Jemisi 1:26 - Uwumbɔr aagbaŋ

²⁶ Unii yaa len ke u dii Uwumbɔr aasan, u yaa kaa chuu ulambil kan, u ŋmanni ubaa la. Waa dii le na. Ni ye fam la.

UWONBƆR A GBƆNPƆŊ LIKƆƆNL

²⁶ Ni ye uba tiɛr ke u ye uwonjiɛn wee kaa chor u lanbil ke, u lar uba le, u wonjiɛnl nmɔn ye yɔli le.

Jemisi 1:26 ပူးပေါင်းရင်းမြစ်များ

Job Aagbaŋ 15:13

Aa gee Uwumbɔr pu liŋuul, le ki bui ke waa ki ye nibaa.

Job Aagbaŋ 30:11

Uwumbɔr aah cha m diŋ kaa ki kpa mpɔɔn mubaa na, le bi di liŋuusakpeln lir m pu.

Ilahn 141:3

Uwumbɔr, ban ukikiir kiir maamɔb, ki taa cha m len tibɔr ti kaa ŋa na.

Ilahn 32:9

Taa li kpa kijɔrk ke utaan bee ubon u bi ga di itangar ni iŋmin ŋa umɔb ni ke u dii nsan.”

Ilahn 34:13

Kina kan, taa len tibɔbir, ki taa mɔnn inyamɔn.

Ŋiyataŋak 10:19

Aa yaa gbaa tibɔr sakpen kan, saa pɔɔ titunwanbir aakoom ni. Aa yaa kpa nlan kan, li ŋmin suuna.

Ŋiyataŋak 10:31

Binib bi aabimbin ŋan na len nlan aamɔbon la, le lilambil li len tibɔbir na ga ŋmin chii.

Ŋiyataŋak 14:12

Saah dak ke nsan mu ye nsanyaan na le ga ŋmaa di si buen nkun ni.

Ŋiyataŋak 15:2

Binib bi kpa nlan na yaa len tibɔr kan, bi moo tii nlan kinyaan la, le bigbaam ma aabɔr punni kijɔrk.

Ŋiyataŋak 16:10

Ubɔr aamɔbon nyan ni Uwumbɔr chee la, kina pu na, umɔb ni taa li kpa inyamɔn.

Ŋiyataŋak 16:25

Saah dak ke nsan mu ŋan na ga ŋmaa di si buen nkun ni.

Ŋiyataŋak 19:1

Aa yaa ye ugiin ki bi chob saabimbin ni kan, ni soor ni ke aa li ye ujɔr ni unyamɔndaan.

Ŋiyataŋak 21:26

Waalandak mɔk ye le ke u ba li kpa tiwan. Le unibamɔnn ma kan, u ga tii sakpen sakpen.

Aisaya 1:13

Nimi aapiin i ni joo ni na aa kpa tinyoor tibaa. Naah seer tulalee aayon mu na kpa mi liŋuul la. Nimi aaŋmapɔɔn aajim, ni nimi aakpaakool daal aajim, ni naah kuuni pu na, maa gee ni, ni di nimi aatunwanbir bii ni mɔmɔk a.

Aisaya 44:20

Nimina ni unii aah ga moo nfatan pu na ye tiwan nibaa la. Waajɔrk aalandak ngbaan ŋmann u sakpen le ubaa aan ki ŋmaa sur u. Waan kii ke liwaal li u joo uŋaal ponn ni na aa ye Uwumbɔr kpala.

Malakai 3:14

Ni bui ke, ‘Uwumbɔr aadiim aa kpa tinyoor tibaa. Ti yaa ŋani waah len pu na kan, naa kpa tinyoor; ti yaa ti ki bui Uwumbɔr Mpɔɔnsakpiindaan ke tisui bii taah tun pu na pu kan, naa kpa tinyoor tibaa.

Matiu 15:9

Bi dooni u yɔli la, ki mɔk binib biyaajatiib aakaal ke ni ye waakaal la.’”

Tibɔnyaan ti Mak ŋmee ti na 7:7

Bi dooni u yɔli la, ki mɔk binib biyaajatiib aakaal, ke ni ye waakaal la.’”

Tibɔnyaan ti Luk ŋmee ti na 8:18

“Cha nitafal li bi naah ŋun pu na ni man. Unii u kpa na, Uwumbɔr ga kpee u. Unii u kaa kpa na, Uwumbɔr ga chuu gaa waah dak ke u kpa ti na.”

1 Korenti 15:15

ni mu mɔk ke ti mɔn nnyamɔn paan Uwumbɔr; ba pu? ti len ke u fikr Kristo nkun ni. Ni yaa ye mbamɔn ke binib bi kpo na aan fikr nkun ni kan, ni mɔk ke Uwumbɔr aa fikr Yesu mu nkun ni.

1 Korenti 15:2

Tibɔnyaan ngbaan mu pu le ni ŋmar. Ni yaa joo maah tuk nimi ti na mbamɔm, ki yaa kaa gaa ti ki kii fam kan, ni ŋmar a.

1 Korenti 3:18

Ni taa ŋmanni nibaa. Unii yaa bi nikaasisik ni ki dak ke u kpa dulnyaa wee ni aalan kan, cha u di nlan ngbaan lii, aan ki kan Uwumbɔr aalan.

Galantiya 2:6

Yesu aanib aaninkpiib bi kpa liyimbil na, baah bi pu na, naa ye nibaa m chee; ba pu? Uwumbɔr aa pak ubaa ki jer uken, binib ngbaan aa len ke m di tibɔr tibaa ki kpee maah mooni tibɔr ti na pu.

Galantiya 2:9

Le Jems, ni Piita, ni Jɔnn, bi ye Yesu aanib aaninkpiib na, bee Uwumbɔr aah ter mi waatuln ponn ni pu na, le bi di biŋaal tii m ni Banabas ke naabitiib pu na, ki kii ke ni ŋan ke ti buen binib bi kaa ye Juu yaab na chee, aan bi mu buen Juu yaab chee.

Galantiya 3:4

Uwumbɔr aah tun litukpaan ki tii nimi na, ni ye fam la aa? M mak ke laa ye fam.

Galantiya 6:3

Unii u kaa bi tibɔr tibaa ni na yaa dak ke u ye uninyuun kan, u ŋmanni ubaa la.

Efesusi 4:29

Ni taa cha iliin i kaa ŋan na nyan nimi aamɔi ni. Ni li len iliin i ŋan na, i ga ter binib bi ŋun na ke bi dii Uwumbɔr aasan mbamɔm.

Efesusi 5:4

Ni taa len iliin i kaa ŋan na, ni kijɔrk aaliin, ni yaasaraapɔɔl aaliin. Iliin imina aaboln aa ye Yesu aanib aah len i na. Ni taa len kina. Ni li dooni Uwumbɔr man.

Ikaal 11:16

Ni taa cha nibaa ŋmann nimi aan ni yii Uwumbɔr ki fenn dii ŋiwaa ki dooni ŋi.

Kolosiya 4:6

Ni li len ibulchiliin n‑yoonn mɔmɔk, ki li len Uwumbɔr aalambil aah ye pu na. Ni yaa len kina kan, ni ga bee naah ga giin pu ki kii unii mɔmɔk na.

Jemisi 1:19

Nnaabitiib bi m gee bi na, ni bee nimina la. Ni ŋan ke unii mɔmɔk li gee ke u pel, ki taa len mala, ki taa gee liŋuul mala;

Jemisi 1:22

Ni li ŋani waamɔboln aah len pu na. Ni yaa pel, ki yaa kaa ŋani kan, ni ŋmanni nibaa la.

Jemisi 2:20

Si ujɔr, cha m tuk si, aa yaa len ke aa gaa Uwumbɔr ki kii, kaa tun litunyaan kan, ni ye yɔli la.

1 Piita 3:10

Ni ŋmee Uwumbɔr Aagbaŋ ni ke, “Unii yaa ban ke u li kpa mpopiin, ni mbimbin mu mɔ na kan, u taa ki len tibɔbir, ki taa ki mɔni inyamɔn,