Bibɔjirb 9:6 - Uwumbɔr aagbaŋ

⁶ Nee aapuwɔb le Sekem ni Bef Milo aajab kuun tɔb ki buen likpaln aasusakpem bubaa taab, Sekem aatiŋ ni, ki ti kaan Abimelek nnaan.

Bibɔjirb 9:6 ပူးပေါင်းရင်းမြစ်များ

2 Samuel 5:9

David nyaŋ baapɔɔn aatiŋ ngbaan, le ki koo ki ponn ni ki yin ki ke “David Aatiŋ.” U nan piin liwipuul wɔb, nin chee kitiŋ dɔ ligongoln ngbaan pu na, le ki maa mann goln kitiŋ ngbaan pu ki kpee.

1 Bibɔrb 12:1

Rehoboam nan buen Sekem, nin chee Israel aanib bi mɔmɔk bi ŋŋangan wɔb na nan kuun ke bi kaan u nnaan na.

1 Bibɔrb 12:20

Israel aanib aah ŋun ke Jeroboam nyan ni Ijipt aatiŋ ni ki gir ni na, le bi yin u buen nkuun ni, ki di u kaan Israel yaab aabɔr. Juda aanibol baanja le nan beenin si David aayaabitiib aachaŋ ni mbamɔm.

1 Bibɔrb 12:25

Israel yaab aabɔr Jeroboam nan maa ŋigon kiir Sekem aatiŋ ki bi Efraim aagongon aatiŋ pu na, ki koo nima ni yunn siib, le ki nyan nima ki buen ti maa ŋigon gob Penuel aatiŋ.

2 Bibɔrb 12:20

Ubɔr Joas aajab aaninkpiib nan kpokl u pu, le bi ponn ni bilee, Simeaf aajapɔɔn Josakar, ni Somer aajapɔɔn Jehosabad ti ku u lidichal li bi nan maa li kifataŋ aatiŋ ki bi Jerusalem aawipuul wɔb aan bi nan ŋeeb na ponn ni. Li nan bi nsan mu cha Sila aatiŋ ni na chee la. Bi nan sub Joas nnaan aacheek ni, David Aatiŋ ni la, le ujapɔɔn Amasia nab waanaan pu.

Josua 24:26

Josua nan ŋmee ikaal ngbaan Uwumbɔr aakaal aagbaŋ ponn ni. U nan yoor litakpasakpeln libaa, le ki di ŋum likpaln aasub taab, Uwumbɔr Aabool chee,

Bibɔjirb 9:5

U nan buen ute do, Ofra aatiŋ ni, le ki ti ku ute Gideonn aajapɔtiib imonko itaa ni kipiik ngbaan paan litakpabaal pu nima chee. Tɔ, Gideonn aajapɔɔn uwaatiir Jotam nan bɔr, le baa kan uma ki ku u.

Bibɔjirb 9:7

Jotam aah ŋun kina na, le u buen ti tɔŋ Gerisim Aajool pu ki teen bui bi ke, “Nimi Sekem aatiŋ aajab, li pel man, aan Uwumbɔr mu pel ni chee.