Bibɔjirb 7:24 - Uwumbɔr aagbaŋ

²⁴ Gideonn nan tun ituun Efraim aagongon aatiŋ mɔmɔk pu ke, “Dan nan jan Midiann yaab man. Li kii man Jɔɔdann Aamɔɔl, ni ikpen i di kina ki ti nyan Bef Bara aatiŋ pu na, aan ki taa cha Midiann yaab puur.” Efraim aajab nan kuun, le ki kiir Jɔɔdann Aamɔɔl, ni ikpen i di kina ki ti nyan Bef Bara aatiŋ pu na.

Bibɔjirb 7:24 ပူးပေါင်းရင်းမြစ်များ

Habakuk 3:7

M nan kan ke ijawaan nan chuu Kusann aanib, le Midiann aatiŋ aanib aawon gbaa.

Jɔnn 1:28

Bi nan len tɔb chee tibɔr ngbaan Betani aatiŋ, ki bi Jɔɔdann aamɔɔdapuul, Jɔnn aah muini binib nnyun ni nin chee na ni.

Rom Yaab 15:30

Nnaabitiib, Tidindaan Yesu Kristo pu, ni Uwumbɔr Aafuur Nyaan aageehn pu, m gaŋ nimi ke ni li mee Uwumbɔr linimaln ki tii mi,

Filipi 1:27

Tibɔkpaan le ye ke nimi aabimbin li bi Kristo aabɔnyaan tee aah mɔk nimi pu na, aan m yaa dan nan mann nimi, bee m yaa kaa dan kan, m ga ŋun nimi aabɔr, ke ni si Yesu aachaŋ ni, ki kpa kimɔbaan, ki kpaan tuk binib Yesu aabɔnyaan, ke bi gaa u ki kii.

Bibɔjirb 12:5

Gilead yaab nan ti gaa gaa baah puur Jɔɔdann Aamɔɔl nin chee na le ke Efraim yaab ngbaan ubaa taa ŋmar ki san. Efraim yaab ponn ni ubaa yaa nan ti ban u puur ki san ŋmar kan, Gilead aajab baa u le ke, “Aa ye Efraim aanii la aa?” Le u yaa bui ke, “Aayii” kan,

Bibɔjirb 8:3

Ni yaa lik kan, Uwumbɔr aapɔɔn pu, ni ŋman ki ku Midiann yaab aabɔrb bilee, Oreb ni Seeb. Maa tun nibaa aan ni ga ŋmaa sil nima ngbaan chee.” Waah len kina na, baaŋuul nan sɔŋ.