Bibɔjirb 5:13 - Uwumbɔr aagbaŋ

¹³ Le mbamɔndam dan baasalolm chee; Uwumbɔr aanib nan dan u chee ke bi nan jan kijaak.

Bibɔjirb 5:13 ပူးပေါင်းရင်းမြစ်များ

Ilahn 49:14

bi ga nan kpo ke ipiih na la, nkun le ga nan li ye u kpaa bi na. Binib bi aabimbin ŋan na ga laa bi, buyoonn biwon bi bur kitekpiitiŋ ki daa bido na ni.

Ilahn 75:7

Uwumbɔr le ji tibɔr, u bii bibaa aabɔr, le ki bui biken ke baabɔr ŋan.

Esekiel 17:24

Isui i mɔmɔk bi kitiŋ ngbaan pu na ga bee ke min le ye Uwumbɔr. Min le ga gaa geei isui i fɔk na, ki cha i kaa fɔk na muun ki li fɔk. Min le ga kuur isusoon ki cha isukuun fikr ki bunn. Min Uwumbɔr le len kina. M ga ŋa maah bui ke m ga ŋa pu na.”

Rom Yaab 8:37

Tɔ, Yesu Kristo u gee timi na aapɔɔn pu, le ti kan linyaŋ kookoo.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.

Bibɔjirb 5:12

Loln bi pu nsan, Debora, loln bi pu nsan. Gaa nlahn, ki loln bi pu nsan. Abinoam aajapɔɔn Barak, li chuun, di saah chur binib bi tinaagbiir na buen.

Bibɔjirb 5:14

Bi nan nyan ni Efraim aatiŋ ni, ki sunn ni kifataŋ ni, ki paa Benjaminn aanibol, ni laanib pu. Bijab aaninkpiib ngbaan nan nyan ni Makir aataŋaal pu, le biyidam nyan Sebulunn aanibol ni.

Bibɔjirb 5:23

Uwumbɔr aatuun bui ke, “Puun lii Meros aatiŋ pu, mbamɔn, puun lii binib bi koo nima chee na pu; ba pu? baa dan nan ter Uwumbɔr, baa dan ke butɔb aajab na ki nan ter u.”