Jemisi 1:9 - Uwumbɔr aagbaŋ

⁹ Tɔ, Uwumbɔr aah nyuŋ tinaabitiib bi ye bigiim na, bi li kpa mpopiin.

UWONBƆR A GBƆNPƆŊ LIKƆƆNL

⁹ Kinabig kan jɔɔ jiininba iyoo biɛn n nan kan ndom ke, ki na li fa ligbingbanl.

Jemisi 1:9 ပူးပေါင်းရင်းမြစ်များ

Ilahn 62:9

Unibɔn naahn litakpiln libaa aabuln la; binikpaam ni biwaatiib mɔmɔk aa kpa tinyoor. Di bi tɔŋ likakl pu, le aa ga bee ke baa nyuun kpala, libuln nyuun jer bi.

Ŋiyataŋak 17:5

Aa yaa laa bigiim kan, aa seei Uwumbɔr u naan bi na la. Aa yaa di aaŋeen aatɔ aafalaa ŋa saapopiin kan, Uwumbɔr ga daa aatafal.

Ŋiyataŋak 19:1

Aa yaa ye ugiin ki bi chob saabimbin ni kan, ni soor ni ke aa li ye ujɔr ni unyamɔndaan.

Aisaya 29:19

Bigiim, ni binib bi sunn bibaa taab na ga ki kan mpopiin mu Israel yaab Aadindaan Uwumbɔr u bi chain na tii bi na.

Tibɔnyaan ti Luk ŋmee ti na 1:52

U nyan bibɔrkpaam baanaan ni, ki nyuŋ bigiim.

Tibɔnyaan ti Luk ŋmee ti na 10:20

Tɔ, tiyayaar aah kii nimi aamɔb na, ni taa cha nima baanja le li ye nimi aapopiin. Nimi aayimbil aah ŋmee paacham na le ye mpopiin mbamɔm.”

Tibɔnyaan ti Luk ŋmee ti na 14:11

Naatataa le ye ke unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Tibɔnyaan ti Luk ŋmee ti na 9:48

le ki tuk bi, “Unii umɔk gaa ubo wee maayimbil pu na kan, u gaa mi le na. Unii umɔk gaa mi na kan, u gaa Uwumbɔr u tun ni mi na le na. Unii u ye uwaatiir ni ponn ni na, uma le ye uninyuun.”

Rom Yaab 8:17

Taah ye Uwumbɔr aabim na, ti ga kan Uwumbɔr aah di tiwanyaan ni bil kiir timi paacham na. Ti ni Kristo ga kpaan kan tiwanyaan ngbaan. Ti yaa ji falaa u pu kan, ti ni u ga nan kpaan ji mmɔɔn paacham.

2 Korenti 6:10

Tisui bii la. Yesu pu, le ti kpa mpopiin n‑yoonn mɔmɔk. Ti ye bigiim la, le ki ŋa binib pam biwankpadam Uwumbɔr chee. Taa kpa dulnyaa wee ni aawan nibaa, ti kpa paacham aawan mɔmɔk. Nimina mɔmɔk le mɔk ke ti sil ye Uwumbɔr aatutum.

Ikaal 15:11

Mbamɔn, n‑yoonn mɔmɔk kan, nimi Israel yaab ngem ga li ye bigiim, kaan li kpa, le ki ga li ban nterm. Nima pu na, m ban ke ni li kpa tibulchinn ki ter bi.

Ikaal 15:7

“Israel aanii ubaa yaa ye ugiin, ki bi ntim mu Nidindaan Uwumbɔr ban u di tii nimi na kibaa ponn ni kan, ni taa kpa kukumɔŋ ki yii ke naan ter u.

Ikaal 15:9

Ni taa yii ki bui ke libiln li ni ga di cha pinn bipɔndam na peen a, naan ki tii u nibaa. Ni taa cha tilandakbir kina aaboln koo nisui ni. Ni yaa yii ke naan tii udaan kan, u ga wii ki yin Uwumbɔr naah ŋa u tiwan ni na pu, le Uwumbɔr ga chuu si taani.

Filipi 3:14

Yesu Kristo pu le Uwumbɔr yin mi ke m dii nsan mu cha paacham na. Nima le nnimbil man ke m fuu nima, ki ti kan tinyoor ti Uwumbɔr ga tii mi na.

Filipi 3:3

Timi bi kpaan Uwumbɔr Aafuur Nyaan chee ki pak u, ki kpa kipupuk Yesu Kristo pu, ki bee ke taan ŋmar tibaa aapɔɔn pu na, timi le kpa lichakpangeei bamɔnn.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

Tibɔkpiirkaan 2:9

M nyi naah ji falaa sakpen pu na, ki ye bigiim pu na; ni mu tee ye biwankpadam le Uwumbɔr chee. M nyi binib bibaa aah sii nimi pu na. Bi len ke bi ye Juu yaab, le kaa ye; bi ye kinimbɔŋ aanib la.

1 Samuel 2:8

U nyan ni bigiim titan ponn ni, ki nyan ni binib bi kaa kpa na baanimbaak ponn ni. U ŋani bi mbɔrbim aajɔtiib, ki joo bi kaani binikpaam aakakaa chee. Uwumbɔr le naan kitiŋ kee aatinyikl, le ki pɔɔ, litinyikl lee pu le u naan dulnyaa.