Bibɔjirb 7:12 - Uwumbɔr aagbaŋ

¹² Midiann yaab, ni Amalek yaab, ni ŋinibol ŋi bi nteersakpiin ni na aajab nan yaa gaa kifataŋ ngbaan ni ke itoon na, le baalaakumii tiib nan wiir ke limɔɔtambol li dɔ nnyusakpem aagbaan na.

Bibɔjirb 7:12 ပူးပေါင်းရင်းမြစ်များ

1 Bibɔrb 20:27

Israel yaab nan nyan ni ki gor mbamɔm, le ki yakr ŋiker ŋilee pu ki buen ti sil toŋ Siria yaab ngbaan. Siria yaab ngbaan aah nan wiir sakpen ki gaa nima kookoo pu na, Israel yaab nan naahn iŋoob siib ibaa le aah yakr ŋiker ŋilee pu ki si na.

1 Bibɔrb 4:30

Solomonn nan kpa nlan jer liwipuul wɔb aalandam, ni Ijipt aalandam.

Ilahn 3:1

Uwumbɔr, m kpa bidim sakpen a, binib bi kaa gee mi na wiir sakpen a.

Ilahn 33:16

Naa ye ubɔr aajab bi pɔɔ na pu le ubɔr nyaŋni butɔb ni, kaa ye butɔb aaja aapɔɔn pu le u mu nyaŋni butɔb ni.

Jeremia 46:23

ki bii kichook ki kpa isui sakpen na. Saan ŋmaa kahn baajab; baajab wiir jer itoon.

Josua 11:4

Bi mɔmɔk nan kuun ni, ki joo ni baajab. Bi nan wiir ke litambol li dɔ nnyun aagbaan na aah wiir pu na la, ki nan kpa itaan ni tɔroku mam.

Bibɔjirb 6:3

Israel aanib yaa ti bun tijikaar na, le Midiann yaab, ni Amalek yaab, ni ŋinibol ŋi bi nteersakpiin ni na, ga dan ki nan tak bi.

Bibɔjirb 6:33

Tɔ, Midiann yaab, ni Amalek yaab, ni ŋinibol ŋi bi nteersakpiin ni na nan kuun, ki puur Jɔɔdann Aamɔɔl, le ki ti kuun kal Jesreel Aafataŋ ni.

Bibɔjirb 6:5

Bi ni baawakor, ni baakeken aaboo nan bɔɔn chirm ke itoon na la. Ubaa aa nan ti ki nyi bi ni baalaakumii tiib aakahm.

Bibɔjirb 7:13

Gideonn aah nan ti fuu na, u ŋun uja ubaa bi tuk ujɔ waah daŋ tidaŋ pu na. U nan bi len le ke, “M daŋ tidaŋ ke maab ubaa biln koo ni timi aakakaa ni, ki ti yun ŋikeken aabool libaa. Libool ngbaan wur lir kitiŋ tal tal.”

Bibɔjirb 8:10

Seba, ni Salmuna, ni baajab nan bi Karkor aatiŋ ni la. Ŋinibol ŋi bi nteersakpiin ni aajab mɔmɔk ni, bijab ŋichur kipiik ni ŋiŋmu le nan gur; bijab ŋichur nkub ni moninko nan bee butɔb ni.

1 Samuel 13:5

Filistia yaab nan kuun ke bi ni Israel yaab jan kijaak. Bi nan kpa butɔb aataan aatɔroku mam ŋichur piitaa la, ki kpa bijab bi dik itaan pu na ŋichur ŋiloob, ki kpee bijab bi wiir ke limɔɔgbaln aatambol na. Bi nan buen Mikmas, kitiŋ ki bi Bef Afenn aawipuul wɔb na, le ki ti kuun kal nima,

1 Samuel 30:17

Kitaak ki ga woln na aachakpitaawoln le David nan ti tak bi, le bi jan ki ti joor kijook. Binachipɔm ikui inaa baanja bi nan diŋ laakumii tiib pu ki san na le nan ŋmar, bi gur na mɔmɔk nan bee butɔb ngbaan ni.