Bibɔjirb 6:12 - Uwumbɔr aagbaŋ

¹² Uwumbɔr aatuun ngbaan nan di lil u pu nima ki bui u ke, “Ujakaandaan, mpɔɔndaan, Uwumbɔr bi aa chee.”

Bibɔjirb 6:12 ပူးပေါင်းရင်းမြစ်များ

Nnyam 3:12

Le Uwumbɔr bui u ke, “M ga li bi aa chee, le buyoonn aa nyan ni bi Ijipt aatiŋ ponn ni na, ni ga li dooni mi lijool lee paab la. Nimina le ga mɔk ke min le tun si.”

Matiu 1:23

“Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Tibɔnyaan ti Luk ŋmee ti na 1:11

Le u kan Uwumbɔr aatuun, baah seer tulalee aayon libimbiln li paab na aaŋangii wɔb.

Tibɔnyaan ti Luk ŋmee ti na 1:28

Le Uwumbɔr aatuun ngbaan fuu ni Mari chee ki doon u, le ki bui u, “Uwumbɔr ŋa si tibulchinn sakpen a, ki bi aa chee, ki ŋa tinyoor ŋa aa pu ki jer waah ŋa bipiib mɔmɔk pu na.”

Ikaal 20:1

“Ni yaa buen ni ti faa nimi aadim butɔb aan ki kan ke bi kpa itaan ni yaatɔroku tiib, ni bijab ki wiir sakpen ki jer nimi kan, ni taa li san bi ijawaan. Nidindaan Uwumbɔr u nyan nimi Ijipt yaab aaŋaal ni na ga li bi ni chee.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”

Bibɔjirb 11:1

Jefta nan ye butɔb aaja u kaar na la. U nan ye Gilead aatiŋ aanii, le una ye upii u joo ubaa kooh na. Bi nan yin ute ke Gilead,

Bibɔjirb 13:3

Uwumbɔr aatuun nan dan upii ngbaan chee le ki nan bui u ke, “Saa kee ma ubo, tɔ, aa ga gbeen dek ki maa ubijabo.

Bibɔjirb 2:18

N‑yoonn mumɔk Uwumbɔr nan ti tii Israel yaab usaloln na, u ga nan ter usaloln ngbaan le ki gaa Israel yaab baadim chee lii. U nan ti kii bi kina le ki ti saa usaloln ngbaan aamɔfal aadoon. Baah nan ker idun, baafalaa ni limukl pu pu na, le Uwumbɔr san bi kinimbaak.

Bibɔjirb 6:11

Tɔ, Uwumbɔr aatuun dan Ofra aatiŋ ni, ki nan kal Abieser aataŋaal pu aaja Joas aakpaln aasub bubaa taab. Ujapɔɔn Gideonn nan loon ti bi poi njikaabim, kitakpaluŋ kibaa ni, ke Midiann yaab taa kan u.

Bibɔjirb 6:13

Le Gideonn bui u ke, “Uninkpel, m yaa ga ŋmaa baa si kan, Uwumbɔr bi ti chee le tiwan nimina mɔmɔk ŋa timi ii? Tiyaajatiib aah nan bui timi lijinjiir aabɔr ti ke Uwumbɔr ŋa, ki di bi nyan ni Ijipt aatiŋ ni na bi la? Uwumbɔr aa ki bi ti chee, le ki di timi tii Midiann yaab ke bi ŋa timi baah gee pu na.”

Ruf Aagbaŋ 2:4

Puwɔb le Boas ubaa nan nyan Betlehem ki fuu ni, ki nan doon bidicheeb ngbaan. U nan doon bi ke, “Uwumbɔr bi ni chee.” Le bi kii u ke, “Uwumbɔr ŋa waanyoor ŋa aa pu.”

1 Samuel 10:7

Tiwan nee mɔmɔk yaa bi ŋani kan, ŋa Uwumbɔr aah mɔk si pu na mɔmɔk, uma le bi aa chee.