Bibɔjirb 4:10 - Uwumbɔr aagbaŋ

¹⁰ Barak nan yin Sebulunn, ni Naftali aanibol ni aanib di buen Kedes aatiŋ ni, le butɔb aajab ŋichur kipiik dii u. Debora mu nan dii u buen.

Bibɔjirb 4:10 ပူးပေါင်းရင်းမြစ်များ

1 Bibɔrb 20:11

Ubɔr Ahab nan gar bi ke, “Ti bui Ubɔr Ben‑Hadad ke butɔb aajabamɔnn kpa kipupuk butɔb aapuwɔb la, naa ye butɔb aah laa choo pu na.”

Ilahn 68:28

Uwumbɔr, mɔk saapɔɔn, mɔk saapɔɔn mu aa di tun timi pu,

Nnyam 11:8

Moses aah ti ban u len tibɔr mɔmɔk doo na le u bui ke, “Saaninkpiib mɔmɔk ga dan m chee ki nan gbaan nnimbiin ni, ki ga gaŋ mi ke m di maanib mɔmɔk nya ki buen. Nee aapuwɔb le m ga nya.” Liŋuul nan joo Moses, le u siir ubɔr ngbaan chee.

Bibɔjirb 4:14

Le Debora bui Barak ke, “Li cha. Uwumbɔr le loln aa pu nsan. Din wee le u tii si linyaŋ Sisera pu.” Le Barak ni waajab ŋichur kipiik ngbaan sunn Tabor Aajool.

Bibɔjirb 4:6

Daalbaadaal le u tun ti yin ni Abinoam aajapɔɔn Barak u nan bi Kedes aatiŋ ki bi Naftali aanibol aatiŋ ni na, le ki nan bui u ke, “Uwumbɔr, u ye Israel yaab Aadindaan na, le di tibɔr tee tuk si ke: ‘Nyan butɔb aajab ŋichur kipiik, Naftali, ni Sebulunn aanibol ponn ni, ki di bi buen Tabor Aajool pu.

Bibɔjirb 5:15

Isakar aanibol ni aasalolm nan dii ni Debora; mbamɔn, Isakar aanibol nan dan, le Barak mu dan, le bi nan dii ki sunn kifataŋ ngbaan ni. Le Rubenn aanibol ma aa nan kpa kimɔbaan, le kaa nan dan.

Bibɔjirb 5:18

Le Sebulunn ni Naftali aanibol aanib ma di baamɔfal ŋa biŋaal ni, butɔb ni.

Bibɔjirb 6:35

U nan tun ituun Manase aanibol ŋilee aapepel mɔmɔk ni, ke bi dan nan dii u. U nan tun ituun Aser, ni Sebulunn, ni Naftali aanibol chee, le bi mu dan nan kpee u pu.

1 Samuel 25:27

Maaninkpel, m gaŋ si, gaa maah joo ni si tiwan ni na, ki di tii saajab.