Bibɔjirb 4:3 - Uwumbɔr aagbaŋ

³ Jabinn nan kpa itaan aah dar tɔroku tiib bi na ikui iwae la, le ki nan joo mbiin muk Israel aanib, ki ti saa ŋibin moninko. Le Israel aanib wii yin Uwumbɔr, ki ban nterm.

Bibɔjirb 4:3 ပူးပေါင်းရင်းမြစ်များ

Ilahn 106:42

Baadim nan muk bi, le bi kpaln baanaagbiib.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 78:34

Buyoonn u ti ku bi ponn bibaa na, le bi gur na tee fenn gir ni u chee, ki yii titunwanbir ki di bisui mɔmɔk mee u.

Nnyam 2:23

Ŋibin pam aah jer cha na, le Ijipt aabɔr u nan dii Moses u ku u na nan kpo, le Israel yaab nan beenin bi tinaagbiir ni, le ki wii ki ban nterm. Uwumbɔr nan ŋun baah wii pu na,

Ikaal 28:29

Ni ga li chuun tuur nwiin pu ke ujoon na, le kaan bee nin chee ni cha na. Ni yaa ŋa tiwan mɔmɔk kan, naan kan tinyoor kpala. Ni ga li bi falaa ni, n‑yoonn mɔmɔk la, le bi ga li su nimi aawan, ubaa mu aan li bi ki ga ter nimi.

Ikaal 28:33

Linibol yayan ga dan nan yoor nimi aajikaar mɔmɔk ti ni jin falaa ki kon na buen, le ni ga kan falaa ni ntafadaan mu pɔɔ na n‑yoonn mɔmɔk.

Josua 17:16

Le bi giin bui u ke, “Ŋigongon aatiŋ ngbaan aa wiir ki ga fuu timi, le Kanaann yaab bi bi kifataŋ ni na: bi bi Bef Sann aatiŋ ni na, ni bi bi ki mann gonn ki na, ni bi bi Jesreel aafataŋ ni na kpa tikur aatɔroku mam la.”

Bibɔjirb 10:10

Le Israel yaab ngbaan nan wii yin Uwumbɔr ki bui ke, “Timi Aawumbɔr, ti tun si titunwanbir, ti di si lii, le ki dooni Baal aawaa.”

Bibɔjirb 10:16

Bi nan di ŋiwaa lii, le ki dooni Uwumbɔr, le baapombiin aabɔr nan ki muk u.

Bibɔjirb 3:15

Le Israel yaab nan wii yin Uwumbɔr, le u tun ni uja ubaa ke u nan gaa bi lii. Bi nan yin uja ngbaan ke Ehud, le u ye ugandaan. Ute le nan ye Gera, u ye Benjaminn aanibol ni aanii na. Israel aanib nan ban ipiin, le ki di tun Ehud, ke u di ti tii Moab Aabɔr Eglonn.

Bibɔjirb 3:9

Le Israel yaab nan wii yin Uwumbɔr, le u tun ni uja ubaa u nan gaa bi lii. Uja ngbaan le nan ye Kaleb aanaal Kenas aajapɔɔn Otniel.

Bibɔjirb 4:13

le u yin ni waatɔroku tiib ikui iwae, ni waajab mɔmɔk, bi nan bi Harosef Hagoyim aatiŋ ni na, ki cha bi buen Kisonn Aamɔɔl chee.

Bibɔjirb 4:4

Tɔ, Lapidof aapuu Debora nan ye Uwumbɔr aabɔnabpii la, le n‑yoonn mue na, uma le nan ye Israel yaab aabɔjil.

Bibɔjirb 5:8

Israel yaab nan ban ŋiwaa la, nima pu le butɔb dan kitiŋ ngbaan pu. Israel aajab ŋichur imonko ilee ngbaan ni, ulau nan joo kijaak aapeln, bee kikpaatuŋ?

Bibɔjirb 6:6

Bi nan choo le ki nan bii kitiŋ, le Israel yaab aa kpa baapɔɔn.

1 Samuel 7:8

le bi bui Samuel ke, “Li beenin mee Tidindaan Uwumbɔr aan u gaa timi Filistia yaab bee chee lii.”