Bibɔjirb 8:21 - Uwumbɔr aagbaŋ

²¹ Seba ni Salmuna nan bui Gideonn ke, “Dan aabaa ki nan ku timi. Uja le tun uja aatuln.” Kina pu na, Gideonn nan ku bi, le ki gbiln nleenyaan mu gbin baalaakumii tiib aasil na.

Bibɔjirb 8:21 ပူးပေါင်းရင်းမြစ်များ

Ilahn 83:1

Uwumbɔr, taa li ŋmin; taa li si suuna ki ŋmin kina.

Ilahn 83:11

Ŋa baayidam ke saah nan ŋa Oreb ni Seeb pu na; nyaŋ baasalolm ke saah nan nyaŋ Seba ni Salmuna pu na.

Ilahn 83:12

Bi mɔmɔk nan len ke “Ti ga gaa kitiŋ ki ye Uwumbɔr aatiŋ na.”

Aisaya 3:18

Nwiin mubaa choo, le Uwumbɔr ga gaa tiwan nimɔk Jerusalem aapiib kpa ki kpa kigaak ni pu na: nleenyaan mu bi joo gbei bitaagbin, ni biyil, ni bineen ni,

Josua 10:26

Josua nan ku bibɔrb ngbaan mɔmɔk le ki di biwon leen isui iŋmu pu, le biwon lee nima ki ti saa kijook wɔb.

Tibɔkpiirkaan 9:6

N‑yoonn ngbaan, binib ga li ban nkun ke mu ku bi, kaan kan mu. Nkun ga san cha bi.

Bibɔjirb 15:12

Bi nan bui u ke, “Ti dan ke ti nan buu si iŋmin, le ki di si ti tii bi.” Samsonn nan bui bi ke, “Puu tii mi man ke nimi nibaa aan ku mi.”

Bibɔjirb 8:20

Waah len kina doo na, le u bui ujapɔpol Jeter ke, “Ti ku bi.” Tɔ, ujapɔɔn aa nan fuur waajaak aajuk. Waah laa ye ubo na, u nan laa si ŋmin la.

Bibɔjirb 8:22

Nee aapuwɔb, le Israel yaab nan bui Gideonn ke, “Li ye timi aajojoor, sin ni aayaabitiib bi ga paan ni aa pu na li ye timi aajojoob. Aa gaa timi Midiann yaab chee lii.”

Bibɔjirb 8:26

Gideonn aah nan gaa salmaa aatafajɔnjɔn bi na aanyunyuun ga nan li pii njikaabim kuruwaa moninko aanyunyuun. Midiann aabɔrkpaam ngbaan aah nan pee nleenyaan, ni ŋitakpanyaan, ni ntanyaan aawanpeenkaan ni na, ni baah nan ŋa tiwanyaan ni gbin baalaakumii tiib aasil na aa nan kpee tafajɔnjɔn tiib ngbaan pu.

Bibɔjirb 9:54

Le u ŋa mala ki yin unachipɔɔn u joo waajawan na ki nan bui u ke, “Fuur saajaak aajuk ki di ku mi. Maa ban ke bi nan len ke upii le ku mi.” Kina pu le unachipɔɔn ngbaan nan saa chaar u, le u kpo.

1 Samuel 31:3

Butɔb ngbaan nan ti pɔɔ Sɔɔl aah bi nin chee na le pam, le bidim bibaa aapiin yun Sɔɔl ki tii u titotonn pam.

1 Samuel 31:5

Unachipɔɔn ngbaan nan kan ke Sɔɔl kpo a, le u mu lir waajuk pu, ki kpo dii Sɔɔl.