Bibɔjirb 4:19 - Uwumbɔr aagbaŋ

¹⁹ Le Sisera bui u ke, “Tii mi nnyun aan m nyu; m gaŋ si la, nnyunyuu le joo mi.” Le u nan yoor igban aalook ki ponn ni kpa nnaabiin na, le ki bar tii u, ki ki giin u di bɔr.

Bibɔjirb 4:19 ပူးပေါင်းရင်းမြစ်များ

Mpiin 24:43

ki len ke, ‘Maah si gbɔk nnyunbun mu na, usapɔɔn ubaa yaa fuu ni ke u lu nnyun kan, m ga bui u ke u tii mi nnyun m nyu.

1 Bibɔrb 17:10

Kina le Elaija nan buen Sarefaf aatiŋ ni, le waah ti fuu kitiŋ ngbaan aagoln aabisamɔb chee na, le u kan ukpopii ubaa bi peei idɔ. Le u bui u ke, “M gaŋ si, tii ni mi nnyun aan m nyu.”

Aisaya 41:17

Buyoonn bigiim bi kaa kpa nibaa na ban nnyun kaa kan na, aan nnyunyuu joo bi na, le bineen kuur, n‑yoonn ngbaan le min Uwumbɔr ga kii baameel; min, Israel yaab Aawumbɔr, aan san cha bi.

Jɔnn 4:7

Le Samaria aapii ubaa dan u nan lu nnyun. Le Yesu bui u, “Pu mi nnyun m nyu.”

Bibɔjirb 4:18

Jael nan tooh Sisera nsan ni, le ki ti bui u ke, “Maaninkpel, koo ni; koo ni maakeken aabool ni. Taa san ijawaan.” Le u koo, le u di u bɔr ŋikeken ŋibaa ni.

Bibɔjirb 4:20

Le u bui upii ngbaan ke, “Li si libool ngbaan aabisamɔb, unii umɔk dan ki nan baa si ke unii bi li ponn ni aan waa bi kan, aa bui udaan ke ubaa aa bi.”

Bibɔjirb 5:24

Upiiyinyaan daan le ye Jael u aachal ye Kenn aanii Heber na, uma le ye upiiyinyaan daan u koo ŋikeken aaboo ni na.