Bibɔjirb 7:15 - Uwumbɔr aagbaŋ

¹⁵ Gideonn aah nan ŋun uja ngbaan aadaŋ, ni taatataa aah ye pu na, le u gbaan utaŋaayil pu ki doon Uwumbɔr. U nan gir buen Israel yaab chee le ki ti bui ke, “Fii man. Uwumbɔr tii nimi linyaŋ Midiann aajab pu a.”

Bibɔjirb 7:15 ပူးပေါင်းရင်းမြစ်များ

Mpiin 24:48

le ki gbaan kitiŋ nima chee, ki pak Uwumbɔr u ye maaninkpel Abraham Aawumbɔr na, ba pu? uma le ter mi, le m di nan tuur waamaal aanib do, le ki kan bibisal tii ujapɔɔn.

Mpiin 40:8

Le bimɔk bilee giin bui u ke, “Kinyeek na le timɔk bilee daŋ tidaŋ, le taa nyi unii u ga ŋmaa nabr taatataa tii timi na.” Le Josef bui bi ke, “Ni ye Uwumbɔr le tii unii nlan le u ŋmaa nabr tidaŋ aatataa. Nima pu na, bui mi tidaŋ ngbaan man.”

Mpiin 41:11

le timɔk bilee nan daŋ tidaŋ kinyeek kibaa; ti mu aatataa aa nan kpaa.

Bibɔjirb 3:28

U nan bui bi ke, “Li dii mi man. Uwumbɔr tii nimi linyaŋ nimi aadim Moab yaab pu a.” Le bi nan dii Ehud ki sunn, le ki ti gaa Moab yaab aah ba ga dii nin chee ki puur Jɔɔdann Aamɔɔl na; baa nan cha uja ubaa kina puur.

Bibɔjirb 4:14

Le Debora bui Barak ke, “Li cha. Uwumbɔr le loln aa pu nsan. Din wee le u tii si linyaŋ Sisera pu.” Le Barak ni waajab ŋichur kipiik ngbaan sunn Tabor Aajool.

Bibɔjirb 7:11

Aa ga ti ŋun baah bi len pu na, le aa ga kan lipobil ki tak bi.” Kina pu na, Gideonn ni waatutunn Pura nan buen baadim ngbaan aakakaa aagbaan.

Bibɔjirb 7:14

Ujɔ ngbaan nan gar u ke, “Ni ye Israel yaab aanii Joas aajapɔɔn Gideonn aajaak aajuk la. Taatataa le na. Uwumbɔr tii u linyaŋ, Midiann yaab, ni timi aatɔb aajab mɔmɔk pu la.”

Bibɔjirb 7:16

U nan yakr waajab ikui itaa ngbaan nfum mutaa pu la, le ki tii uja mɔmɔk ukpiin, ni kibubik ki kpa mmii ki ponn ni na.

Bibɔjirb 8:7

Kina pu le Gideonn bui bi ke, “Tɔ, ni ŋan. Uwumbɔr yaa di Seba ni Salmuna ŋa ŋŋaal ni kan, m ga di ikokon ni kokongɔr tiib bi bi nteersakpiin ni na lue nimi.”

1 Samuel 1:28

Kina pu le m joo ni u m nan di tii Uwumbɔr. N‑yoonn mumɔk u bi limɔfal ponn ni na, u ga li ye Uwumbɔr yoo la.” Le bi doon Uwumbɔr nima chee.

1 Samuel 14:12

le ki yin Jonatann ni unachipɔɔn na ke, “Dan do man. Ti kpa tibɔr tibaa ti tuk nimi.” Le Jonatann bui unachipɔɔn ngbaan ke, “Li dii mi. Uwumbɔr tii Israel yaab linyaŋ bi pu a.”