Jemisi 1:4 - Uwumbɔr aagbaŋ

⁴ Ni mu li nyi man ki li kpa limɔr ki ti saa naadoon, ki taa di cha, aan ki li ye binib bi ŋan doo na, ki taa li kpa taani ubaa, ki taa lir.

UWONBƆR A GBƆNPƆŊ LIKƆƆNL

⁴ Ni kpaa le nin limɔril n diɛ mi toonl wee nin che ni gbee bininfob nbamɔm, wee niba n laa par ni.

Jemisi 1:4 ပူးပေါင်းရင်းမြစ်များ

Job Aagbaŋ 17:9

Binib bi bui ke bi ye kipak aanib na moo kani ntaakpab pɔɔn ke bima le kpa mbamɔn.

Ilahn 37:7

Ji limɔr ki li kii Uwumbɔr aah ga ŋa pu na; taa cha binib bi kani nkam na, bee bi kani tinyoor baatunwanbir aatun ponn ni na aabɔr li muk si.

Ilahn 40:1

M nan ka suuna le ki kii Uwumbɔr aaterm; le u pel m chee ki ŋun maawiil.

Ŋiyataŋak 4:8

Li gee nlan, le mu ga ŋa si unikpaan. Gaa mu ki kii aan mu joo ni si liyimbil.

Habakuk 2:3

ba pu? tibɔkpiirkaan ngbaan aayoonn aa kee ŋeer ke ti gbiin, ti ye ndoon aabɔr la, le ki ga dan mala ki nan gbiin kina. Nibaakan, ti ga yunn siib, aa mu tee li kii ti, ti ga sil dan kaan yunn.

Matiu 10:22

Le binib mɔmɔk ga li nan nimi m pu. Unii umɔk jin limɔr ki dii mi ki ti saa limɔfal aadoon na, uma le ga ŋmar.

Matiu 19:20

Le unachipɔɔn ngbaan bui u, “M joo ikaal imina mɔmɔk tibir ni la. Ba gur?”

Matiu 5:48

Nima pu na, ni li bi mbamɔm, ke Nite Uwumbɔr u bi paacham na aah bi pu na.”

Tibɔnyaan ti Mak ŋmee ti na 10:21

Le Yesu lik u, ki gee u, le ki bui u ke, “Tiwan nibaa le gur. Buen ti kooh saah kpa tiwan nimɔk na, ki di ŋimombil ngbaan tii bigiim, aan ki li kpa liwangol paacham, aan ki dan nan li dii mi.”

Tibɔnyaan ti Luk ŋmee ti na 18:22

Yesu aah ŋun kina na, le u bui u, “Tiwan nibaa le gur. Kooh saah kpa tiwan ni na mɔmɔk, ki di ŋimombil ngbaan tii bigiim, aan ki li kpa liwangol paacham, aan ki dan nan dii mi.”

Tibɔnyaan ti Luk ŋmee ti na 21:19

Ni yaa ji limɔr falaa mɔmɔk ponn ni kan, ni ga kan limɔfal li kaa kpa ndoon na.”

Tibɔnyaan ti Luk ŋmee ti na 8:15

Mu lir kitiŋ ki ŋan na ponn ni na le ye binib bi aasui ŋan ki ye mbamɔn na, ki ŋun Uwumbɔr aabɔr, ki joo ti mbamɔm, ki kpa limɔr, ki dii Uwumbɔr kaa di cha na.”

Jɔnn 17:23

M bi bi ni, le aa mu bi m ni, ke bi kpaan unibaan mbamɔm, aan dulnyaa ni aanib bee ke aa tun ni mi, ki bee ke aa gee saanib ke saah gee mi pu na.

1 Korenti 2:6

Tɔ, ti len nlan aabɔr ki tuk binib bi chikr Uwumbɔr aabɔr wɔb na. Nlan ngbaan mu aa ye dulnyaa aalan, ki mu aa ye dulnyaa wee ni aabɔrb aalan. Dulnyaa wee ni aabɔrb aapɔɔn bi bar la.

Galantiya 6:9

Cha ti tun litunyaan ki taa di cha; ba pu? ti yaa kaa di cha kan, ni nan saa naayoonn kan, ti ga kan lituln ngbaan aanyoor.

Kolosiya 4:12

Epafras mu dooni nimi. U ye ni ponn ni aanii ubaa la, ki ye Yesu Kristo aatutunn. U mee Uwumbɔr n‑yoonn mɔmɔk linimaln le ki tii nimi, ke ni li dii Uwumbɔr mbamɔm, ki taa di cha, ki kii Uwumbɔr aah gee pu na mɔmɔk.

1 Tesalonika 5:23

Uwumbɔr u tii timi nsuudoon na, ŋa nimi aabimbin mɔmɔk chain, ki li joo nimi aawiin, ni nisui, ni nimi aawon mbamɔm, ni taa li kpa taani ubaa bundaln Tidindaan Yesu Kristo ga gir ni na.

2 Timoti 3:17

Unii u tun Uwumbɔr aatuln na yaa kii iliin ngbaan kan, u ga li bi mbamɔm, ki gor ke u tun litunyaan mɔmɔk.

Hiibru Yaab 13:21

Uwumbɔr, u tii timi nsuudoon na, toor nimi aabimbin mbamɔm, aan ni li ŋani waah gee pu na. Cha u ŋa nimi binib bi ga piir usui na Yesu Kristo pu. Uma le yeh mpakm n‑yoonn mu kaa kpa ndoon na. Amii.

Jemisi 1:5

Ni ponn ni ubaa yaa lann nlan kan, cha u mee Uwumbɔr, le u ga tii u; ba pu? Uwumbɔr tii binib mɔmɔk sakpen, kaa jinni ubaa inimɔɔn.

Jemisi 3:2

Ba pu? ti mɔmɔk yenni sakpen. Unii yaa kaa yenni waabɔlen ponn ni kan, uma le ye unibamɔnn, ki ga ŋmaa chuu tiwon mɔmɔk ti taa ŋa bakaa.

1 Piita 5:10

Ni yaa ji falaa ni yunn siib kan, Uwumbɔr ga ter nimi, ki tii nimi mpɔɔn ni li dii u mbamɔm, ki taa gir puwɔb. Ba pu? nterm mɔmɔk nyan ni uma le chee. U nan yin nimi Kristo pu, ke ni nan ji waamɔɔn n‑yoonn mu kaa kpa ndoon na.

2 Piita 1:9

Unii u lann mbimbin ngbaan aaboln na kan, u jɔb la. U suln ke Uwumbɔr nan finn u ki nyan titunwanbir ti nan bi usui ni na.