Bibɔjirb 7:22 - Uwumbɔr aagbaŋ

²² Gideonn ni waajab aah pii baakpiin na, le Uwumbɔr cha baadim ngbaan aajab di baajaak aajuk fenn lir tɔb pu. Bi nan di san toŋ Saretann aatiŋ wɔb, ki ti nyan Bef Sita aatiŋ ni, ki yoor kina ti nyan Abel Mehola aatiŋ ki bi duun Tabaf aatiŋ na ni.

Bibɔjirb 7:22 ပူးပေါင်းရင်းမြစ်များ

1 Bibɔrb 19:16

ki di Nimsi aajapɔɔn Jehu kaan Israel aatiŋ aanaan, ki di Safat, u nyan ni Abel Mehola aatiŋ ni na aajapɔɔn Elaisa ŋa ubɔnabr aan u gaa si.

1 Bibɔrb 4:12

Ahilud aajapɔɔn Baana le nan yeh Taanak, ni Megido aatim, ni lipepel li nan bi duun Bef Sann aatiŋ, ki duun Saretann aatiŋ, ki bi Jesreel aaŋangii wɔb na, ki yoor kina ki ti saa Abel Mehola aatiŋ, ni Jokmeam aatiŋ mɔk.

2 Bibɔrb Aabɔr 20:23

Amonn yaab ni Moab yaab nan di kpaan le ki di lir Edom yaab pu ki kuln bi pel pel, le ki mu ki di fenn lir tɔb pu ke biwaarb na.

Ilahn 83:9

Ŋa bi ke saah nan ŋa Midiann yaab, ni Sisera, ni Jabinn pu, Kisonn Aamɔɔl ni pu na.

Aisaya 19:2

Uwumbɔr len ke, “M cha butɔb fii Ijipt aatiŋ ni, ki cha unii ni una aabo fenn lir tɔb pu, ki cha unii ni umaantɔ fenn lir tɔb pu. Ntim mu ye tɔb puchatiib na ga fenn lir tɔb pu, le bibɔrb mu li kpak tɔb ki ban mpɔɔn.

Aisaya 9:3

Uwumbɔr, aa tii bi mpopiin sakpen a; aa cha bisui piir sakpen a. Bi mɔɔni saah ŋa pu tii bi na pu, ke binib aah chee njikaabim kan, bi mɔɔni pu na, bee bi yaa yakr tiwan ni bi jan kijaak ki gaa ni na kan, baah mɔɔni pu na,

Aisaya 9:4

ba pu? aa gaa bi baatun ŋi nyuun ki nyaŋ bi na, ni likugeln li nyiibaa bibɔgbin pu na. Aa nyaŋ linibol li muk bi ki ŋa bi bijakaab na, ke saah nan nyaŋ Midiann aajab n‑yoonn mu jer na pu na.

Esekiel 38:21

M ga di tibɔbir mɔmɔk aabɔŋ faan ubɔr Gog sakpen. Min Dindaan Uwumbɔr len a. Waajab ga di baajaak aajum fenn lir tɔb pu.

Habakuk 3:14

Aa di ubaa aakpaatuŋ le too chaar uyil buyoonn waajab chii ni ke bi nan jenn timi, ki mɔɔni ke baah ban bi ti loon le ki ku doo bigiim bi bi limukl ni na.

Hagai 2:22

ki nyaŋ nnaan yayan mɔmɔk ki kuln mu aapɔɔn. M ga nyaŋ itaan aatɔroku tiib ni binib bi ŋaal bi na; itaan ga kpoi, le binib bi dik i pu na ku tɔb.

Sekaria 14:13

N‑yoonn ngbaan kan, Uwumbɔr ga ŋmal bilan ki cha ijawaan chuu bi sakpen, le umɔk fenn kan uŋeen aatɔb na kan, u ga tak u.

2 Korenti 4:7

Timi bi kaa kpa mpɔɔn na, Uwumbɔr di tibɔnyaan ti kpa mpɔɔn sakpen na ŋa tiŋaal ni, aan binib bee ke tibɔnyaan ngbaan aapɔɔn nyan Uwumbɔr chee, naa ye ti chee.

Josua 3:16

le nnyun ngbaan sil, kaa ki puu, le ki ŋa ligoln kitiŋ ki bi yin ki ke Adam na chee; kitiŋ ngbaan nan bi dandar ki bi gbɔk Saretann aatiŋ la. Limɔɔl ngbaan aah puu ki ti lir N‑yaan Aanyusakpem ponn ni nin chee na mɔmɔk kpaln kitikuun la, le binib ngbaan puur Jeriko chee.

Josua 6:16

Nfum mulole aayoonn ngbaan aah fuu na, le bitotoorb bi pii ikpiin na aah ban bi kpaan nfum mubaa pu ki pii sakpen buyoonn na, le Josua lii waanib bumɔb ke bi faa ikaa, le ki bui ke, “Uwumbɔr le di kitiŋ kee tii nimi.

Josua 6:20

Josua aah len ti doo na, le bitotoorb na pii iyiin, le bijab faa ikaa, le ligoln sakpeln ngbaan lir kitiŋ. Le bijab ngbaan san koo kitiŋ ngbaan ni, ki ton bi butɔb, le ki nyaŋ kitiŋ ngbaan aanib.

Josua 6:4

Nyan bitotoorb bilole, bi mɔmɔk ubaabaa ga li joo ikpiinja aayiin, ki loln binib bi tu Uwumbɔr Aakaal Aadakaa na pu nsan. Winlole daal kan, aa ni saajab ga chuun mann kitiŋ ngbaan nfum mulole, n‑yoonn ngbaan le bitotoorb bi joo ikpiinja aayiin na pii ikpiin.

1 Samuel 18:19

N‑yoonn aah nan tee fuu ni ke bi di Merab tii David na, bi nan labr di u tii Mehola aatiŋ ni aaja u bi yin u ke Adriel na.