Bibɔjirb 7:16 - Uwumbɔr aagbaŋ

¹⁶ U nan yakr waajab ikui itaa ngbaan nfum mutaa pu la, le ki tii uja mɔmɔk ukpiin, ni kibubik ki kpa mmii ki ponn ni na.

Bibɔjirb 7:16 ပူးပေါင်းရင်းမြစ်များ

Mpiin 14:15

Nima chee le Abram nan yakr waanib ngbaan ŋiker ŋiker, le ki buen ti lir waadim ngbaan pu kinyeek, le ki nyaŋ bi. U nan dii bi kina, ki ti saa Hoba aatiŋ ki bi Damaskus aaŋangan wɔb na,

2 Samuel 18:2

le ki tun bi ŋigetek ŋitaa pu, le Joab ni unaal Abisai, ni Itai u ye Gaf aanii na, ye baaninkpiib, bi mɔmɔk ni baagetek. Le u bui waajab ngbaan ke, “Min mbaa ga dii nimi buen.”

2 Korenti 4:7

Timi bi kaa kpa mpɔɔn na, Uwumbɔr di tibɔnyaan ti kpa mpɔɔn sakpen na ŋa tiŋaal ni, aan binib bee ke tibɔnyaan ngbaan aapɔɔn nyan Uwumbɔr chee, naa ye ti chee.

Bibɔjirb 7:15

Gideonn aah nan ŋun uja ngbaan aadaŋ, ni taatataa aah ye pu na, le u gbaan utaŋaayil pu ki doon Uwumbɔr. U nan gir buen Israel yaab chee le ki ti bui ke, “Fii man. Uwumbɔr tii nimi linyaŋ Midiann aajab pu a.”

Bibɔjirb 7:17

U nan tuk bi ke, “M yaa ti fuu nkakaa ngbaan aagbaan kan, ni li lik mi, ki ŋa maah ga ŋa pu na.

1 Samuel 11:11

Kitaak aah ti bi wolni na, le Sɔɔl yakr waajab ŋigetek ŋitaa pu, le lichakpitaawoln bi buen baadim Amonn yaab aah kuun dɔ nin chee na, ki ti tak bi. Joo cha ni nwiin pu na, bi ku doo bi. Bijab bi ŋmar na nan san yaa tɔb chee, bimɔk san ban bibaa.