Bibɔjirb 4:11 - Uwumbɔr aagbaŋ

¹¹ N‑yoonn mue na, Kenn aanii Heber nan puen gaa waakeken aabool likpaln aasub bubaa taab, Sananim aatiŋ ki bi gbɔk Kedes aatiŋ na chee. U nan fii udo yaab biken, Hobab, u nan ye Moses aachiin na aayaabitiib chee.

Bibɔjirb 4:11 ပူးပေါင်းရင်းမြစ်များ

Nnyam 18:1

Moses aachool uja Jetro, u ye Midiann aatiŋ aatotoor na, nan ŋun Uwumbɔr aah di Moses tun pu na mɔmɔk, aan ki cha u nyan ni Israel yaab Ijipt aatiŋ ponn ni pu na.

Nnyam 2:18

Baah gir kun buyoonn na, le bite baa bi ke, “Ba ŋa ni gir ni din mala kina?”

Nnyam 3:1

Daalbaadaal le Moses nan bi kpaa uchool Jetro, u ye Midiann aatiŋ aatotoor na aawakor timoor ni, le u nan di ti jer nteersakpiin mubaa ni, ki buen Uwumbɔr aajool Sainai chee.

Nkahm 10:29

Le Moses bui uchool Jetro, u nan ye Midiann aanii na, aajapɔɔn Hobab ke, “Ti ban ti piin ki buen nin chee Uwumbɔr bui ke u ga di tii timi na la. U puu ke u ga ŋa timi Israel yaab pu tinyoor, nima pu na, li dii timi, aan ti kpaan ji kina aanyoor.”

Nkahm 10:32

Aa yaa dii timi buen kan, ti ni si ga kpaan ji Uwumbɔr aah ga tii timi tinyoor ti na.”

Nkahm 24:21

U nan ki kan Kenn yaab mu aabɔkpiirkaan, le ki nabr tibɔr timina: “Saanib aah ka nin chee, aan ni dak ke ni pɔɔ, ki bi ke unyoon aadil li bi lijool aamɔju pu na,

Josua 19:33

Baatiŋ aanaan nan di kina ti nyan Helef aatiŋ ni, ki di ti pii busub sakpiin bu bi Saananim aapepel ni na, ki di kina ti ker Adami Nekeb aatiŋ ni, ki yoor ti nyan Jamnia aatiŋ ni, le ki jer ti nyan Lakum aatiŋ ni, ki ti doo Jɔɔdann Aamɔɔl chee.

Josua 19:37

ni Kedes, ni Edrei, ni Enhasor,

Bibɔjirb 1:16

Moses aachool, u nan ye Kenn aanii na aayaabitiib nan nyan Jeriko, kitiŋ ki ye ŋibɔkpal aatiŋ na ni, ki dii Juda aanib buen kitikuun ki bi Arad aatiŋ aaŋangii wɔb, Juda aapepel ni na, le ki ti kal Amalek yaab chee nima.

Bibɔjirb 4:12

Sisera aah ŋun ke Barak bi Tabor Aajool pu na,

Bibɔjirb 4:6

Daalbaadaal le u tun ti yin ni Abinoam aajapɔɔn Barak u nan bi Kedes aatiŋ ki bi Naftali aanibol aatiŋ ni na, le ki nan bui u ke, “Uwumbɔr, u ye Israel yaab Aadindaan na, le di tibɔr tee tuk si ke: ‘Nyan butɔb aajab ŋichur kipiik, Naftali, ni Sebulunn aanibol ponn ni, ki di bi buen Tabor Aajool pu.

1 Samuel 15:6

U nan tun ti bui Kenn aanib, bi aayaajatiib nan ŋa Israel yaab tiŋann buyoonn bi nan nyan ni Ijipt ni na ke, “Nyan cha man Amalek yaab, aan m taa nan ku nimi kpee bi pu.” Le Kenn yaab ngbaan nyan cha bi.

1 Samuel 27:10

Akis ga ti baa u ke, “Aa buen ti binn la chee din wee?” Le David ga ŋmann u ki bui u ke u buen Juda aaŋangii wɔb la, bee Jerameel yaab aapepel, bee Kenn yaab aapepel la.