Bibɔjirb 4:15 - Uwumbɔr aagbaŋ

¹⁵ Barak ni waajab aah ti tak bi na, le Uwumbɔr ŋmal Sisera ni waajab bi mɔmɔk bi itaan aatɔroku tiib ni na, ni waajab biken mɔmɔk aalan. Sisera nan nyan waatɔroku ponn ni ke u di litaal san ŋmar.

Bibɔjirb 4:15 ပူးပေါင်းရင်းမြစ်များ

2 Bibɔrb 7:6

Uwumbɔr nan cha Siria yaab ngbaan ŋun kifuuk ki naahn butɔb aajapaak, ni itaan, ni yaatɔroku tiib na pu, le Siria yaab ngbaan nan dak ke Israel yaab ti pan Hef yaab aabɔr, ni Ijipt yaab aabɔr ni baajab ke bi nan tak bi la.

Ikaal 7:23

Uwumbɔr ga di nimi aadim ŋa nimi aaŋaal ni, ki cha ijawaan chuu bi, le ni ti kuln bi doo.

Hiibru Yaab 11:32

Tɔ, m ga ki len ke ba? Maa kpa n‑yoonn ke m len Gideonn, ni Barak, ni Samsonn, ni Jefta, ni David, ni Samuel, ni Uwumbɔr aabɔnabtiib aabɔr.

Josua 10:10

Uwumbɔr nan cha Amor yaab aah kan Israel yaab na, le biwon jii. Le Israel yaab aajab nan ku bi Gibeonn yaab aatiŋ ni, le ki san dii bi kina ki ti nyan ŋijoo pu aasan mu cha Bef Horonn aatiŋ ni na, ki dii bi kina ŋŋangii wɔb ki ti saa Aseka ni Makeda.

1 Samuel 7:10

Buyoonn Samuel bi toor kitork ngbaan na, le Filistia yaab dan ke bi nan tak bi. Libuul ngbaan ni, le Uwumbɔr teen paacham ke utaal na, bi pu. Le bilan ŋmal, le ijawaan chuu bi, le bi san.