Bibɔjirb 4:7 - Uwumbɔr aagbaŋ

⁷ M ga cha Jabinn aajab aaninkpel Sisera dan nan tak si Kisonn Aamɔɔl chee. U ga li joo ni waataan aatɔroku tiib ni waajab, m mu tee ga cha aa nyaŋ u.’”

Bibɔjirb 4:7 ပူးပေါင်းရင်းမြစ်များ

1 Bibɔrb 18:40

Le Elaija bui bi ke, “Chuu liwaal Baal aawaadam man; taa cha ubaa san ŋmar man.” Le binib ngbaan nan chur bi mɔmɔk, le Elaija di bi buen Kisonn Aamɔɔl ni ki ti ku bi mɔmɔk.

Nnyam 14:17

M ga pɔɔk Ijipt yaab aajab ngbaan aasui, le bi ga paan ni pu, le m ga nyaŋ ubɔr ngbaan, ni waajab, ni waatɔroku tiib, ni bijab bi ŋaal bi na mɔmɔk, ki kan kipak bi pu.

Nnyam 14:4

M ga cha usui pɔɔk, le u ga fii paan ni ni pu, le maah ga nyaŋ ubɔr ngbaan pu na, m ga kan kipak kina pu. Le Ijipt yaab ga bee ke min le ye Uwumbɔr.” Israel yaab nan ŋa Moses aah tuk bi pu na.

Nnyam 14:8

Uwumbɔr nan cha ubɔr ngbaan aasui pɔɔk, le u di paan Israel yaab bi nan nyan buen linyaŋ ni na aapuwɔb.

Nnyam 21:13

Tɔ, u yaa kaa nyi ubɔr le ki faa ku u kan, u ga ŋmaa san ŋmar ki buen nin chee m ga nyan ki mɔk nimi na; u yaa san fuu nima chee kan, u ŋmar a.

Josua 10:8

Le Uwumbɔr bui Josua ke, “Taa li san ijawaan man. M di linyaŋ tii nimi a. Bi ponn ni ubaa aan ŋmaa sil ke u to nimi butɔb.”

Josua 11:20

Uwumbɔr le nan cha binib ngbaan aasui fii ke bi to Israel yaab butɔb, aan u ŋmaa kuln bi mɔmɔk; linimbaasaln aa nan bi, le bi ku bi mɔmɔk. Kina le Uwumbɔr nan bui Moses ke u ŋa.

Josua 11:6

Le Uwumbɔr nan bui Josua ke, “Taa san bi ijawaan. Fen kina kookoo na kan, m ga fe ku bi mɔmɔk tii Israel yaab. Aa wɔi baataan, ki see baatɔroku mam mmii.”

Josua 8:7

Le ni nyan ni kitiŋ ngbaan aapuwɔb, naah bɔr nin chee na, ki nan lir kitiŋ ngbaan pu, ki ku binib bimɔk gur ki ponn ni na. Nidindaan Uwumbɔr le ga nyaŋ kitiŋ ngbaan tii nimi.

Bibɔjirb 4:14

Le Debora bui Barak ke, “Li cha. Uwumbɔr le loln aa pu nsan. Din wee le u tii si linyaŋ Sisera pu.” Le Barak ni waajab ŋichur kipiik ngbaan sunn Tabor Aajool.

Bibɔjirb 4:8

Le Barak gar u ke, “Aa yaa ga dii mi buen kan, m ga buen; aa yaa kaan buen kan, m mu aa cha.”

Bibɔjirb 5:21

Kisonn Aamɔɔl ni aawam le nan ŋar bi ŋŋaan buen, Kisonn Aamɔɔl aanyunja le nan di bi buen. M ga chuun buen, m ga di mpɔɔn chuun buen.

1 Samuel 24:10

Aa kan ke dandana wee Uwumbɔr di si ŋa maapɔɔn ni kitakpaluŋ ngbaan ni. Maajab bibaa bui mi ke m ku si, le m san si kinimbaak, ki bui bi ke maan ŋa si taani siib kina; ba pu? Uwumbɔr le lee si ke aa li ye ubɔr.

1 Samuel 24:18

Din wee, aa mɔk mi saah kpa m pu tiŋann pu na; ba pu? saa ku mi buyoonn Uwumbɔr di mi ŋa saapɔɔn ni na.