Bibɔjirb 7:14 - Uwumbɔr aagbaŋ

¹⁴ Ujɔ ngbaan nan gar u ke, “Ni ye Israel yaab aanii Joas aajapɔɔn Gideonn aajaak aajuk la. Taatataa le na. Uwumbɔr tii u linyaŋ, Midiann yaab, ni timi aatɔb aajab mɔmɔk pu la.”

Bibɔjirb 7:14 ပူးပေါင်းရင်းမြစ်များ

Job Aagbaŋ 1:10

Aa kiir u ni waadichal, ni waah kpa tiwan nimɔk na n‑yoonn mɔmɔk. Aa ŋani saanyoor ŋani waatuln mɔmɔk pu, le ki tii u tiwakor ti ŋeer ki ga gaa litingbaln lee mɔmɔk na.

Nkahm 22:38

Le Balaam giin bui u ke, “Maa dan aa? Tɔ, aa dak ke m kpa mpɔɔn m ŋa nibaa tii si ii? Uwumbɔr aah ban ke m len pu na, kina le m ga len.”

Nkahm 23:20

U tuk mi ke m ŋa tinyoor ŋa bi pu la. Uwumbɔr yaa tee ŋa tinyoor kan, maan ŋmaa kpeln ki len tibɔyayan.

Nkahm 23:5

Uwumbɔr nan tuk Balaam waah ga len pu na, le ki tun u Balak chee, u ti bui u tibɔr ngbaan.

Josua 2:24

le ki bui ke, “Ni sil ye mbamɔn, Uwumbɔr le di kitiŋ ngbaan tii timi. Binib bimɔk bi nima na aapobil fii a.”

Josua 2:9

le ki ti bui bi ke, “M bee ke Uwumbɔr le di kitiŋ kee tii nimi. Unii umɔk bi kitiŋ kee ni na aapobil yuk ni pu la.

Josua 5:1

Amor yaab aabɔrb bi mɔmɔk ka Jɔɔdann Aamɔɔl aawilir wɔb na, ni Kanaann aabɔrb bi mɔmɔk ka kpak Kaasisik ni Aanyusakpem na, nan ŋun Uwumbɔr aah cha Jɔɔdann Aamɔɔl aanyun foor pu aan Israel yaab chuun kitikuun pu ki puur pu na aabɔr. Le ijawaan chuu bi, le bitaakpab yɔl Israel yaab pu.

Bibɔjirb 3:28

U nan bui bi ke, “Li dii mi man. Uwumbɔr tii nimi linyaŋ nimi aadim Moab yaab pu a.” Le bi nan dii Ehud ki sunn, le ki ti gaa Moab yaab aah ba ga dii nin chee ki puur Jɔɔdann Aamɔɔl na; baa nan cha uja ubaa kina puur.

Bibɔjirb 7:13

Gideonn aah nan ti fuu na, u ŋun uja ubaa bi tuk ujɔ waah daŋ tidaŋ pu na. U nan bi len le ke, “M daŋ tidaŋ ke maab ubaa biln koo ni timi aakakaa ni, ki ti yun ŋikeken aabool libaa. Libool ngbaan wur lir kitiŋ tal tal.”

Bibɔjirb 7:15

Gideonn aah nan ŋun uja ngbaan aadaŋ, ni taatataa aah ye pu na, le u gbaan utaŋaayil pu ki doon Uwumbɔr. U nan gir buen Israel yaab chee le ki ti bui ke, “Fii man. Uwumbɔr tii nimi linyaŋ Midiann aajab pu a.”

1 Samuel 14:12

le ki yin Jonatann ni unachipɔɔn na ke, “Dan do man. Ti kpa tibɔr tibaa ti tuk nimi.” Le Jonatann bui unachipɔɔn ngbaan ke, “Li dii mi. Uwumbɔr tii Israel yaab linyaŋ bi pu a.”