Bibɔjirb 9:45 - Uwumbɔr aagbaŋ

⁴⁵ Bi nan jaa kina le nwiin ti lir. Abimelek nan nyaŋ kitiŋ ngbaan, le ki ku kaanib, le ki ber ki, ki di n‑yaan kpiln biin ki pu.

Bibɔjirb 9:45 ပူးပေါင်းရင်းမြစ်များ

1 Bibɔrb 12:25

Israel yaab aabɔr Jeroboam nan maa ŋigon kiir Sekem aatiŋ ki bi Efraim aagongon aatiŋ pu na, ki koo nima ni yunn siib, le ki nyan nima ki buen ti maa ŋigon gob Penuel aatiŋ.

2 Bibɔrb 3:25

ki kuln baatim. Bi yaa ti bi jer nkpaakon ni kan, le Israel aanii mɔk di litakpal mee lii mu ponn ni, le ki di ŋitakpal biin ikpaakon ngbaan mɔmɔk pu ti doo; bi nan ki kpaa baayayak aanyunbun, ki per baasubil aasui mu lir. Kookoo na, litiyil Kir Heres le nan ti gur, le bijab bi gbaa ŋifulaatan na, lul goln ki, ki tak ki mu.

Ilahn 107:34

U cha kitiŋ ki kpa tijikaar na kpaln nteersakpiin, bibiindam bi koo nima chee na pu.

Esekiel 47:11

Tɔ, nnyun mu bi kipuuk, ni tibɔr ti bi nnyusakpem ngbaan aagbaan na ni ga li beenin kpa n‑yaan. Mu ga bee nima chee ki li ye nin chee n‑yaan nyan ni na.

Sefania 2:9

Maah sil ye Uwumbɔr u bi n‑yoonn mɔmɔk, ki ye Israel yaab Aawumbɔr na, m puu ke m ga kuln Moab ni Amonn aatim ke maah nan kuln Sodom ni Gomora aatim pu na. Mu ga kpaln baah gbii n‑yaan nin chee na, ni baah kuln nin chee kookoo aan timoor gaa nima chee na la. Maanib bi ŋmar na ga yoor baawan ni baatiŋ mu.”

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.

Bibɔjirb 9:44

Abimelek ni waagetekr aah nan naa ke bi ti kiir kitiŋ ngbaan aabisamɔb na, le ŋigetek ŋilee na ti di pii binib ngbaan ŋikpaan ngbaan ni, ki ku bi mɔmɔk.