Bibɔjirb 6:9 - Uwumbɔr aagbaŋ

⁹ Min le nan gaa nimi Ijipt yaab, ni binib bi tak nimi kitiŋ kee pu na chee lii. Naah nan tur koo ni baatiŋ ni na, le m jenn nyan bi, le ki di baatiŋ tii nimi.

Bibɔjirb 6:9 ပူးပေါင်းရင်းမြစ်များ

Ilahn 105:43

Kina le u nan cheen waanib bi u gann bi na nyan, le bi nan gaa ilahn ki tar mpopiin pu.

Ilahn 136:24

U nan gaa timi, timi aadim chee lii; waageehm aa kpa ndoon.

Nnyam 33:2

M ga cha maatuun loln ni pu nsan, le m ga jenn nyan Kanaann yaab, ni Amor yaab, ni Hef yaab, ni Peris yaab, ni Hif yaab, ni Jebus yaab.

Bibɔjirb 6:10

M nan bui nimi ke min le ye Nidindaan Uwumbɔr, kina pu na, naah koo Amor yaab aatiŋ ni pu na, ni taa dooni baawaa. Le ni yii, kaa ŋun tii mi.”

Bibɔjirb 6:8

le u di waabɔnabr u nan joo ni inaŋ imina na tii ni bi. Inaŋ ngbaan sɔ: “Min u ye nimi Israel yaab Aadindaan Uwumbɔr na le nan nyan ni nimi tinaagbiir ni, Ijipt aatiŋ ni.

1 Samuel 10:18

le ki bui bi ke, “Uwumbɔr u ye timi Israel yaab Aawumbɔr na bui ke, ‘M nyan ni nimi Ijipt ponn ni, ki gaa nimi lii Ijipt yaab, ni binib bi mɔmɔk nan muk nimi na chee.