Bibɔjirb 6:13 - Uwumbɔr aagbaŋ

¹³ Le Gideonn bui u ke, “Uninkpel, m yaa ga ŋmaa baa si kan, Uwumbɔr bi ti chee le tiwan nimina mɔmɔk ŋa timi ii? Tiyaajatiib aah nan bui timi lijinjiir aabɔr ti ke Uwumbɔr ŋa, ki di bi nyan ni Ijipt aatiŋ ni na bi la? Uwumbɔr aa ki bi ti chee, le ki di timi tii Midiann yaab ke bi ŋa timi baah gee pu na.”

Bibɔjirb 6:13 ပူးပေါင်းရင်းမြစ်များ

Mpiin 25:22

U nan dek bijaam aapuul la, le bi nan bi uponn ni ki leer tɔb. Rebeka nan bui ke, “Ba ŋa mbimbin kina aaboln dan m pu?” Le u nan mee Uwumbɔr ke u cha u bee mbimbin ngbaan aatataa.

2 Bibɔrb Aabɔr 15:2

le u buen ki ti tooh Ubɔr Asa nsan pu. U nan teen ki len ke, “Ubɔr Asa, ni Juda, ni Benjaminn aanib bee mɔmɔk, n‑yoonn mumɔk ni bi Uwumbɔr chee na, u mu bi ni chee. Ni yaa ban u kan, u ga cha ni kan u, le ni yaa fenn nipuwɔb tii u kan, u ga di nimi lii.

Ilahn 27:9

Uwumbɔr u gaal mi lir na, taa gee liŋuul m pu; m ye saatutunn la, taa jenn mi aa chee. Sin le ter mi; taa di mi lii, taa siir cha mi.

Ilahn 44:1

Uwumbɔr, tiyaajatiib bui timi, le titafal ŋun saah nan tun ŋitukpaan ŋi baayoonn mu jer ki yunn na.

Ilahn 44:2

Sin aabaa le nan jenn nyan binib bi kaa dii si na, ki di saanib kaan baatiŋ pu. Aa nan daa binib ngbaan aatafal ki cha saanib kan tinyoor.

Ilahn 44:9

Le dandana wee aa yii timi ki cha bi nyaŋ timi. Saa ki diir timi aajab chaa butɔb ni.

Ilahn 89:49

Ndindaan, saajan aageehm na bi la chee? Saah nan puu tipuur ti tii Ubɔr David na bi la chee?

Aisaya 41:17

Buyoonn bigiim bi kaa kpa nibaa na ban nnyun kaa kan na, aan nnyunyuu joo bi na, le bineen kuur, n‑yoonn ngbaan le min Uwumbɔr ga kii baameel; min, Israel yaab Aawumbɔr, aan san cha bi.

Aisaya 63:11

Le bi teer n‑yoonn mu jer na, Uwumbɔr aatutunn Moses aayoonn, le ki baa ke, “Uwumbɔr u nan nyan waanib aaninkpiib nnyusakpem ni na bi la chee dandana wee? Uwumbɔr u nan di Waafuur Nyaan tii Moses na bi la chee?

Aisaya 63:15

Uwumbɔr, saah bi paacham nin chee ni bi chain ki kpa kipak na, san timi kinimbaak. Saalandak mu aa nan kpa ti pu na bi la chee? Saapɔɔn bi la chee? Saageehm ni saanimbaasaln bi la chee? Taa suln tibɔr.

Jeremia 23:33

Uwumbɔr nan bui mi ke, “Jeremia, maanib ponn ni ubaa, bee maabɔnabr ubaa, bee utotoor ubaa yaa baa si ke, ‘Uwumbɔr aabɔr ye kinye kan,’ aa bui u ke, ‘Aa ye tibɔr le ki tii Uwumbɔr, le u ban u nyan si u chee.’

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Ikaal 29:24

Le dulnyaa aanib mɔmɔk ga baa ke, ‘Ba ŋa Uwumbɔr ŋa baatiŋ ngbaan kina? Ba ŋa waaŋuul nan fii bi pu sakpen aan u ŋa bi kina?’

Ikaal 31:17

Bi yaa ŋa kina kan, m ga gee liŋuul bi pu, ki yii bi, le ki ga kuln bi. Tibɔbir pam ga dan bi pu, le ni ga cha bi bee ke min Baawumbɔr aa ki bi bi chee.

Bibɔjirb 6:1

Israel aanib nan ki gir tun Uwumbɔr titunwanbir, kina pu le u nan cha Midiann aanib joo bi, ki ti saa ŋibin ŋilole.

Bibɔjirb 6:12

Uwumbɔr aatuun ngbaan nan di lil u pu nima ki bui u ke, “Ujakaandaan, mpɔɔndaan, Uwumbɔr bi aa chee.”