Bibɔjirb 8:5 - Uwumbɔr aagbaŋ

⁵ Baah ti fuu Sukof aatiŋ ni na, le Gideonn bui kitiŋ ngbaan ni aajab ke, “Ŋaanii ki tii maajab tijikaar man. Bi bak sakpen a, m bi san dii Midiann aabɔrkpaam Seba ni Salmuna la.”

Bibɔjirb 8:5 ပူးပေါင်းရင်းမြစ်များ

Mpiin 14:18

Le Melkisedek u nan ye Salem aabɔr, ki ki ye Uwumbɔr u kaa kpa ŋeen aatɔ na aatotoor na, nan joo ni tijikaar, ni ŋisubil aadaan nan tii Abram,

Mpiin 33:17

Jakob ma nan buen Sukof aatiŋ ni, ki ti maa lidichal, ki ŋa tiwakor mu aaboo nima. Nima pu le bi yin kitiŋ ngbaan ke Sukof.

Ilahn 60:6

Uwumbɔr bi waadichal li bi chain na ni ki len ke, “M ga di linyaŋ yakr Sekem aatiŋ ki yakr Sukof aafataŋ tii maanib.

Ikaal 23:4

Naah nan nyan ni Ijipt aatiŋ ni ki choo na, Amonn yaab nan yii, kaa tii nimi tijikaar ni nnyun; Moab yaab nan yoor Beor aajapɔɔn u bi nan yin u ke Balaam aan u nyan ni Petor aatiŋ ki bi Mesopotamia aapepel ni na, ke u nan puun lii ni pu.

Bibɔjirb 5:23

Uwumbɔr aatuun bui ke, “Puun lii Meros aatiŋ pu, mbamɔn, puun lii binib bi koo nima chee na pu; ba pu? baa dan nan ter Uwumbɔr, baa dan ke butɔb aajab na ki nan ter u.”

Bibɔjirb 8:10

Seba, ni Salmuna, ni baajab nan bi Karkor aatiŋ ni la. Ŋinibol ŋi bi nteersakpiin ni aajab mɔmɔk ni, bijab ŋichur kipiik ni ŋiŋmu le nan gur; bijab ŋichur nkub ni moninko nan bee butɔb ni.

Bibɔjirb 8:12

Midiann aabɔrkpaam Seba ni Salmuna nan san, le u beenin dii bi ki ti chuu bi, le baatɔb aajab aapobil yuk.

Bibɔjirb 8:15

Gideonn nan di buen Sukof aatiŋ ni le ki ti bui ke, “Teer man naah nan yii ke naan ter mi pu na. Ni nan bui ke maa kee chuu Seba ni Salmuna, kina pu na, naan tii maajab bi bak na tijikaar tibaa. Tɔ, bima sɔ.”

1 Samuel 25:18

Abigail nan ŋa mala ki ban ŋiboroboro kpin ikui ilee, ni ŋisubil aadaan aadabuu ŋilee, ni baah pun ipiih i na iŋmu, ni njikaabim mu bi ken na kuruwaa kipiik ni bilole, ni ndaan aasubil ŋisab nkub, ni ŋisubimɔɔn ŋi dab tɔb na ikui ilee, ki di buu paan ibon pu,