Bibɔjirb 5:18 - Uwumbɔr aagbaŋ

¹⁸ Le Sebulunn ni Naftali aanibol aanib ma di baamɔfal ŋa biŋaal ni, butɔb ni.

Bibɔjirb 5:18 ပူးပေါင်းရင်းမြစ်များ

Mpiin 35:23

Lea aabim le nan ye Rubenn, Jakob aajan aabijabo, ni Simeonn, ni Liifai, ni Juda, ni Isakar, ni Sebulunn.

Mpiin 35:25

Rachel aanaagbiipii Bilha aabim le nan ye Dann, ni Naftali.

Esta 4:16

“Li cha ki ti kuun Juu yaab bimɔk bi Susa ni do na, ki cha ni mɔmɔk lul bumɔb man ki mee limeel tii mi. Ni taa nyu ki taa ji nwiin pu ni kinyeek ki ti saa iwiin itaa. M ni maanaagbiisapɔm mu ga ŋa kina. Nima aapuwɔb na, m ga buen ubɔr chee, hali ni yaa ye likoobil kan, m ga buen. M yaa ŋa kina, aan ni ye mi nkun kan, m kpo.”

Ilahn 68:27

Njan, Benjaminn aanibol li par sakpen na le loln nsan, le Juda aayidam ni baanib paan bi pu, le Sebulunn ni Naftali aayidam paan.

Lituln 20:24

Tɔ, m yaa kpo, bee m yaa bi kan, ntafal aa bi ni ni. Tidindaan Yesu tii mi lituln, ke m tuk binib tibɔnyaan ngbaan, ke Uwumbɔr gee bi. Ntafal bi lituln ngbaan ponn ni, ke m tun li ti doo.

1 Jɔnn 3:16

Yesu nan sil timi aasisiiyaan ki kpo ti pu. Nima le cha ti bee ngeehm aah ye pu na. Ni ŋan ke ti mu ga ŋmaa kpo tinaabitiib pu.

Tibɔkpiirkaan 12:11

Upihbo Yesu aasin aapɔɔn pu ni waabɔr aapɔɔn pu le bi nyaŋ kinimbɔŋ. Bi gee Yesu ki jer baamɔfal, ki kii ke bi kpo u pu.

Bibɔjirb 4:10

Barak nan yin Sebulunn, ni Naftali aanibol ni aanib di buen Kedes aatiŋ ni, le butɔb aajab ŋichur kipiik dii u. Debora mu nan dii u buen.

Bibɔjirb 4:14

Le Debora bui Barak ke, “Li cha. Uwumbɔr le loln aa pu nsan. Din wee le u tii si linyaŋ Sisera pu.” Le Barak ni waajab ŋichur kipiik ngbaan sunn Tabor Aajool.

Bibɔjirb 4:6

Daalbaadaal le u tun ti yin ni Abinoam aajapɔɔn Barak u nan bi Kedes aatiŋ ki bi Naftali aanibol aatiŋ ni na, le ki nan bui u ke, “Uwumbɔr, u ye Israel yaab Aadindaan na, le di tibɔr tee tuk si ke: ‘Nyan butɔb aajab ŋichur kipiik, Naftali, ni Sebulunn aanibol ponn ni, ki di bi buen Tabor Aajool pu.

Bibɔjirb 6:35

U nan tun ituun Manase aanibol ŋilee aapepel mɔmɔk ni, ke bi dan nan dii u. U nan tun ituun Aser, ni Sebulunn, ni Naftali aanibol chee, le bi mu dan nan kpee u pu.