Bibɔjirb 6:3 - Uwumbɔr aagbaŋ

³ Israel aanib yaa ti bun tijikaar na, le Midiann yaab, ni Amalek yaab, ni ŋinibol ŋi bi nteersakpiin ni na, ga dan ki nan tak bi.

Bibɔjirb 6:3 ပူးပေါင်းရင်းမြစ်များ

Mpiin 25:6

Waah nan laa beenin fu na, u nan ki di ngem mu tii upuutiib biken aah nan ma mbim mu tii u na mu. U nan yakr ujapɔtiib ngbaan di buen liwipuul wɔb aatiŋ kibaa ni, ki cha ujapɔɔn Aisak.

Mpiin 29:1

Jakob nan fii Betel aatiŋ ni, le ki nab waasachuln pu ki cha liwipuul wɔb.

1 Bibɔrb 20:27

Israel yaab nan nyan ni ki gor mbamɔm, le ki yakr ŋiker ŋilee pu ki buen ti sil toŋ Siria yaab ngbaan. Siria yaab ngbaan aah nan wiir sakpen ki gaa nima kookoo pu na, Israel yaab nan naahn iŋoob siib ibaa le aah yakr ŋiker ŋilee pu ki si na.

1 Bibɔrb 4:30

Solomonn nan kpa nlan jer liwipuul wɔb aalandam, ni Ijipt aalandam.

1 Bibɔrb 5:10

Kina pu na, Hiram nan tii Solomonn santina aadɔgen, ni isui iken aadɔgen, waah ban pu na mɔmɔk,

Job Aagbaŋ 1:3

le ki kpa ipiih ŋichur ŋilole, ni laakumii tiib ŋichur ŋitaa, ni inaa lichur libaa, ni ibon mu ikui iŋmu. U nan ki kpa binaagbiib mu pam, le ki nan ye unii u kpa liwangol, ki jer binib bi mɔmɔk nan bi liwipuul wɔb na.

Job Aagbaŋ 31:8

cha maajikaar bii doo, bee aa cha biken ji tijikaar ti m bun na.

Nnyam 17:8

Amalek yaab nan dan ki nan tak Israel yaab, Refidim aatiŋ ni.

Aisaya 11:14

Bi ga kpaan le ki ti tak Filistia yaab bi bi liwilir wɔb na, aan ki kpaan ti jenn gaa binib bi bi liwipuul wɔb na mu aawan. Bi ga nyaŋ Edom ni Moab aanib; le Amonn yaab mu ga kii baamɔi.

Aisaya 62:8

Uwumbɔr puu tipuur ti pɔɔ na, le waapɔɔn pu u ga ŋa waah puu pu na ke: “Saadim aan ki di saajikaabim ŋa baajikaar, le biwɔwɔm mu aan ki nyu nimi aadaan.

Jeremia 49:28

Uwumbɔr aah nan len Kedar aanibol, ni Hasor aah nan joo ŋipepel ŋi, aan Babiloŋ Aabɔr Nebukadnesar nan nyaŋ, ki gaa ŋi na aabɔr ti na sɔ: “Tak Kedar aanib ki kuln liwipuul wɔb aanibol ngbaan.

Esekiel 25:3

Tuk bi ke bi li pel min Bidindaan Uwumbɔr aah len pu na ke: Nisui nan piin ke ni kan baah ŋa Maadichal fam pu na, ki kan Israel aatiŋ aah gur nkuun pu na, ki kan Juda aanib aah cha tinaagbiir ni pu na.

Esekiel 25:4

Nisui aah nan piin pu na pu, le m ga cha ŋinibol ŋi bi liwipuul wɔb aateersakpiin ni na nyaŋ nimi. Bi ga ŋa baakakaa yaan nimi aatiŋ ni ki kal nima. Bi ga ji ŋisubil, ki nyu nnaabiin mu ba ye nimi yaan na.

Liifai Yaab 26:16

m ga daa nitafal. M ga cha tibɔbir dan ni pu, le iween i kaan sɔŋ na ga dan ni pu, ki ga cha nimi aawon toŋ, ki ga cha ni jɔb, ki ŋa fam. Ni ga bu njikaabim, le ni mu aan ter nimi, ba pu? nimi aadim le ga dan nan nyaŋ nimi, ki ji naah kon tijikaar ti na.

Maika 6:15

Ni ga bu njikaabim, ki mu aan chee tijikaar. Ni ga nyan nkpan olif aasubil ni, ki mu aan ŋmaa di mu ŋa nibaa. Ni ga ŋaa ndaan, ki mu aan nyu mu.

Ikaal 28:51

Bi ga di nimi aawakor ni tijikaar ji, le nkon ku nimi. Baan ki gur nimi tijikaar, ni ŋisubil aadaan, ni olif aakpan, ni tiwakor, le ni ga kpo.

Bibɔjirb 10:12

ni Saidonn yaab, ni Amalek yaab, ni Maonn yaab nan muk nimi n‑yaayoonn na, le ni wii yin mi. Maa nan gaa nimi lii ii?

Bibɔjirb 3:13

Eglonn nan ti kpee Amonn yaab, ni Amalek yaab pu, le bi ti faa Israel yaab butɔb ki nyaŋ bi, le ki gaa ŋibɔkpal aasui aatiŋ Jeriko.

Bibɔjirb 6:2

Midiann aanib nan pɔɔ jer Israel aanib, le Israel yaab ngbaan nan bɔr titakpalunn ponn ni, ni ŋigongon ni, nin chee bi ga ŋmaa kan lifuur na.

Bibɔjirb 6:33

Tɔ, Midiann yaab, ni Amalek yaab, ni ŋinibol ŋi bi nteersakpiin ni na nan kuun, ki puur Jɔɔdann Aamɔɔl, le ki ti kuun kal Jesreel Aafataŋ ni.

Bibɔjirb 6:4

Bi ga nan kal kitiŋ ngbaan pu, le ki bii baajikaar kina, ki ti saa ŋŋangii wɔb, lipepel li mann goln Gasa aatiŋ na. Bi ga nan chur ipiih, ni inaa, ni ibon mɔmɔk, kaan gur Israel aanib nibaa ke bi li joo kpiini bibaa.

Bibɔjirb 7:12

Midiann yaab, ni Amalek yaab, ni ŋinibol ŋi bi nteersakpiin ni na aajab nan yaa gaa kifataŋ ngbaan ni ke itoon na, le baalaakumii tiib nan wiir ke limɔɔtambol li dɔ nnyusakpem aagbaan na.

Bibɔjirb 8:10

Seba, ni Salmuna, ni baajab nan bi Karkor aatiŋ ni la. Ŋinibol ŋi bi nteersakpiin ni aajab mɔmɔk ni, bijab ŋichur kipiik ni ŋiŋmu le nan gur; bijab ŋichur nkub ni moninko nan bee butɔb ni.