Bibɔjirb 4:21 - Uwumbɔr aagbaŋ

²¹ Sisera aah nan bak na, le u kpaan geen. Le Jael yoor ugagaar ni nkpaa, le ki loon buen u chee, le ki ti di nkpaa ngbaan kpaa chaar utapak ki ti chuu kitiŋ.

Bibɔjirb 4:21 ပူးပေါင်းရင်းမြစ်များ

Ilahn 3:7

Uwumbɔr, dan. Maawumbɔr, gaa mi lii. Sin le dar maadim mɔmɔk aatafal, le baa ki kpa mpɔɔn mubaa bi tun mi titunwanbir.

1 Korenti 1:19

Ni ŋmee Uwumbɔr Aagbaŋ ponn ni ke uma Uwumbɔr bui ke, “M ga cha bilankpalb aalan bee yɔli, m ga yii binibiwolm aalan.”

1 Korenti 1:27

Uwumbɔr nyan binib bi ye bijɔrb dulnyaa ni aanib aanimbil ni na, le ki tee cha binib bi kpa nlan na ji inimɔɔn. U nyan binib bi ye bigiim dulnyaa ni aanib aanimbil ni na, le ki tee cha bipɔɔndam ji inimɔɔn.

Bibɔjirb 15:15

U nan kan ubon u laa kpo na aamɔkpaween dɔ. U nan boon ki pii mu, ki di mu ku bijab lichur.

Bibɔjirb 3:21

Le Ehud di uŋangan daa nyan waajaak aajuk na, uŋangii aasikakl wɔb, ki di saa gbir ubɔr aapuul.

Bibɔjirb 3:31

Usaloln u nan nab Ehud aatuln pu na le nan ye Anaf aajapɔɔn Samgar. U mu nan gaa Israel yaab lii. U nan di lidabil li aamɔb chɔɔ na, le ki ku Filistia aajab ikui iloob.

Bibɔjirb 4:20

Le u bui upii ngbaan ke, “Li si libool ngbaan aabisamɔb, unii umɔk dan ki nan baa si ke unii bi li ponn ni aan waa bi kan, aa bui udaan ke ubaa aa bi.”

Bibɔjirb 4:22

Barak aah bi ban Sisera ki nan fuu ni na, le Jael tooh u nsan ni ki ti bui u ke, “Dan do. M ga mɔk si saah bi ban uja u na.” Le u dii u koo, le ki ti kan Sisera kpo dɔ kitiŋ, le nkpaa kpaa uyil ki ti chuu kitiŋ.

Bibɔjirb 4:9

Le u gar ke, “Kina kan, ni ŋan, m ga dii si buen, aa mu aan tee kan kipak kibaa linyaŋ ngbaan pu, ba pu? Uwumbɔr ga di Sisera ŋa upii aaŋaal ni la.” Le Debora ni Barak di siir tɔŋ Kedes.

1 Samuel 17:43

Le u bui David ke, “Aa joo lidabil ngbaan aa di ŋa ba? Aa dak ke m ye ubɔ la aa?” Le u puun waawaal lii David pu,