Bibɔjirb 7:2 - Uwumbɔr aagbaŋ

² Uwumbɔr nan bui Gideonn ke, “Saah joo bijab bi na wiir sakpen ke m cha bi nyaŋ Midiann yaab. Nibaakan bi ga dakl ke bibaa aapɔɔn pu le bi nyaŋ bi, kaan tii mi kipak.

Bibɔjirb 7:2 ပူးပေါင်းရင်းမြစ်များ

Mpiin 46:2

Le Uwumbɔr nan len u chee kinyeek, tidaŋ ni, ki yin u ke, “Jakob, Jakob.” Le u kii ke, “M sɔ.”

2 Bibɔrb Aabɔr 14:11

Asa nan mee Udindaan Uwumbɔr ke, “Uwumbɔr, aa ga ŋmaa ter bijab bi kaa kpa mpɔɔn na ke saah ga ter bi kpa mpɔɔn na pu na la. Tidindaan Uwumbɔr, ti lik sin pu, le ki nyan ni saayimbil pu ke ti ni bijab sakpem bee nan faa tɔb butɔb, ter timi n‑yoonn mue. Uwumbɔr, si le ye Tidindaan, ubaa aan ŋmaa nyaŋ si.”

Aisaya 10:13

Asiria aabɔrkpaan ngbaan puk kipupuk ki len ke, “Min le ŋa nimina mɔmɔk mbaa. M kpa Uwumbɔr do aalan ni ichiin le ki pɔɔ. M ŋar ŋitimbol aanaan mɔmɔk ŋŋaan le ki yoor baah kpa ni mɔmɔk ki di siin kiir bibaa na, le ki taa taa ku binib bi bi nima chee na ke unaaja aah taar tiwan pu pu na.

Aisaya 2:11

Nwiin mubaa choo, buyoonn unibɔn aagaak ga doo aan kalmbaani mu kuln na. N‑yoonn ngbaan le Uwumbɔr baanja ga kan bunyuŋ.

Aisaya 2:17

Unibɔn aagaak ga doo, le unibɔn aakalmbaani mu kuln. Ŋiwaa mɔmɔk ga kuln, le Uwumbɔr baanja le ga kan kipak ni nnyuŋ nwiin ngbaan daal.

Jeremia 9:23

Uwumbɔr ki bui ke, “Bilandam taa li kpa kipupuk baalan pu, binib bi pɔɔ na mu taa li kpa kipupuk baapɔɔn pu, biwankpadam mu taa li kpa kipupuk baawangol pu.

Esekiel 28:17

Aa nan mak saanyaan pu, le saayimbil nan cha aa bi ke ujɔr na. Nimina pu le m nan mee si lii kitiŋ, ki cha si nima, ke aa li ye nsurm ki tii bibɔrb biken.

Esekiel 28:2

“Unibɔn, tuk Taya aatiŋ aajojoor min Dindaan Uwumbɔr aah tuk u pu na ke: Aa di kigaak puun aabaa kin kin, ki yin aabaa ke liwaal. Aa bui ke aa ka libɔrjal pu ke liwaal na la, le nnyusakpem mann goln si. Aa ga ŋmaa ŋmann ke aa ye liwaal la, tɔ, aa po ye unibɔn le kaa kpa tiwan ni kaa ye unibɔn na aabimbin.

Daniel 4:30

le ki bui ke, “Lik man Babiloŋ aah kpa mpɔɔn pu na. Min le maa ki ke maatiyil, ke m di mɔk maapɔɔn, ni maapak, ni maah kpa liyimbil pu na.”

Habakuk 1:16

Bi kpaan dooni baapɔr ngbaan le ki toor kitork tii ti; ba pu? tima le tii bi baah ban tiwanyaan ni mɔmɔk na.

Sekaria 12:7

“Min Uwumbɔr le ga puen di linyaŋ tii Juda aajab. Kina kan, liyimbil li ubɔr David aayaabitiib ni Jerusalem aanib ga kan na, aan jer Juda yaab bi gur na.

Sekaria 4:6

Ntuun ngbaan le nan di tibɔr ti Uwumbɔr di tuk u na tuk mi, ke m di nabr Serubabel ke, “Aa ga nyaŋ, ni mu aan li ye bijab aapɔɔn, bee sin aabaa aapɔɔn, ni ga li ye Maafuur Nyaan aapɔɔn pu la.

Nkahm 31:4

Ni nyan linibol mɔmɔk ni bijab lichur libaa, bi buen butɔb ngbaan.”

Rom Yaab 11:18

Nima pu na, ni taa li kpa kipupuk ke ni jer bi. Ni ga ŋa kinye ki li kpa kipupuk? Ni po ye ibon la. Naa joo inyaan, inyaan le joo nimi. Juu yaab pu le ni ŋmar, naa ye nimi pu le cha Juu yaab ŋmar.

Rom Yaab 3:27

Tɔ, ba pu aan ti ga li kpa kipupuk? Taan li kpa kipupuk nibaa pu. Ba pu? Naa ye ke ti dii Uwumbɔr aakaal mbamɔm le cha u gaa timi lii, taah gaa Yesu ki kii na, nima le cha u gaa timi lii.

2 Korenti 4:7

Timi bi kaa kpa mpɔɔn na, Uwumbɔr di tibɔnyaan ti kpa mpɔɔn sakpen na ŋa tiŋaal ni, aan binib bee ke tibɔnyaan ngbaan aapɔɔn nyan Uwumbɔr chee, naa ye ti chee.

Efesusi 2:9

Naa ye nimi aatunyaan pu le ti ŋmar, ubaa taa li kpa kipupuk.

Ikaal 32:27

Tɔ, maan tee cha baadim li kpa kipupuk, ki bui ke bima le nyaŋ maanib, m mu le daa bitafal kina.’

Ikaal 8:17

Nima pu na, ni taa dak ke nimi aapɔɔn pu le cha ni ŋa biwankpadam.

Ikaal 8:18

Ni teer ke Nidindaan Uwumbɔr le ŋa nimi biwankpadam; waah nan puu tipuur ti tii niyaajatiib na, le u beenin joo ti, ki ŋa kina.

Jemisi 4:6

Tɔ, Uwumbɔr tii timi nterm ki jer kina, le waagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

1 Samuel 14:6

Le Jonatann bui unachipɔɔn ngbaan ke, “Cha ti puur buen Filistia aanifam ngbaan chee. Nibaakan Uwumbɔr ga ter timi. U yaa ga ter timi kan, nibaa aan ŋmaa kiir u, u taa di linyaŋ ngbaan tii timi ki bui ke taa wiir.”