Jemisi 2:13 - Uwumbɔr aagbaŋ

¹³ Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

UWONBƆR A GBƆNPƆŊ LIKƆƆNL

¹³ nan bu-n, ban kaa san bikpiɛtiib kunyunyunbaagin, Uwonbɔr mu na li ji bi tibɔr kaa yin san bi kunyunyunbaagi. Linyunyunbasanl jon tibɔr a jima.

Jemisi 2:13 ပူးပေါင်းရင်းမြစ်များ

Mpiin 42:21

le ki bui tɔb ke, “Mbamɔn, taah nan ŋa tinaal bakaa u na, ti bi ji waafalaa le din wee na; ti nan kan waafalaa buyoonn u nan gaŋ timi waamɔfal pu na, le ti yii, kaa ter u. Nima pu le dandana wee ti bi ji falaa umina.”

2 Bibɔrb Aabɔr 28:11

Li pel man m chee. Binaagbiib bimina ye ninaabitiib ni nininkpatiib la. Di bi lii man, naa ye kina kan, Uwumbɔr ga di waaŋuul daa nitafal.”

Ilahn 18:25

Uwumbɔr, binib bi si aapuwɔb na, aa mu si bipuwɔb, ki ŋan sakpen, binib bi ŋan na chee.

Ilahn 85:10

Ngeehm ni ibamɔn ga chuu tɔb; le mbimbinyaan ni nsuudoon ga bob tɔb.

Ŋiyataŋak 21:13

Aa yaa yii saan ŋun ugiin aah wii pu na kan, buyoonn aa mu nan bi wii ki ban nterm na, ubaa aan ŋun.

Ŋiyataŋak 22:16

Aa yaa tii biwankpadam ipiin, bee aa yaa muk bigiim ke aa kpaln uwankpadaan kan, aa ga kpaln ugiin le aabaa.

Aisaya 27:11

Isubon na mɔmɔk kuur ki kool lir a, le bipiib ti peei ti tuur mmii, ba pu? binib ngbaan aa bee nibaa, nima pu na, Uwumbɔr u naan bi na aan di cha pinn bi, kaan san bi kinimbaak mu.

Jeremia 9:24

Unii umɔk ban u li kpa kipupuk na u li kpa kipupuk ke u nyi min Uwumbɔr, ba pu? maageehm bi n‑yoonn mɔmɔk la, le m ŋani tiwan ni tok ki ye ibamɔn na. Tiwan ni piir nsui na le na. Min Uwumbɔr le len kina.”

Esekiel 33:11

Tuk bi ke min Bidindaan Uwumbɔr aah ye Uwumbɔr u bi n‑yoonn mɔmɔk na, maa neen ke m kan utunwanbirdaan aah kpo pu na. M tee ga li neen ke u di cha titunwanbir ki li kpa limɔfal. Israel yaab, di cha titunwanbir ti ni tun na. Ba ŋa ni ban ke ni kpo?

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Matiu 5:7

Binib bi kpa linimbaasaln na, Uwumbɔr aanyoor bi bi pu. U mu ga san bi kinimbaak.

Matiu 6:15

Ni yaa kaa di cha pinn binib baataani kan, Nite Uwumbɔr mu aan di cha pinn nimi aatunwanbir.”

Tibɔnyaan ti Luk ŋmee ti na 16:25

“Le Abraham bui u, ‘Maabo, teer ke saah nan bi limɔfal ni na, aa nan bi ji saamɔɔn la. Lasarus mu nan bi ji falaa la. Dandana wee Lasarus aasui sɔŋ do chee na. Aa mu bi ji falaa la.

Tibɔnyaan ti Luk ŋmee ti na 6:37

“Ni taa ji binib tibɔr, le Uwumbɔr mu aan ji nimi tibɔr. Ni taa galni binib, le Uwumbɔr mu aan galn nimi. Ni di cha pinn binib man, le Uwumbɔr mu ga di cha pinn nimi.

Jemisi 3:17

Le unii u kpa nlan mu nyan ni Uwumbɔr chee na, u bi chain, ki kpa nsuudoon, ni mbimbisuuna, ki ŋun tii binib, ki kpa linimbaasaln sakpen, ki tun litunyaan sakpen, kaa kpa imaagann, ki ye mbamɔndaan.

Jemisi 5:4

Ni ji bitutum bi chee tijikaar tii nimi na pem pem, kaa pa bi. Le bi bi ki wii baapal pu. Le Uwumbɔr Mpɔɔnsakpiindaan ŋun baah wii pu na.

Bibɔjirb 1:7

Le Adoni Besek bui ke, “Bibɔrb imonko itaa ni kipiik bi aaŋanbijam ni bitaaŋanbijam geei na, nan peei ŋijikaabol maasambil taab. Maah nan ŋa bi pu na, le Uwumbɔr di ŋa mi din na.” Bi nan di u buen Jerusalem aatiŋ ni, le u ti kpo nima.

Bibɔjirb 5:27

le Sisera tar gbaan utaŋaayil pu, le ki lir ki dɔ utaa chee. Utaa chee le Sisera nan tar ti gbaan utaŋaayil pu ki lir; u nan lir kitiŋ, le ki kpo.