Bibɔjirb 9:54 - Uwumbɔr aagbaŋ

⁵⁴ Le u ŋa mala ki yin unachipɔɔn u joo waajawan na ki nan bui u ke, “Fuur saajaak aajuk ki di ku mi. Maa ban ke bi nan len ke upii le ku mi.” Kina pu le unachipɔɔn ngbaan nan saa chaar u, le u kpo.

Bibɔjirb 9:54 ပူးပေါင်းရင်းမြစ်များ

2 Samuel 1:10

Maaninkpel, le m chuu chikr kibɔryikpupuk uyil pu, ki ŋmaar mbuen mu ŋmaa uŋaal na mu, ke m nan di tii si.”

2 Samuel 1:7

Le u fenn, ki kan mi, le ki yin mi. Le m kii ke, ‘Maaninkpel, m sɔ.’

2 Samuel 1:9

Le u bui mi ke, ‘Dan do ki nan ku mi. M kan titotonn sakpen a, le ki ban m kpo.’ Le m buen ki ti ku u; ba pu? m nan bee ke waah kan titotonn pu na, waan ki ŋmaa li bi ki yunn.

1 Bibɔrb Aabɔr 10:4

Le u bui unachipɔɔn u joo waajawan na ke, “Nyan saajaak aajuk ki ku mi, aan Filistia yaab bi kaa san Uwumbɔr na taa nan di kinanaŋ ku mi.” Le ijawaan nan chuu unachipɔɔn ngbaan sakpen, le waa kaa u ŋa kina. Kina pu le Sɔɔl nyan ubaa aajaak aajuk ki lir ki pu ki ku ubaa.

1 Bibɔrb Aabɔr 10:5

Unachipɔɔn ngbaan nan kan ke Sɔɔl kpo a, le u mu lir waajuk pu ki kpo dii Sɔɔl.

Bibɔjirb 4:9

Le u gar ke, “Kina kan, ni ŋan, m ga dii si buen, aa mu aan tee kan kipak kibaa linyaŋ ngbaan pu, ba pu? Uwumbɔr ga di Sisera ŋa upii aaŋaal ni la.” Le Debora ni Barak di siir tɔŋ Kedes.

Bibɔjirb 9:55

Israel aajab aah kan ke Abimelek kpo na, le bi gir kun bido bido.

1 Samuel 14:12

le ki yin Jonatann ni unachipɔɔn na ke, “Dan do man. Ti kpa tibɔr tibaa ti tuk nimi.” Le Jonatann bui unachipɔɔn ngbaan ke, “Li dii mi. Uwumbɔr tii Israel yaab linyaŋ bi pu a.”

1 Samuel 14:13

Le Jonatann jon ŋitakpal ngbaan pu ki baar utaa ni uŋaal pu, le unachipɔɔn ngbaan mu dii u. Jonatann nan ti tak Filistia yaab ngbaan le ki gbaa bi lir kitiŋ, le unachipɔɔn na ku bi.

1 Samuel 14:14

Njan aanikul ngbaan ponn ni, Jonatann ni unachipɔɔn ngbaan nan ku bijab moninko la, kaa foor buen nibaa.

1 Samuel 14:17

Le Sɔɔl bui waajab ke, “Kahn man bijab ngbaan ki lik ke ŋma aa bi.” Bi nan ŋa kina ki kan ke Jonatann ni unachipɔɔn u joo waajawan na aa bi.

1 Samuel 14:7

Le unachipɔɔn ngbaan bui u ke, “Saah ban pu na kan, m si aachaŋ ni.”

1 Samuel 16:21

David nan buen Sɔɔl chee ki ti tun waatuln. Sɔɔl nan gee u sakpen, le ki lee u ke u li joo waajawan.

1 Samuel 31:6

Kina le Sɔɔl, ni ujapɔtiib bitaa, ni unachipɔɔn ngbaan nan kpo; Sɔɔl aajab mɔmɔk nan kpo liyaadaal ngbaan.