Bibɔjirb 5:22 - Uwumbɔr aagbaŋ

²² Le itaan di san fuu ni, ki joo itaabuseen tai kitiŋ.

Bibɔjirb 5:22 ပူးပေါင်းရင်းမြစ်များ

Job Aagbaŋ 39:19

Job, sin le nan cha itaan kpa mpɔɔn sakpen ki tii i itangbar i fɔk na aa?

Ilahn 20:7

Bibaa tii baatɔb aataan aatɔroku le naadii, le biken mu tii baataan naadii, le tima tii Tidindaan Uwumbɔr aapɔɔn naadii.

Ilahn 33:17

Butɔb aataan aan ŋmaa cha binib nyaŋ baadim, yaapɔɔn aan ŋmaa gaa ubaa lii.

Aisaya 5:28

Baapiin ka, le bi gor baatɔi ke bi too. Baataan aataabuseen pɔɔ ke lichachatakpal na, le baataan aatɔroku tiib aataa manni mala mala ke kinaakpaajabuŋ na.

Jeremia 47:3

Bi ga ŋun itaan aataagbendun pu, ki ŋun itaan aatɔroku aawiil pu, ki ŋun baafambann aah weeni pu na. Tetiib aan fenn ban baabim; biwon ga yɔl, le biŋaal gur jɔn kaakaan.

Jeremia 47:4

N‑yoonn fuu ni ke Filistia kuln, n‑yoonn fuu ni ke ki taa ki kan Taya ni Saidonn aaterm mu gur na. Min Uwumbɔr le ga kuln Filistia yaab, bi mɔmɔk nyan ni Krete aanyun aagbaan ni na.

Jeremia 8:16

Timi aadim kpaan fuu ni Dann aatiŋ ni; ti ŋun baataan aah fɔi pu na. Baataan yaa wii kan, kitiŋ mɔmɔk deŋni la. Timi aadim dan ke bi nan bii timi aatiŋ, ni tiwan ni mɔmɔk bi ki pu na la, ni timi aatiŋ, ni kaanib.”

Esekiel 27:14

Aa nan di saawan kooh ki daa itaan i tun lituln na, ni butɔb aataan, ni tiwakor ti naahn ibon ki nyan ni Bef Togama aatiŋ ni na.

Maika 4:13

Uwumbɔr bui ke, “Jerusalem aanib, li cha ti daa nimi aadim aatafal man. M ga cha ni li pɔɔ ke unaaja u kpa tikur aayiin ni tikumann aataabuseen na. Ni ga ber ŋitimbol pam, le baah di mpɔɔn kan liwangol li na, ni ga joo ni li nan tii min, u ye dulnyaa mɔmɔk Aawumbɔr na.”