Bibɔjirb 9:20 - Uwumbɔr aagbaŋ

²⁰ Ni mu yaa kaa ye kina kan, mmii nyan ni Abimelek ni, ki wu Sekem aatiŋ aajab, ni Bef Milo aatiŋ aajab. Mmii mu nyan ni Sekem aatiŋ aajab ni, ni Bef Milo aatiŋ aajab ni, ki wu Abimelek.”

Bibɔjirb 9:20 ပူးပေါင်းရင်းမြစ်များ

Ilahn 140:10

Cha mmiisakɔn mu kpa mmii na lir bi pu; cha bi di bi mee ŋa mbuu mu ponn ni baan ki ŋmaa nya ni na.

Ilahn 28:4

Daa bitafal baah tun titunwanbir ti na pu. Daa bitafal baatun mɔmɔk pu, tiin bi baah ŋeer pu na.

Bibɔjirb 7:22

Gideonn ni waajab aah pii baakpiin na, le Uwumbɔr cha baadim ngbaan aajab di baajaak aajuk fenn lir tɔb pu. Bi nan di san toŋ Saretann aatiŋ wɔb, ki ti nyan Bef Sita aatiŋ ni, ki yoor kina ti nyan Abel Mehola aatiŋ ki bi duun Tabaf aatiŋ na ni.

Bibɔjirb 9:15

Bukokom nan gar ke, ‘Ni yaa sil ban ke ni di mi ŋa nimi aabɔr kan, dan ki nan kal maaboon ni man. Ni yaa kaa ŋa kina kan, mmii ga poo nya ni maakokon aapan ŋee ni, ki nan wu Lebanonn aasantina tiib.’”

Bibɔjirb 9:19

Tɔ, naah ŋa Gideonn ni waadichal din wee pu na yaa ye ibamɔn, ni mbimbinyaan aatuln kan, ni li kpa mpopiin Abimelek pu, aan u mu li kpa ni pu mpopiin.

Bibɔjirb 9:21

Tɔ, waah nan san ukpel Abimelek ijawaan na, Jotam nan san buen Beer aatiŋ ni, le ki ti koo nima chee.

Bibɔjirb 9:23

Le Uwumbɔr nan cha Abimelek ni Sekem aatiŋ aanib gur nan tɔb, le bi nyan sil u pu.

Bibɔjirb 9:44

Abimelek ni waagetekr aah nan naa ke bi ti kiir kitiŋ ngbaan aabisamɔb na, le ŋigetek ŋilee na ti di pii binib ngbaan ŋikpaan ngbaan ni, ki ku bi mɔmɔk.

Bibɔjirb 9:6

Nee aapuwɔb le Sekem ni Bef Milo aajab kuun tɔb ki buen likpaln aasusakpem bubaa taab, Sekem aatiŋ ni, ki ti kaan Abimelek nnaan.