Bibɔjirb 9:23 - Uwumbɔr aagbaŋ

²³ Le Uwumbɔr nan cha Abimelek ni Sekem aatiŋ aanib gur nan tɔb, le bi nyan sil u pu.

Bibɔjirb 9:23 ပူးပေါင်းရင်းမြစ်များ

1 Bibɔrb 12:15

Ni nan ye Uwumbɔr aageehn le ke waah nan cha waabɔnabr u nyan ni Silo aatiŋ ni aan bi yin u ke Ahija na tuk Nebat aajapɔɔn Jeroboam ke tiwan nee ga ŋa. Nima pu le ubɔr nan yii, kaa pel binib ngbaan aah nan len pu na.

2 Bibɔrb Aabɔr 10:15

Ni nan ye Bidindaan Uwumbɔr aageehn le ke waah nan cha waabɔnabr Ahija u nyan ni Silo aatiŋ ni na tuk Nebat aajapɔɔn Jeroboam tiwan ni ga ŋa na. Nima pu le ubɔr nan yii, kaa pel binib ngbaan aah nan len pu na.

Aisaya 19:14

Uwumbɔr le cha bi joo nsurm mu kaa ŋan na sur binib. Kina pu na, Ijipt yaab aah ŋani tiwan ni mɔmɔk na aa ŋan, ki bi ke udagbiir aah ŋar waawuln ponn ni pu na la.

Aisaya 19:2

Uwumbɔr len ke, “M cha butɔb fii Ijipt aatiŋ ni, ki cha unii ni una aabo fenn lir tɔb pu, ki cha unii ni umaantɔ fenn lir tɔb pu. Ntim mu ye tɔb puchatiib na ga fenn lir tɔb pu, le bibɔrb mu li kpak tɔb ki ban mpɔɔn.

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Matiu 7:2

Naah galni binib pu na, Uwumbɔr mu ga galn nimi kina la. Naah tii binib pu na, Uwumbɔr mu ga giin kina le ki tii nimi.

Tibɔnyaan ti Mak ŋmee ti na 3:24

Kitiŋ kibaa ni aanib yaa yakr ki yaa jaa kijaak kan, kitiŋ ngbaan ga bee yɔli.

Bibɔjirb 9:20

Ni mu yaa kaa ye kina kan, mmii nyan ni Abimelek ni, ki wu Sekem aatiŋ aajab, ni Bef Milo aatiŋ aajab. Mmii mu nyan ni Sekem aatiŋ aajab ni, ni Bef Milo aatiŋ aajab ni, ki wu Abimelek.”

Bibɔjirb 9:22

Abimelek nan joo Israel aanib ki ti saa ŋibin ŋitaa la.