Jemisi 2:21 - Uwumbɔr aagbaŋ

²¹ Tiyaaja Abraham nan tun litunyaan. Nima le nan mɔk ke waabɔr ŋan Uwumbɔr chee; ba pu? u nan di ujapɔɔn Aisak ki di paan kitork aabimbiln paab, u di toor kitork tii Uwumbɔr.

UWONBƆR A GBƆNPƆŊ LIKƆƆNL

²¹ Naa ye itoon ŋan a tum bu le Uwonbɔr nan ŋa ti yaaja Abiraham ubuchin, waah nan ta u big a Azig paan kumanug a binbinl bu ke un mann kumanug ki sei Uwonbɔr nnaa?

Jemisi 2:21 ပူးပေါင်းရင်းမြစ်များ

Ilahn 143:2

Taa ji mi, saatutunn tibɔr; ubaa aa bi kaa kpa taani aa chee.

Aisaya 51:2

Dakl ki lik man niyaaja Abraham aabɔr, ni Sara, niyaa u ma nimi na. Maah nan yin Abraham na, waa nan kpa ubo, le m tii mmɔɔnyunsɔm ŋa upuu pu ki tii u mbim; m cha uyaabitiib wiir sakpen.

Matiu 12:37

Saamɔliin le ga nyan si. Saamɔliin mu le ga bii si.”

Matiu 3:9

ki taa bui ke niyaaja aah ye Abraham na, nima le ga cha ni nyan ntafadaan ni. M tuk nimi la, Uwumbɔr ga ŋmaa di ŋitakpal ŋimina kpaln Abraham aayaabitiib,

Tibɔnyaan ti Luk ŋmee ti na 1:73

U nan puu tipuur tii tiyaaja Abraham,

Tibɔnyaan ti Luk ŋmee ti na 16:24

Le u teen, ‘Nte Abraham, m ji falaa sakpen mmii mue ponn ni; san mi kinimbaak, ki tun Lasarus u ti di uŋanbik tu nnyun ki nan di meeh nlambil aan li sɔŋ.’

Tibɔnyaan ti Luk ŋmee ti na 16:30

Le u bui ke, ‘Nte Abraham, aayii, baan ŋun; unii yaa fikr nkun ni ki buen bi chee kan, nima le bi ga kpeln baabimbin.’

Jɔnn 8:39

Le bi bui u, “Tite le ye Abraham.” Le u bui bi, “Ni yaa ba ye Abraham aabibamɔm kan, ni ba ga tun waah nan tun pu na.

Jɔnn 8:53

Aa jer tiyaaja Abraham la aa? U nan kpo. Uwumbɔr aabɔnabtiib mu nan kpo. Aa len ke aa ye ŋma?”

Lituln 7:2

Le Stiifen bui ke, “Ntetiib ni nnaabitiib, ni li pel man. Uwumbɔr u nyuun na nan dan tiyaaja Abraham chee. Waah nan dan u chee na, u nan laa bi Mesopotamia aatiŋ ni, kaa kee buen Harann aatiŋ ni, ke u ti kal nima.

Rom Yaab 3:20

Ubaa aan ŋmaa len ke waah joo Uwumbɔr aakaal mbamɔm pu na, waabɔr ŋan Uwumbɔr chee. Uwumbɔr aakaal le mɔk binib ke bi ye titunwanbirdam la.

Rom Yaab 4:1

Tɔ, cha ti lik tiyaaja Abraham aabɔr aah nan bi pu na:

Rom Yaab 4:12

Binib bi gii ŋichakpan, ki tak Abraham aataabuu ponn ni, ki gaa Uwumbɔr ki kii ke Abraham aah nan gaa u ki kii pu, buyoonn waa nan kee gii lichakpaln na, bima mu le Abraham ye bite.

Rom Yaab 4:16

Nima le Uwumbɔr puu tipuur tii binib bi gaa u ki kii na. Uwumbɔr aah gee binib pu na, nima le u tii Abraham aayaabitiib mɔmɔk waah nan puu tipuur ti na. U ga tii Abraham aayaabitiib bi ye Juu yaab ki gaa u ki kii na, ni binib bi kaa ye Juu yaab ki mu gaa u ki kii na ke Abraham aah nan gaa u ki kii pu na. Abraham ye timi bimɔk gaa Uwumbɔr ki kii na aayaaja la.

Hiibru Yaab 11:17

Uwumbɔr nan puu tipuur tii Abraham ke u ga kan yaabitiib waabo Aisak pu, le Abraham nan gaa tipuur ngbaan. Le Uwumbɔr tɔŋ u, ki bui u ke u di waabo toor kitork tii u. Waanaadii pu le u nan kii, ki di waabo u nan ye libibaal na, u ti kɔr u ki toor kitork tii Uwumbɔr.

Jemisi 2:18

Unii yaa len ke, “Ubaa gaa Yesu ki kii la, ubaa mu tun litunyaan la,” m mu ga bui u, “Aa yaa kaa tun lituln nyaan kan, saan ŋmaa len ke aa gaa Yesu ki kii. Maatunyaan mu le ga mɔk si ke m gaa Yesu ki kii.”

Jemisi 2:24

Ni kan ke Uwumbɔr ga len ke unii aabɔr ŋan litunyaan pu, naa ye naadii baanja pu.

Josua 24:3

Le min Uwumbɔr nan yin niyaaja Abraham, ki nyan ni u Yufrates Aamɔɔdapuul, le u dan Kanaann aatiŋ kimina ponn ni. M nan tii u yaabitiib pam. Uma le nan ma Aisak,