Bibɔjirb 7:21 - Uwumbɔr aagbaŋ

²¹ Uja mɔmɔk nan nyal sil ki mann goln baadim aakakaa ngbaan, le baadim aajab mɔmɔk san ki gbaa ikuun cha.

Bibɔjirb 7:21 ပူးပေါင်းရင်းမြစ်များ

1 Bibɔrb 20:20

le unii mɔk nan ku uja u ni uma jaa na. Siria aajab nan san, le Israel yaab san dii bi ni linimaln, tɔ, Ben‑Hadad nan di utaan san ŋmar, le waajab bi dik itaan pu na bibaa dii u.

2 Bibɔrb Aabɔr 20:15

Jahasiel nan bui ke, “Ubɔr Jehosafat, ni Juda ni Jerusalem aanib mɔmɔk, Uwumbɔr bui ke ni taa cha nitaakpab yɔl, ki taa san butɔb aajapaak kee ijawaan. Butɔb ngbaan ye Uwumbɔr aatɔb la, naa ye nimi yaan.

2 Bibɔrb Aabɔr 20:17

Naa ye ke nimi le ga jan butɔb bue ni. Nima li cha ki ti lul sil ki li kii; ni ga kan ke Uwumbɔr tii nimi linyaŋ a. Juda ni Jerusalem aanib, taa joo beeni ki taa san ijawaan man. Nya buen butɔb ni man, le Uwumbɔr ga li bi ni chee.”

Nnyam 14:25

U nan cha baatɔroku tiib aataa chɔi kitiŋ, le baa ki ŋmaa chuun mala mala. Le Ijipt yaab bui ke, “Uwumbɔr le bi to butɔb ngbaan tii Israel yaab. Cha ti gir nya do chee na man.”

Ŋiyataŋak 28:1

Ubaa yaa kaa san dii ubiindaan kan, u san la, le uninyaan ma kaar ke uchinn na.

Aisaya 30:15

Israel yaab Aadindaan Uwumbɔr u bi chain na le len waanib chee ke, “Gir ni man ki nan kii tii mi suuna, le ni ga kan mpɔɔn ni ŋŋmarm.” Le ni yii kaa ŋa kina.

Aisaya 30:7

Ijipt aaterm aa kpa tinyoor. Kina pu le m naan Ijipt aatiŋ liyimbinaankee ke, ‘Kipeewanbiik ki kaa ŋmaa ŋa nibaa na.’”

Hiibru Yaab 11:34

Bibaa mu aah nan gaa Uwumbɔr ki kii pu na, mmii sakpiin aa nan ŋmaa ŋa bi nibaa. Bibaa mu aah nan gaa Uwumbɔr ki kii pu na, le bi nan nyan kijuk aakun ni. Bibaa mu nan ye bidaburb, le baah gaa Uwumbɔr ki kii pu na, bi nan kan mpɔɔn. Bibaa mu aah nan gaa Uwumbɔr ki kii pu na, le bi kan mpɔɔn bi ti to butɔb ki nyaŋ baadim.

Bibɔjirb 7:20

le ŋigetek ŋilee na mu ŋa kina. Bi mɔmɔk nan joo imii biŋangan ni, le ki joo ikpiin biŋangii ni, le ki teen mpɔɔn pu ke, “Uwumbɔr ni Gideonn aajaak aajuk pu.”