Bibɔjirb 9:5 - Uwumbɔr aagbaŋ

⁵ U nan buen ute do, Ofra aatiŋ ni, le ki ti ku ute Gideonn aajapɔtiib imonko itaa ni kipiik ngbaan paan litakpabaal pu nima chee. Tɔ, Gideonn aajapɔɔn uwaatiir Jotam nan bɔr, le baa kan uma ki ku u.

Bibɔjirb 9:5 ပူးပေါင်းရင်းမြစ်များ

1 Bibɔrb 1:12

M ga sur si ke aa yaa ban aa ni aajapɔɔn Solomonn aamɔfal kan,

1 Bibɔrb 1:21

Aa yaa kaa ŋa kina, ki yaa kpo kan, libuul ngbaan ni, le bi ga li gur ŋani m ni njapɔɔn Solomonn ke taah ye bitimbiib le na.”

2 Bibɔrb 10:17

Baah ti fuu nima chee na, Jehu nan ku Ahab aado yaab mɔmɔk, kaa cha ubaa ŋmar. Uwumbɔr nan bui Elaija ke kina le ga ŋa.

2 Bibɔrb 10:7

Jehu aagbaŋ ngbaan aah pii bi na, le Samaria aatiŋ aasalolm ngbaan ku Ahab aayaabitiib imonko itaa ni kipiik ngbaan mɔmɔk, ki di baayil ŋa tibɔɔkur ni, ki di ti tii Jehu, Jesreel aatiŋ ni.

2 Bibɔrb 11:3

Jehoseba nan cha ubo ngbaan ni waabiyoor bɔr Uwumbɔr Aadichal ni, le u kpiini u ki ti saa ŋibin ŋiloob, le Atalia nan ye upiibɔr ki joo kitiŋ.

2 Bibɔrb Aabɔr 21:4

Jehoram aah ti nyal baan nnaan ngbaan ni na, le u ku unaatiib ngbaan mɔmɔk, ki ku Israel aaninkpiib bibaa mu.

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

Matiu 2:20

Le Uwumbɔr aatuun ngbaan bui u, “Fii ki yoor ubo ngbaan ni una ki gir buen Juu yaab aatiŋ ni. Binib bi nan ban bi ku ubo ngbaan na kpo a.”

Bibɔjirb 6:11

Tɔ, Uwumbɔr aatuun dan Ofra aatiŋ ni, ki nan kal Abieser aataŋaal pu aaja Joas aakpaln aasub bubaa taab. Ujapɔɔn Gideonn nan loon ti bi poi njikaabim, kitakpaluŋ kibaa ni, ke Midiann yaab taa kan u.

Bibɔjirb 6:24

Gideonn nan maa kitork aabimbiln nima chee tii Uwumbɔr, ki yin li ke, “Uwumbɔr le ye Nsuudoon.” Li beenin si Ofra aatiŋ ki ye Abieser aataŋaal aatiŋ na ni.

Bibɔjirb 8:30

Waah nan kpa bipiib sakpen pu na, u nan kpa japɔtiib imonko itaa ni kipiik la.

Bibɔjirb 9:18

Le ni tee fenn lir nte Gideonn aadichal pu din wee. Ni ku ujapɔtiib imonko itaa ni kipiik litakpabaal pu, le waanaagbiipiibo aajapɔɔn Abimelek aah ye nido yoo na, ni di u ŋa Sekem aatiŋ aabɔr.

Bibɔjirb 9:2

ke bi baa Sekem aajab ke, “Ni ga li gee nilaba? Ni ban Gideonn aajapɔtiib imonko itaa ni kipiik mɔmɔk le li joo nimi, bee unibaan la? Teer man ke Abimelek ye nimi aanaakook ponn ni aanaa la.”

Bibɔjirb 9:6

Nee aapuwɔb le Sekem ni Bef Milo aajab kuun tɔb ki buen likpaln aasusakpem bubaa taab, Sekem aatiŋ ni, ki ti kaan Abimelek nnaan.