Bibɔjirb 5:23 - Uwumbɔr aagbaŋ

²³ Uwumbɔr aatuun bui ke, “Puun lii Meros aatiŋ pu, mbamɔn, puun lii binib bi koo nima chee na pu; ba pu? baa dan nan ter Uwumbɔr, baa dan ke butɔb aajab na ki nan ter u.”

Bibɔjirb 5:23 ပူးပေါင်းရင်းမြစ်များ

Nehemia 3:5

Tekoa yaab le nan paan ki maa ligeln li paa na, le baatiŋ ni aaninkpiib ma nan yii, kaa tun lituln li bininkpiib bi chuun lik lituln ngbaan na nan di tii bi ke bi tun na.

Ilahn 94:16

Ŋma nan sil nchaŋ ni bibiindam chee? Ŋma nan sil mpuwɔb titunwanbirdam chee?

Jeremia 48:10

Puun lii unii u kaa joo usui mɔmɔk tun Uwumbɔr aatuln na. Puun lii unii u kaa joo kijaak aajuk gaar ki ku na pu na.

Matiu 25:41

“Le m ga bui binib bi si ŋŋangan wɔb na, ‘Nimi bi Uwumbɔr puun lii ni pu na, nya m chee man, ki ti koo mmii mu kaan junn, aan Uwumbɔr nan tuur siin kinimbɔŋ ni kaawanbir mɔmɔk na.

Rom Yaab 15:18

M ban m tuk nimi Kristo aah cha m tun lituln pu na la. Maan len biken aatuln pu. U cha m tuk binib bi kaa ye Juu yaab na waabɔr ki tun lijinjiir aatun, ke bi kii waamɔb.

1 Korenti 16:22

Unii yaa kaa gee Tidindaan kan, Uwumbɔr aabɔbir li bi u pu. Tidindaan, dan.

1 Korenti 3:9

Ba pu? ti ni Uwumbɔr kpaan le ki tun lituln. Ni bi le ke Uwumbɔr aasaak na. Ni bi le ke Uwumbɔr aadiik na.

2 Korenti 6:1

Timi bi kpaan Uwumbɔr chee ki tun waatuln na le gaŋni nimi, ni taa gaa Uwumbɔr aaterm yɔli.

Bibɔjirb 13:3

Uwumbɔr aatuun nan dan upii ngbaan chee le ki nan bui u ke, “Saa kee ma ubo, tɔ, aa ga gbeen dek ki maa ubijabo.

Bibɔjirb 2:1

Uwumbɔr aatuun nan nyan Gilgal aatiŋ ni, ki buen Bokim aatiŋ ni, ki ti bui Israel yaab ke, “M nyan ni nimi Ijipt aatiŋ ni, ki di nimi dan kitiŋ ki m nan puu ke m ga di tii niyaajatiib na pu. M nan bui ke, ‘Maan bii tipuur ti m nan puu tii nimi na daalbaadaal.

Bibɔjirb 21:5

Bi nan baa ke, “Israel aanibol mɔmɔk ponn ni aanib bibaa bi, kaa buen Mispa aatiŋ ni, Uwumbɔr aanimbiin ni ii?” Bi nan puu tipuukpaan ke bi ku unii umɔk kaa buen na.

Bibɔjirb 21:8

Baah baa ke Israel aanibol ponn ni aanib bilabi aa buen Mispa aatiŋ ni aakuun ngbaan ni na,

Bibɔjirb 4:6

Daalbaadaal le u tun ti yin ni Abinoam aajapɔɔn Barak u nan bi Kedes aatiŋ ki bi Naftali aanibol aatiŋ ni na, le ki nan bui u ke, “Uwumbɔr, u ye Israel yaab Aadindaan na, le di tibɔr tee tuk si ke: ‘Nyan butɔb aajab ŋichur kipiik, Naftali, ni Sebulunn aanibol ponn ni, ki di bi buen Tabor Aajool pu.

Bibɔjirb 5:13

Le mbamɔndam dan baasalolm chee; Uwumbɔr aanib nan dan u chee ke bi nan jan kijaak.

Bibɔjirb 6:11

Tɔ, Uwumbɔr aatuun dan Ofra aatiŋ ni, ki nan kal Abieser aataŋaal pu aaja Joas aakpaln aasub bubaa taab. Ujapɔɔn Gideonn nan loon ti bi poi njikaabim, kitakpaluŋ kibaa ni, ke Midiann yaab taa kan u.

Bibɔjirb 8:5

Baah ti fuu Sukof aatiŋ ni na, le Gideonn bui kitiŋ ngbaan ni aajab ke, “Ŋaanii ki tii maajab tijikaar man. Bi bak sakpen a, m bi san dii Midiann aabɔrkpaam Seba ni Salmuna la.”

Bibɔjirb 8:6

Sukof aatiŋ aasalolm nan bui u ke, “Nsan mulamu pu aan ti ga tii saajab tijikaar? Saa kee chuu Seba ni Salmuna.”

Bibɔjirb 8:8

Gideonn nan di jer ti fuu Penuel aatiŋ ni, ki ki mee nima chee aanib mu mmeen baan ngbaan, le Penuel aajab mu ki gar u ngarm baan mu Sukof aajab tii u na.

1 Samuel 17:47

le binib bi mɔmɔk bi do na kan ke Uwumbɔr aa ban kijaak aajum, bee tikpaatunn, ke u di gaa waanib lii. U nyaŋni butɔb ni, le ki ga di ni mɔmɔk ŋa timi aapɔɔn ni.”

1 Samuel 18:17

Sɔɔl nan bui David ke, “Mbisal upol Merab sɔ. Aa yaa tun tii mi ki kaar ke uja u si udindaan aapuwɔb mbamɔm na, ki jaa Uwumbɔr aatɔb ponn ni kan, m ga cha aa di u ŋa aapuu.” Sɔɔl nan dak ke u yaa ŋa kina kan, Filistia yaab le ga ku David, naan li ye uma.

1 Samuel 25:28

Maaninkpel, m gaŋ si ke aa di cha pinn mi taani umɔk m ŋa na. Uwumbɔr ga ŋa si ubɔr, ki di kpee aayaabitiib mu; ba pu? aa bi to waatɔb la, kaan ŋa tibɔbir tibaa n‑yoonn mumɔk aa bi limɔfal ponn ni na.

1 Samuel 26:19

Mpɔɔndaan, li pel maah kpa pu m tuk si na. Ni yaa ye Uwumbɔr le cha aa ban mi kan, kitork le ga cha u kpeln waalandak; tɔ, ni yaa ye binib kan, Uwumbɔr aapuun li dii bi; ba pu? bi jenn nyan mi Uwumbɔr aatiŋ ni, ki bui mi ke m li cha ki ti li dooni ŋiwaa.