Jemisi 2:10 - Uwumbɔr aagbaŋ

¹⁰ Unii yaa bii nkaal mubaa baanja kan, u bii ikaal mɔmɔk le na.

UWONBƆR A GBƆNPƆŊ LIKƆƆNL

¹⁰ Wan ŋmag nsiimin biɛn, amaa wee ni ŋa le u bii nsiim nmɔn miba ke, u bii nsiim man gurin biɛn na.

Jemisi 2:10 ပူးပေါင်းရင်းမြစ်များ

Jeremia 32:23

Baah nan koo ni kitiŋ kee pu ki gaa ki na, bi nan yii saah nan bui bi ke bi li bi pu na, kaa nan bi saah mɔk bi ke bi li bi pu na. Baa nan ŋa saah bui bi pu na tiwan nibaa, kina pu le aa joo ni tibɔbir tee mɔmɔk nan lii bi pu.

Galantiya 3:10

Tɔ, binib bimɔk dii Moses aakaal ke bi ŋmar na, Uwumbɔr aamɔpuur bi bi pu la. Ba pu? ni ŋmee Uwumbɔr Aagbaŋ ni ke, “Uwumbɔr aamɔpuur bi unii umɔk yii, kaa dii ikaal ni mmɔkm mumɔk bi Nkaal aagbaŋ ni na pu la.”

Galantiya 5:3

Unii umɔk gii uchakpaln ke u ŋmar na, m ban m ki sur u ke Moses aakaal mɔmɔk dii u la.

Ikaal 27:26

“‘Uwumbɔr aamɔpuur bi unii umɔk yii, kaa joo Uwumbɔr aakaal ni waamɔkm mɔmɔk na pu.’ “Le binib ngbaan mɔmɔk ga kpaan ki kii ke, ‘Amii.’

Jemisi 3:2

Ba pu? ti mɔmɔk yenni sakpen. Unii yaa kaa yenni waabɔlen ponn ni kan, uma le ye unibamɔnn, ki ga ŋmaa chuu tiwon mɔmɔk ti taa ŋa bakaa.

2 Piita 1:10

Nnaabitiib, Uwumbɔr aah nyan nimi ki yin nimi pu na, ni li pɔɔni nibaa ki cha nimi aabimbinyaan li mɔk ke ni sil ye waanib. Ni yaa ŋa kina kan, naan lir.

Juud 1:24

Uwumbɔr u wiin chain na ga li ŋmaa joo nimi, ni taa lir, ki ga ŋmaa di nimi siin unimbiin ni, le ni ga li kpa mpopiin sakpen, kaan li kpa taani ubaa.