Bibɔjirb 6:4 - Uwumbɔr aagbaŋ

⁴ Bi ga nan kal kitiŋ ngbaan pu, le ki bii baajikaar kina, ki ti saa ŋŋangii wɔb, lipepel li mann goln Gasa aatiŋ na. Bi ga nan chur ipiih, ni inaa, ni ibon mɔmɔk, kaan gur Israel aanib nibaa ke bi li joo kpiini bibaa.

Bibɔjirb 6:4 ပူးပေါင်းရင်းမြစ်များ

Mpiin 10:19

ki ti ker Saidonn mɔk, ki yoor kina ti saa Gerar, Gasa chee, ki cha liwipuul, ki ti pii Sodom, ni Gomora, ni Adma, ni Seboyim ki bi gbɔk Lasa aatiŋ na.

Mpiin 13:10

Lot nan lik mann gonn, le ki kan ke Jɔɔdann aafataŋ wɔb, ki ti saa Soar aapepel, kpa nnyun sakpen, ke Uwumbɔr aasaak, ni Ijipt aatiŋ na. Nimina mɔmɔk nan laa bi le Uwumbɔr nan nin bii Sodom ni Gomora aatim.

Ŋiyataŋak 28:3

Ugiin yaa ŋa uyidaan ki muk bigiim kan, u naahn utaal u bii tijikaar na la.

Jeremia 5:17

Bi ga di nimi aajikaar ni njikaabim nab; bi ga ku nijapɔtiib ni nibisatiib. Bi ga nan kɔr nimi aawakor mɔmɔk, ki kuln nimi aasubil aasui mu. Baajab ga nan ber naah maa ŋigon kiir ntim mu ki mak mu pu na mɔmɔk.

Liifai Yaab 26:16

m ga daa nitafal. M ga cha tibɔbir dan ni pu, le iween i kaan sɔŋ na ga dan ni pu, ki ga cha nimi aawon toŋ, ki ga cha ni jɔb, ki ŋa fam. Ni ga bu njikaabim, le ni mu aan ter nimi, ba pu? nimi aadim le ga dan nan nyaŋ nimi, ki ji naah kon tijikaar ti na.

Obadia 1:5

Binaayukb yaa dan kinyeek bi nan su tiwan kan, bi yoor tiwan ni bi ban na baanja la. Bipiib mu yaa peei ikpa kan, bi peei le ki gur ngem. Le nimi aadim ma ku doo nimi kookoo.

Maika 6:15

Ni ga bu njikaabim, ki mu aan chee tijikaar. Ni ga nyan nkpan olif aasubil ni, ki mu aan ŋmaa di mu ŋa nibaa. Ni ga ŋaa ndaan, ki mu aan nyu mu.

Ikaal 28:33

Linibol yayan ga dan nan yoor nimi aajikaar mɔmɔk ti ni jin falaa ki kon na buen, le ni ga kan falaa ni ntafadaan mu pɔɔ na n‑yoonn mɔmɔk.

Ikaal 28:51

Bi ga di nimi aawakor ni tijikaar ji, le nkon ku nimi. Baan ki gur nimi tijikaar, ni ŋisubil aadaan, ni olif aakpan, ni tiwakor, le ni ga kpo.

Bibɔjirb 6:3

Israel aanib yaa ti bun tijikaar na, le Midiann yaab, ni Amalek yaab, ni ŋinibol ŋi bi nteersakpiin ni na, ga dan ki nan tak bi.