Bibɔjirb 4:5 - Uwumbɔr aagbaŋ

⁵ U nan ŋmaa kaa libɔkpal aasub bubaa taab la. Busub ngbaan nan bi Rama aatiŋ ni Betel ki bi ŋigongon aatiŋ ki ye Efraim aanibol aatiŋ na aakaasisik ni la, le Israel aanib chaa u chee nima, ki ti toor baabɔr.

Bibɔjirb 4:5 ပူးပေါင်းရင်းမြစ်များ

Mpiin 35:8

Le Rebeka aanaagbiipii u bi nan yin u ke Debora na nan kpo, le bi di u sub likpaln aasub na taab, Betel aaŋangii wɔb. Nima pu le bi yin likpaln aasub ngbaan ke “Iwiil Aakpaln.”

Nnyam 18:13

Naah woln kitaak na, le Moses nan bi toor Israel yaab aajaak aabɔr kina ki ti saa kinyeek.

Nnyam 18:16

N‑yoonn mu binib bilee kpa kinikpakpak na, bi ga dan m chee, le m bee u aabɔr ŋan na, le ki tuk bi Uwumbɔr aakaal, ni waah ban pu na.”

Nnyam 18:19

Dandana wee, cha m sur si, aan Uwumbɔr ga li bi aa chee. Ni ŋan ke aa li si binib ngbaan aasisii, Uwumbɔr aanimbiin ni, ki li joo ni baabɔr u chee.

Nnyam 18:26

Bi nan tun libɔjil aatuln binib ngbaan chee n‑yoonn mɔmɔk, le ki tee joo ni tibɔr ti pɔɔ na Moses chee, le ki toor tibɔr ti kaa pɔɔ na bibaa.

Jeremia 31:15

Uwumbɔr bui ke, “Bi ŋun kifuuk Rama aatiŋ ni, ki ye ikpowiil aafuuk la. Rachel le wii waabim pu; bi mɔmɔk kpo a, le ubaa aa ŋmaa sɔŋ usui.

Josua 16:2

ki yoor Betel aatiŋ mɔk ki di buen Lus aatiŋ mɔk, ki ti saa Atarof Adar aatiŋ, nin chee Ak yaab bi na,

Josua 18:22

ni Bef Araba, ni Semarayim, ni Betel,

Josua 18:25

Ntim mu nan ki kpee na le ye Gibeonn, ni Rama, ni Beerof,

Bibɔjirb 4:4

Tɔ, Lapidof aapuu Debora nan ye Uwumbɔr aabɔnabpii la, le n‑yoonn mue na, uma le nan ye Israel yaab aabɔjil.

1 Samuel 1:1

Uja ubaa nan bi, bi nan yin u ke Elkana, u nyan ni Efraim aamaal ponn ni la, le ki koo Rama aatiŋ ki bi Efraim aatiŋ ki ŋigongon wiir nima na ponn ni. Ute le nan ye Jeroham, le uyaaja mu nan ye Elihu, u nyan ni Tohu aamaal mu ye Suf aataŋaal na.

1 Samuel 1:19

Naah woln kichakpiik ni na, le Elkana ni waadichal fii mala, ki ki doon Uwumbɔr, le ki gir kun Rama aatiŋ ni. Tɔ, Elkana nan doon upuu Hana chee, le Uwumbɔr kii waameel.

1 Samuel 22:6

Daalbaadaal le Sɔɔl nan bi Gibea aatiŋ ni, ki ka busub bubaa taab, ligongoln paab, ki joo waakpaatuŋ uŋaal ni. Waaninkpiib mɔmɔk nan si gob u. Unii ubaa nan bui u ke bi kan David ni waajab.

1 Samuel 25:1

Samuel nan kpo, le Israel yaab mɔmɔk kuun dan nan wii waakpuul. Bi nan ti sub u udo aatiŋ Rama ni la. Nee aapuwɔb le David buen Parann aateersakpiin ni.

1 Samuel 7:17

le ki gir buen waatiŋ Rama ponn ni, nin chee u ti ki ye ubɔlen na. U nan maa kitork aabimbiln Rama aatiŋ ni tii Uwumbɔr.