Bibɔjirb 6:34 - Uwumbɔr aagbaŋ

³⁴ Uwumbɔr Aafuur Nyaan nan gbiin Gideonn, le u pii ukpiin, ke Abieser aataŋaal pu aajab nyan dii u.

Bibɔjirb 6:34 ပူးပေါင်းရင်းမြစ်များ

1 Bibɔrb Aabɔr 12:18

Le Uwumbɔr Aafuur Nyaan gbiin bi ponn ni ubaa, u bi yin u ke Amasai na. U nan ŋa “Piitaa Na” aayidaan n‑yoonn mubaa, le u teen ke, “Jese aajapɔɔn David, ti si aachaŋ ni la. Linyaŋ ye sin ni binib bi ter si na yaan la. Uwumbɔr bi aa chee.” David nan gaa bi iŋaal ilee, le ki ŋa bi bininkpiib waajab ni.

1 Bibɔrb Aabɔr 12:19

Manase aanibol ni aajab bibaa nan buen ti kpee David pu, buyoonn u ni Filistia yaab nan cha bi ti faa Ubɔr Sɔɔl butɔb na. Mbamɔn, Filistia aabɔrb nan san ijawaan ke nibaakan David ga di bi kooh waaninkpel Sɔɔl pu, kina le bi nan cha u gir Siklag aatiŋ ni. Kina pu na, David aa nan ter Filistia yaab butɔb ngbaan ni.

2 Bibɔrb Aabɔr 24:20

Le Uwumbɔr Aafuur Nyaan nan fir utotoor Jehoyada aajapɔɔn Sekaria pu. U nan sil nin chee binib ga li waa u na le ki teen len ke, “Tidindaan Uwumbɔr baa nimi ke ba ŋa ni yii waakaal ki bi joo ni tibɔbir nibaa pu. Ni yii u, kina pu le u mu yii nimi.”

Ilahn 51:11

Taa jenn mi aanimbiin ni kookoo; taa chuu nyan Saafuur Nyaan m chee.

Nkahm 10:3

N‑yoonn mu bi ti ŋun kakaan bilee ngbaan wii ni yunn na kan, binib ngbaan mɔmɔk kuun ni aa chee, Maabool aabisamɔb chee.

Rom Yaab 13:14

Ni li bi ke Tidindaan Yesu Kristo aah bi pu na, ki taa ki li ŋani nimi aabimbikpok aah ban pu na.

Galantiya 3:27

Baah nan muin nimi nnyun ni, Kristo aayimbil pu na, ni gaa Kristo aabimbin la.

Josua 17:2

le ki di kitiŋ ki bi Jɔɔdann Aamɔɔl aawilir wɔb na tii Manase aanibol aamaal ligeln li gur na. Baayimbil le paa na: Abieser, ni Helek, ni Asriel, ni Sekem, ni Hefer, ni Semida. Bi mɔmɔk nan ye Josef aajapɔɔn Manase aajapɔtiib la. Bi nan ye bidichajoob la.

Bibɔjirb 13:25

Le waah nan bi Dann aajab aakakaa ni, Sora ni Estaol aatim aakaasisik ni na, Uwumbɔr Aafuur Nyaan piin ki tii u mpɔɔn.

Bibɔjirb 14:19

Libuul ngbaan ni, le Uwumbɔr Aafuur Nyaan gbiin u, ki cha u pɔɔk nyib, le u buen Askelonn aatiŋ ni, ki ti ku bijab piitaa, ki chuu peer baawanpeenkaan nyaan nan tii bijab piitaa bi tuk u liyataŋakl ngbaan aatataa na. Nee aapuwɔb le u gir kun, le baah ŋmann u pu na aaŋuul ban li ti ku u.

Bibɔjirb 15:14

Waah ti fuu Lehi aatiŋ ni na, le Filistia yaab san choo u chee ki tar u pu. Libuul ngbaan ni le Uwumbɔr Aafuur Nyaan gbiin u ki cha u pɔɔk nyib, le u daa keei iŋmin i buu uŋaal na ke yaah ye tikokonn ti wun mmii na le na.

Bibɔjirb 3:10

Uwumbɔr Aafuur nan koo u, le u ŋa Israel yaab aasaloln. Otniel nan faa Mesopotamia aabɔr butɔb, le Uwumbɔr cha u nyaŋ u.

Bibɔjirb 3:27

Waah nan ti fuu ŋigongon aatiŋ ki ye Efraim aanibol aatiŋ ni na, le u pii ukpiin ke Israel aajab nya buen butɔb, le ki di bi sunn ŋigongon ngbaan.

Bibɔjirb 6:11

Tɔ, Uwumbɔr aatuun dan Ofra aatiŋ ni, ki nan kal Abieser aataŋaal pu aaja Joas aakpaln aasub bubaa taab. Ujapɔɔn Gideonn nan loon ti bi poi njikaabim, kitakpaluŋ kibaa ni, ke Midiann yaab taa kan u.

Bibɔjirb 8:2

U nan tee len ke, “Maah ŋman ki ŋa pu na aan ŋmaa sil naah ŋa pu na chee. Hali Efraim aajab aah ŋa siib u na jer maataŋaal mɔmɔk aah ŋa pu na.

1 Samuel 10:6

Libuul ngbaan ni le Uwumbɔr Aafuur Nyaan ga gbiin si, le aa ga kpaan bi chee, baah bi pak Uwumbɔr, Waafuur Nyaan aapɔɔn pu pu na, le ki ga kpaln uniyayan.

1 Samuel 11:6

Sɔɔl aah ŋun kina na, le Uwumbɔr Aafuur Nyaan gbiin u, le u pɔɔk nyib, le usui fii,

1 Samuel 13:3

Jonatann nan ku Filistia yaab aajab aaninkpel Geba aatiŋ ni, le Filistia yaab mɔmɔk ŋun ti. Le Sɔɔl cha bi pii ukpiin Hiibru yaab aatiŋ mɔmɔk ponn ni, ke bi nyan ni ki nan buen butɔb.

1 Samuel 16:14

Uwumbɔr Aafuur Nyaan nan nyan Sɔɔl ni, le Uwumbɔr di tiyayaar tun ni Sɔɔl pu, le ti joo u muk.