Bibɔjirb 6:37 - Uwumbɔr aagbaŋ

³⁷ Tɔ, m ban m di nkokoyon bil taah poi njikaabim nin chee na la. Kichakpiik ni, limaln yaa baa nkokoyon ngbaan baanja pu, kaa ki dɔ kitiŋ nibaa chee kan, m ga bee ke min le aa ga di gaa Israel yaab lii.”

Bibɔjirb 6:37 ပူးပေါင်းရင်းမြစ်များ

Mpiin 24:14

M ga bui bi ponn ni ubaa ke, ‘Mbisal, tii mi nnyun m nyu.’ U yaa bui mi ke, ‘Nyum, le m ga ki lu nnyun tii laakumii tiib bee mu aan bi nyu’ kan, nima le ga cha m bee ke uma le aa nyan ke u li ye Aisak aapuu. Ni yaa ŋa kina kan, m ga bee ke aa sil gbiin tipuur ti aa nan puu tii maaninkpel na.”

Ilahn 72:6

Cha ubɔr li bi ke utaal aah nu ikpaakon i pu na, ki naahn titaapupur aah pui kitiŋ pu pu na.

Hosea 14:5

M ga li bi Israel aanib chee ke utaal aah bi pu kitiŋ ki kuun na chee pu na la. Bi ga pɔnn ke nsupuun na la; bi ga chɔbaan ke Lebanonn aatiŋ aasui na la.

Matiu 15:24

Le Yesu bui bi, “Uwumbɔr tun ni mi ke m nan ter Israel yaab bi yenn Uwumbɔr aasan ni na baanja la.”

Ikaal 32:2

Maamɔkm ga lir ke utaal na la, le ki bi kitiŋ pu ke limaln na. Maamɔbon ga lir ke titaapupur aah lir timoor ti laa diin na pu na la, ki ki naahn ke utaal u lir yɔl yɔl timoor ti laa chiin na pu na.

Bibɔjirb 6:17

Gideonn nan gar ke, “Aa yaa lik faar mi kan, mɔk mi limɔkl ke sin Uwumbɔr sil ye.

Bibɔjirb 6:36

Gideonn nan bui Uwumbɔr ke, “Sin le len ke aa ban aa di mi le gaa Israel aanib lii.

Bibɔjirb 6:38

Kina le nan sil ŋa. Gideonn aah nan pue fii kichakpinaanyeek ni na, u nan ŋmaan nkokoyon ngbaan le ki nyan limaln ti gbiin lisambil.