Bibɔjirb 8:26 - Uwumbɔr aagbaŋ

²⁶ Gideonn aah nan gaa salmaa aatafajɔnjɔn bi na aanyunyuun ga nan li pii njikaabim kuruwaa moninko aanyunyuun. Midiann aabɔrkpaam ngbaan aah nan pee nleenyaan, ni ŋitakpanyaan, ni ntanyaan aawanpeenkaan ni na, ni baah nan ŋa tiwanyaan ni gbin baalaakumii tiib aasil na aa nan kpee tafajɔnjɔn tiib ngbaan pu.

Bibɔjirb 8:26 ပူးပေါင်းရင်းမြစ်များ

Esta 8:15

Tɔ, Modekai nan nyan libɔrchiln ngbaan ni, ki pee ŋibɔrbɔkul ŋi ŋmal nsiin ni mpem na, ni ŋikekenyaan ŋiken, ki chik salmaa aabɔryikpupuk ki ŋan sakpen na. Le Susa aatiŋ ni aasan mɔmɔk ni, binib faa mpopiin aafuuk;

Ŋiyataŋak 31:22

U ŋal ubaa aawandookaan aakeken, le ki peeni ŋitanyaan aawanpeenkaan.

Aisaya 3:18

Nwiin mubaa choo, le Uwumbɔr ga gaa tiwan nimɔk Jerusalem aapiib kpa ki kpa kigaak ni pu na: nleenyaan mu bi joo gbei bitaagbin, ni biyil, ni bineen ni,

Jeremia 10:9

Bi di Speenn aatiŋ aakunabr le ki boon baawaa ngbaan le ki di Ufas aatiŋ aasalmaa mu boon ŋi, nimina mɔmɔk ye uwanŋar aatuln la; bi joo nsiin ni ŋitan ŋi man chauŋ aan ukpaluul u nyi sakpen na luu ŋi na le peeni ŋi.

Esekiel 27:7

Bi nan di ŋitanyaan le ŋa saakeken ŋi joo si chuun na, ŋi nan ye Ijipt aatiŋ aatanyaan ŋi kpa nyɔla nyɔla na la, Le unii yaa po si dandar pu na kan, u ga bee ŋi. Bi nan di ŋikekenyaan ŋa saakeken ŋi kii nwiin ni utaal na, ŋi nan ye ŋitambɔn aakeken ŋi nyan ni Saiprus aatiŋ ni na la.

Tibɔnyaan ti Luk ŋmee ti na 16:19

“Tɔ, uwankpadaan ubaa nan bi, ki peeni tiwanpeenkaan nyaan, ki ji tijikaar ti mɔ na iwiin mɔmɔk.

Jɔnn 19:2

Le bi luu ikokon aayikpupuk ki di chiŋ u, ki di libɔkumaln peen u,

Jɔnn 19:5

Le Yesu nyan ni lipaal, ki beenin chik ikokon aayikpupuk ki pee libɔkumaln ngbaan. Le Pailat bui bi, “Lik man, uja ngbaan sɔ.”

Tibɔkpiirkaan 17:4

Upii ngbaan nan pee tiwanpeenkaan nyaan, nibaa chee man, niken chee mu bɔn ke nsiin na, ki pee nleen mu ŋan ki kpa kidaak na uneen ni. Waawanpeenkaan pu nan ye salmaa ni ŋitakpabinyaan ŋi kpa kidaak na. U nan joo salmaa aasambil uŋaal ni. Tiwan ni kaa ŋan, ki ye waadagook aawan, ki kpa tijɔŋ na nan gbii waasambil ngbaan ni.

Tibɔkpiirkaan 18:12

Ubaa aan ki daa baasalmaa, ni tikunabr, ni ŋitakpabil ŋi ŋan ki kpa kidaak na, ni ileen i kpa kidaak na, ni ŋikekenyaan, ni ŋikeken ŋi bɔn ke nsiin na, ni ŋi man na, ni ŋikpanyaan, ni iluub aanyin aasambil, ni idɔ aasambil ŋi kpa kidaak na, ni tikur aawan, ni ŋitakpanyaan aawan,

Tibɔkpiirkaan 18:16

ki len ke, “Tibɔbir bi kitisakpeŋ ngbaan pu la. Kaanib nan pee ŋikekenyaan, ni ŋikeken ŋi bɔn ke nsiin na, ni ŋikeken ŋi man na, ki nan kpa salmaa ni ŋitakpabil ŋi ŋan ki kpa kidaak na, ni ileen i ŋan ki kpa kidaak na.

Bibɔjirb 8:21

Seba ni Salmuna nan bui Gideonn ke, “Dan aabaa ki nan ku timi. Uja le tun uja aatuln.” Kina pu na, Gideonn nan ku bi, le ki gbiln nleenyaan mu gbin baalaakumii tiib aasil na.

Bibɔjirb 8:25

Binib ngbaan nan kii ke, “Ti ga di bi tii si ni mpopiin la.” Bi nan di likekeln yar bil kitiŋ, le bi mɔmɔk di baah gaa tafajɔnjɔn tiib bi na paan li pu.

Bibɔjirb 8:27

Gideonn nan di salmaa ngbaan naan liwaal, le ki di li siin udo aatiŋ Ofra ni. Israel yaab mɔmɔk nan yii Uwumbɔr, le ki chaa ti dooni liwaal ngbaan. Nimina nan ye gaawɔb le ki tii Gideonn aadichal.