Bibɔjirb 8:27 - Uwumbɔr aagbaŋ

²⁷ Gideonn nan di salmaa ngbaan naan liwaal, le ki di li siin udo aatiŋ Ofra ni. Israel yaab mɔmɔk nan yii Uwumbɔr, le ki chaa ti dooni liwaal ngbaan. Nimina nan ye gaawɔb le ki tii Gideonn aadichal.

Bibɔjirb 8:27 ပူးပေါင်းရင်းမြစ်များ

Ilahn 106:35

bi tee labr, le bi ni bima yoor tɔb aabim, le ki gaa binib ngbaan aabimbin,

Ilahn 106:39

Baatun nan cha bi ŋa bibaa tijɔŋdam, le kaa ki si Uwumbɔr aapuwɔb.

Ilahn 73:27

Binib bi yii si na ga sil kuln; aa ga doo binib bi nyan aapuwɔb na.

Nnyam 23:33

Ni taa cha binib ngbaan li bi nimi aatiŋ ngbaan ni; ni yaa ŋa kina kan, bi ga cha ni tun titunwanbir m chee. Ni yaa kpaan bi chee ki dooni baawaa kan, nima le ga kpaln nkun aagaawɔb le ki kuln nimi.”

Nnyam 32:4

Le u gaa tafajɔn ngbaan le ki donn bi, le ki di kpaar ŋa tiwan ni naahn unaa na ni, le ni kpaln salmaa aanaajabo. Le binib ngbaan bui ke, “Timi Israel yaab aawaal li nyan ni timi Ijipt aatiŋ ni na le na.”

Nnyam 34:16

Nibaakan, nijapɔtiib mu ga yoor bibisatiib, le bibisatiib ngbaan ga fenn nijapɔtiib aasui, le bi ga yii mi ki dii binib ngbaan aawaa.

Aisaya 8:20

Le ni ga gar bi ke, “Li pel man Uwumbɔr aah mɔkni nimi pu na. Taa pel man bipɔnijoob aah len pu na. Baah tuk nimi pu na aa kpa tinyoor.”

Esekiel 7:20

N‑yoonn mubaa bi nan kpa kigaak baatakpanyaan pu la, le bi di ŋi ŋa ŋiwaa ŋi sukr ponn ni na. Nima le cha Uwumbɔr cha baawangol sukr biponn ni.

Hosea 2:2

Maabim, nina aa ki ye mpuu, le u mu aachal aa ki ye mi, tɔ, ni mu tee gaŋ u man. Gaŋ u ke u di cha kidagook.

Hosea 3:4

Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Ikaal 12:5

Nimi aanibol mɔmɔk aah ga kal nin chee na, Uwumbɔr ga nyan nibaa chee, le ni ga choo unimbiin ni, ki nan dooni u nima.

Ikaal 7:16

Ni ku ki kuln ŋinibol ŋimɔk Nidindaan Uwumbɔr di ŋa niŋaal ni na, ki taa san bi kinimbaak. Ni taa li dooni baawaa, kina aa ŋan, ŋi ga bii nimi.

Ikaal 7:25

Ni see baawaa mmii. Baah di tikunabr ni salmaa u paan ŋi pu na, ni taa li neen ŋi, ki taa yoor ŋi. Ni yaa ŋa kina kan, naan li ŋan, ni ga bii nimi, ba pu? Uwumbɔr aa gee ŋiwaa kpala.

Bibɔjirb 17:5

Maika ngbaan nan gur kpa kiwaadiik la. U nan ŋa ŋiwaa ŋibaa, ni utotoor aabɔkugeŋ le ki di ujapɔɔn ubaa ŋa waatotoor.

Bibɔjirb 18:14

Nima le bijab biŋmu bi nan chuun lik kitiŋ ki mann goln Lais aatiŋ na bui biŋeen aatɔtiib ke, “Ni ba nyi ke liwaal bi lidichal libaa ponn ni do aan bi di tikunabr boon li ii? Ŋiwaa ŋiken ni utotoor aabɔkugeŋ mu bi. Ni dak ke ti ga ŋa kinye?”

Bibɔjirb 18:17

Bipepekb biŋmu na nan koo lidichal ngbaan ponn ni, le ki ti yoor liwaal li bi di tikunabr boon li na, ni ŋiwaa ŋiken na, ni utotoor aabɔkugeŋ na, le utotoor ngbaan nan beenin si mbisamɔb, bijab ikui iloob bi joo tijawan na chee.

Bibɔjirb 2:2

Ni taa puu tipuur tibaa tii binib bi koo kitiŋ kee ponn ni na. Ni ber baawaa aatork aabimbin.’ Le ni yii, kaa ŋa maah tuk nimi pu na. Maah tuk nimi ke ni taa ŋa pu na le ni tee ŋa.

Bibɔjirb 2:3

Nima le m bui nimi ke naah tur koo binib bi ponn ni na, maan jenn nyan bi baatiŋ ni. Bi ga li ye nimi aadim la, le baawaa ga li ye gaawɔb tiib le ni chee.”

Bibɔjirb 6:11

Tɔ, Uwumbɔr aatuun dan Ofra aatiŋ ni, ki nan kal Abieser aataŋaal pu aaja Joas aakpaln aasub bubaa taab. Ujapɔɔn Gideonn nan loon ti bi poi njikaabim, kitakpaluŋ kibaa ni, ke Midiann yaab taa kan u.

Bibɔjirb 6:24

Gideonn nan maa kitork aabimbiln nima chee tii Uwumbɔr, ki yin li ke, “Uwumbɔr le ye Nsuudoon.” Li beenin si Ofra aatiŋ ki ye Abieser aataŋaal aatiŋ na ni.

Bibɔjirb 8:26

Gideonn aah nan gaa salmaa aatafajɔnjɔn bi na aanyunyuun ga nan li pii njikaabim kuruwaa moninko aanyunyuun. Midiann aabɔrkpaam ngbaan aah nan pee nleenyaan, ni ŋitakpanyaan, ni ntanyaan aawanpeenkaan ni na, ni baah nan ŋa tiwanyaan ni gbin baalaakumii tiib aasil na aa nan kpee tafajɔnjɔn tiib ngbaan pu.

Bibɔjirb 8:28

Tɔ, Israel yaab aah nan nyaŋ Midiann yaab pu na, le tifaan aa nan ki bi. Nsuudoon nan dan kitiŋ ngbaan pu ki ti saa ŋibin imonko ilee, le Gideonn ti nin kpo.