Bibɔjirb 8:22 - Uwumbɔr aagbaŋ

²² Nee aapuwɔb, le Israel yaab nan bui Gideonn ke, “Li ye timi aajojoor, sin ni aayaabitiib bi ga paan ni aa pu na li ye timi aajojoob. Aa gaa timi Midiann yaab chee lii.”

Bibɔjirb 8:22 ပူးပေါင်းရင်းမြစ်များ

Mpiin 37:28

Le Midiann yaab bi chuun tiir kitiirk na nan fuu ni bi chee, le bi chuu nyan Josef nnyunbun ni, ki di u kooh tii bititiirb ngbaan tikur aamombil moninko, le bi mu di u buen Ijipt aatiŋ ni.

Jɔnn 6:15

Yesu nan bee ke bi ban bi chuu u mpɔɔn ki di ŋa baabɔr. Nima pu le u nyan bi chee, ki ki buen lijool ngbaan paab ubaa.

Bibɔjirb 8:21

Seba ni Salmuna nan bui Gideonn ke, “Dan aabaa ki nan ku timi. Uja le tun uja aatuln.” Kina pu na, Gideonn nan ku bi, le ki gbiln nleenyaan mu gbin baalaakumii tiib aasil na.

Bibɔjirb 8:23

Gideonn nan gar bi ke, “Maan li ye nimi aajojoor, le njapɔɔn mu aan li ye. Uwumbɔr le ga li ye nimi aajojoor.”

1 Samuel 12:12

Naah nan kan ke Amonn yaab aabɔr Nahas ban u tak nimi na, le ni yii Uwumbɔr ke waa ki ye nimi aabɔr, le ki bui mi ke ni ban ubɔr le u li joo nimi.

1 Samuel 8:5

le ki ti bui u ke, “Lik, aa bi por la, le aajapɔtiib mu aa dii saasan. Kina pu na, nyan ubɔr u ga li joo timi na, aan ti mu li kpa ubɔr ke ntim muken aah kpa pu na.”