kpaan Uwumbɔr chee na, u li bi ke Yesu aah bi pu na. Nima le cha ti bee ke ti kpaan Uwumbɔr chee.