Jemisi 2:19 - Uwumbɔr aagbaŋ

¹⁹ Aa pak ke Uwumbɔr baan le bi. Nima le ŋan. Kinimbɔŋ mu pak kina, le ki san ijawaan pam.

UWONBƆR A GBƆNPƆŊ LIKƆƆNL

¹⁹ Ni ŋa yada ke Uwonbɔr ye u ba le kpeŋileŋ. Ni ŋan! Nnaanbiim gbaa tɔɔl ŋa yada man le ki san bijawaam.

Jemisi 2:19 ပူးပေါင်းရင်းမြစ်များ

Aisaya 43:10

Israel aanib, nimi le ye maaseeraadam; m nan lee nimi ke ni li ye maatutum, aan ni li nyi mi ki gaa mi ki kii, ki bee ke min baanja le ye Uwumbɔr. Uwumbɔr ubaa aa ki bi ki kpee m pu, ubaa aa nan bi, ki mu aan ki li bi.

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Aisaya 44:8

Maanib, taa san ijawaan man; ki nyan n‑yaajayoonn ki nan saa dandana wee na, m nan puun len tiwan ni ga ŋa na, le nimi le ye maaseeraadam. Uwumbɔr uken ki bi ii? Uwumbɔr uken ki bi ki pɔɔ sakpen aan maa kee ŋun u pu uu?”

Aisaya 45:6

M ga ŋa kina ki cha dulnyaa mɔmɔk aanib bee ke min le ye Uwumbɔr, ke uken aa ki bi.

Aisaya 46:9

Teer man tibɔr ti nan ŋa n‑yoonn na; tii naadii man ke min baanja le ye Uwumbɔr, ke ubaa aa ki bi ke min na.

Jona 4:4

Le Uwumbɔr nan gar u ke, “Saah gee liŋuul pu na, ni ŋan aa?”

Jona 4:9

Le Uwumbɔr nan ki bui u ke, “Saah gee liŋuul lipulaajil ngbaan aakun pu na, ni ŋan aa?” Le Jona gar ke, “Ni ŋan ke m gee liŋuul. M kpa liŋuul li ga ŋmaa ku mi na.”

Sekaria 14:9

Le Uwumbɔr ga li ye kitiŋ kee mɔmɔk aabɔr. Unii mɔk ga li dooni u ke u ye Uwumbɔr, le ki li nyi u liyimbil ngbaan pu.

Matiu 8:29

Baah kan Yesu na, le bi teen ke, “Sin, Uwumbɔr Aajapɔɔn, aa ban ba ti chee? Aa dan do ke aa nan ŋa timi falaa n‑yoonn aah kaa kee ŋeer buyoonn aa?”

Tibɔnyaan ti Mak ŋmee ti na 1:24

le ki teen ke, “Sin Yesu u ye Nasaref aatiŋ aanii na, aa ban ba ti chee? Aa dan aa nan ŋa timi fam la aa? M nyi si. Aa ye Uwumbɔr aanii u ye chain na la.”

Tibɔnyaan ti Mak ŋmee ti na 12:29

Le Yesu bui u ke, “Nkaal kpaan le ye ke, ‘Israel yaab, li ŋun man, Tidindaan Uwumbɔr ye Dindaan baan la.

Tibɔnyaan ti Mak ŋmee ti na 5:7

Le Yesu bui ke, “Tiyayaar, nyan uja ngbaan ni.” Le u teen ki len mpɔɔn pu ke, “Yesu, si u ye Uwumbɔr u kaa kpa ŋeen aatɔ na Aajapɔɔn na, aa ban ba m chee? M gaŋ si Uwumbɔr pu, taa ŋa mi falaa.”

Tibɔnyaan ti Mak ŋmee ti na 7:9

“Ni tee yii Uwumbɔr aakaal, le ki dii niyaajatiib aakaal.

Tibɔnyaan ti Luk ŋmee ti na 4:34

“Sin Yesu u ye Nasaref aatiŋ aanii na, aa ban ba ti chee? Aa dan aa nan ŋa timi yɔli la aa? M nyi si. Aa ye Uwumbɔr aanii u ye chain na la.”

Jɔnn 17:3

Sin baanja le ye Uwumbɔr bamɔnn. Binib bi nyi si, ki nyi mi Yesu Kristo u aa tun ni u na, bima le kpa limɔfal li kaa kpa ndoon na.

Lituln 16:17

Le u paan ni ti ni Pɔɔl aapuwɔb, ki tar ke, “Bijab bimina le ye Uwumbɔr u kaa kpa ŋeen aatɔ na aanaagbiib. Bi tuk nimi naah ga ŋa pu ki ŋmar na.”

Lituln 19:15

Le tiyayaar ngbaan bui bi, “M nyi Yesu, ki nyi Pɔɔl. Nimi ma kan, ŋma ye nimi?”

Lituln 24:25

ki ŋa bininyaam, ki li chur bibaa, ki taa tun titunwanbir na; ba pu? Uwumbɔr ga ji binib mɔmɔk tibɔr. Pɔɔl aah len kina na, le ijawaan chuu Feliks. Le u bui Pɔɔl, “Ni ŋeer aa di cha kina. M yaa kan nfaawom kan, m ga yin si.”

Rom Yaab 3:30

Uwumbɔr ye Uwumbɔrbaan la. Juu yaab yaa gaa Yesu ki kii kan, Uwumbɔr ga len ke baabɔr ŋan. Bi mu kaa ye Juu yaab na yaa gaa Yesu ki kii kan, Uwumbɔr ga len ke bi mu aabɔr ŋan.

1 Korenti 8:4

Joo cha kitork aanann aajim aabɔr na, ti nyi ke ŋiwaa ŋimɔk bi dulnyaa wee ni na aa ye nibaa. Ti nyi ke Uwumbɔr ubaa baanja le bi.

1 Korenti 8:6

Tima kan, ti kpa Uwumbɔrbaan, u ye Tite na. Uma le nan naan tiwan mɔmɔk. Ti bi ke ti li ŋani waageehn la. Ti kpa Tidindaan ubaa mu la. Uma le ye Yesu Kristo. Uma le Uwumbɔr nan cha u naan tiwan mɔmɔk. Uma pu le ti bi.

Galantiya 3:20

Uwumbɔr nan cha waatuuntiib ni Moses le tii binib nkaal ngbaan. Uwumbɔr ubaa le nan puu tipuur na ki tii Abraham.

Ikaal 6:4

“Israel yaab, teer man tibɔr tee. Tidindaan Uwumbɔr le ye timi Aawumbɔr. Ubaa aa ki bi.

1 Timoti 2:5

Ba pu? Uwumbɔr ye Uwumbɔr baan la. Uchandatuln ubaa baanja le bi Uwumbɔr ni binib aakaasisik ni. Uma le ye Yesu Kristo u nan kpaln unibɔn,

Jemisi 2:8

Uwumbɔr aanaan aakaal mu bi waagbaŋ ni na le ye ke, “Aa li gee aana aabo ke saah gee aabaa pu na.” Ni yaa sil ŋani kina kan, nima le ŋan.

Juud 1:4

Budabu cha m gaŋni nimi kina na le ye ke binib bibaa nan koo ni nikaasisik ni, ki ŋmanni nimi. Baa san Uwumbɔr. Bi len ke Uwumbɔr aah di cha pinn timi pu na, ti yaa gɔr kidagook kan, waan daa titafal. Bi yii Tidindaan Yesu Kristo. Uma baanja le ye Tidindaan. N‑yaayoonn na, Uwumbɔr aabɔnabtiib nan ŋmee ke Uwumbɔr ga daa bibiindam ngbaan aatafal.

Juud 1:6

Teer man, Uwumbɔr aatuuntiib bi nan di cha Uwumbɔr aah tii bi lituln li na, ki nyan ni bido paacham na aabɔr. Uwumbɔr nan buu bi tikululn ti baan ŋmaa buur ti na, ki di bi ŋa mbɔmbɔɔn mu bi kitiŋ aataab na ni, ki nan saa nwiin mundaln u ga ji bi tibɔr ki siin bi ntafadaan na.

Tibɔkpiirkaan 20:10

Le Uwumbɔr chuu kinimbɔŋ ki ŋmann bi na, ki di ki ŋa chirbil aamii ni, upeel ngbaan ni waabɔnabr u nan ŋmanni binib na aah bi nin chee na. Le bi ga ji falaa, nwiin pu ni kinyeek ki ti saa n‑yoonn mu kaa kpa ndoon na.